បុគ្គលពួកខ្លះមើលឃើញតែទោសកំហុសអ្នកដទៃ រឿងនោះតូចតាចទេ តែគេខំចាប់ផ្សំត្រង់នេះបន្តិច ត្រង់នោះបន្តិច ផ្គុំឱ្យទៅជារឿងធំបាន ។ ការសន្សំតែរឿងអាក្រក់ៗមកដាក់ទុកក្នុងខ្លួននេះហើយ ដែលនាំឱ្យចិត្តមិនស្ងប់ប្រាសចាកសុខដោយគុណធម៌ ។ បើបុគ្គលមិនសន្សំរឿង…
បុគ្គលពួកខ្លះមើលឃើញតែទោសកំហុសអ្នកដទៃ រឿងនោះតូចតាចទេ តែគេខំចាប់ផ្សំត្រង់នេះបន្តិច ត្រង់នោះបន្តិច ផ្គុំឱ្យទៅជារឿងធំបាន ។ ការសន្សំតែរឿងអាក្រក់ៗមកដាក់ទុកក្នុងខ្លួននេះហើយ ដែលនាំឱ្យចិត្តមិនស្ងប់ប្រាសចាកសុខដោយគុណធម៌ ។
បើបុគ្គលមិនសន្សំរឿង គឺមិនធ្វើរឿងតូចតាចឲ្យទៅជារឿងធំ ហើយអ្វីដែលរឹតតែត្រឹមត្រូវទៅទៀតនោះ គឺគប្បីធ្វើរឿងធំឲ្យមកជារឿងតូច បើជារឿងតូចទេ កុំចាប់យក កុំសន្សំ លើកលែងចោលទៅ ត្រូវធ្វើជាខ្វាក់ ឬថ្លង់ ឬគខ្លះក៏មិនថ្វី នោះចិត្តយើងរមែងបានសប្បាយ គឺសប្បាយព្រោះមិនមានពៀរ ។
ពាក្យថា រឿង ក្នុងទីនេះ គឺសម្តៅដល់អ្វីដែលនាំឲ្យថ្នាំងថ្នាក់អាក់អន់ចិត្តជាមួយនឹងអ្នកដទៃ មិនបៀតបៀនអ្នកដទៃ មិនចាប់ទោសកំហុសគេ ធ្វើការងារណាដែលជាការងារមិនមានទោស នេះហើយជាសន្តានមនុស្សល្អ ៕ សាន សារិន
ចែករំលែកព័តមាននេះ