ប្រទេសកូរ៉េខាងជើង ៖ បុរសកូរ៉េខាងជើងម្នាក់ ដែលមានបំណងរត់ភៀសខ្លួនមកកាន់កូរ៉េខាងត្បូង ដែលអាចហែលទឹកឆ្លងកាត់ព្រំដែន រហូតមកដល់គោលដៅកាលពីថ្ងៃទី២៥ ខែកុម្ភៈ ឆ្នាំ២០២១នេះ។ បុរសរូបនោះ បានហែលទឹកសមុទ្រជប៉ុនដែលត្រជាក់ខ្លាំងអស់រយៈពេល៦ម៉ោង…
ប្រទេសកូរ៉េខាងជើង ៖ បុរសកូរ៉េខាងជើងម្នាក់ ដែលមានបំណងរត់ភៀសខ្លួនមកកាន់កូរ៉េខាងត្បូង ដែលអាចហែលទឹកឆ្លងកាត់ព្រំដែន រហូតមកដល់គោលដៅកាលពីថ្ងៃទី២៥ ខែកុម្ភៈ ឆ្នាំ២០២១នេះ។
បុរសរូបនោះ បានហែលទឹកសមុទ្រជប៉ុនដែលត្រជាក់ខ្លាំងអស់រយៈពេល៦ម៉ោង ដោយទិសដៅរបស់គេដំបូង គឺគេចង់គេចកុំឲ្យអាជ្ញាធរចាប់បាន ទាំងអាជ្ញាធរកូរ៉េខាងជើង ទាំងអាជ្ញាធរកូរ៉េខាងត្បូង។
បុរសរូបនេះ គឺជាជនស៊ីវិលអាយុប្រមាណជា២០ឆ្នាំ បានប្រាប់ដល់អាជ្ញាធរកូរ៉េខាងត្បូងថា គេបានរត់ចោលជួរ។ ហើយការលួចរត់ចេញរបស់គេដោយផ្សងព្រេង ហែលកាត់ទឹកសមុទ្រ និងប្រឡាយ ឆ្លងកាត់ព្រំដែនប្រៀបដូចជារឿងក្នុងខ្សែភាពយន្តចារកម្មនោះ ដែលបណ្ដាលឲ្យមានសង្គ្រាមប៉ាកានៅកូរ៉េខាងត្បូង ហើយនៅទីនោះប្រព័ន្ធត្រួតពិនិត្យជាគោលដៅនៃការរិះគន់។
ការរៀបរាប់ពីការលួចរត់របស់បុរសរូបនេះ ពិតជាគួរឲ្យភ្ញាក់ផ្អើល។ រូបគេបានមុជក្នុងប្រឡាយទឹកព្រំដែន ឆ្លងកាត់ក្រោមលួសបន្លាដែលដាក់រាយ រារាំងការលួចឆ្លងដែនរវាងកូរ៉េទាំង២។ ជននោះពិតជាប្រថុយជាមួយប្រព័ន្ធត្រួតពិនិត្យគ្រប់ប្រភេទ។ ពេលមុជទឹកឆ្លងប្រឡាយ យុវជនរូបនេះ បានធ្វើឱ្យមានការបញ្ចេញសញ្ញាអាសន្នជាច្រើនលើក ដោយពេលខ្លះមានទាំងរូបភាពតាមអេក្រង់ត្រួតពិនិត្យផងដែរ ប៉ុន្តែកងយោធាកូរ៉េខាងត្បូង នៅតែមិនទាន់អាចរកឃើញគេភ្លាមៗ។
ទីបំផុត កងទាហានបានរកឃើញ ក្រោយការតាមរុករកអស់រយៈពេល៣ម៉ោង។ ពេលដែលរកឃើញ គឺពេលដែលគេកំពុងដេកលង់លក់ ដោយសារការហេវហត់អស់កម្លាំង ព្រោះតែគេស្ថិតនៅក្នុងទឹកដ៏ត្រជាក់ដែលមានកម្រិតពី៥ទៅ១០អង្សាសេយូរពេក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ