បុរសម្នាក់ស្រវឹងស្រាខ្លាំង ប្រពន្ធបានដៃប្រល័យជីវិតប្តី
- មណ្ឌលគិរី
ខេត្តមណ្ឌលគិរី ៖ នៅវេលាម៉ោង១១ និង៣០នាទី ថ្ងៃទី២៣ ខែកុម្ភៈ ឆ្នាំ២០២១ នៅចំណុចភូមិពូទិល ឃុំប៊ូស្រា ស្រុកពេជ្រាដា…
ខេត្តមណ្ឌលគិរី ៖ នៅវេលាម៉ោង១១ និង៣០នាទី ថ្ងៃទី២៣ ខែកុម្ភៈ ឆ្នាំ២០២១ នៅចំណុចភូមិពូទិល ឃុំប៊ូស្រា ស្រុកពេជ្រាដា…
ខេត្តមណ្ឌលគិរី ៖ នៅវេលាម៉ោង១១ និង៣០នាទី ថ្ងៃទី២៣ ខែកុម្ភៈ ឆ្នាំ២០២១ នៅចំណុចភូមិពូទិល ឃុំប៊ូស្រា ស្រុកពេជ្រាដា ខេត្តមណ្ឌលគិរី មានករណីមនុស្សឃាតមួយបានកើតឡើង បណ្តាលឲ្យស្លាប់មនុស្ស០១នាក់។ ជនរងគ្រោះឈ្មោះ កេន គែល ភេទប្រុស អាយុ៤៩ឆ្នាំ ជនជាតិខ្មែរ មានស្រុកកំណើតនៅភូមិត្រពាំងពោន ឃុំគរ ស្រុកព្រៃឈរ ខេត្តកំពង់ចាម ស្នាក់នៅបណ្តោះអាសន្ន ភូមិពូទិល ឃុំប៊ូស្រា ស្រុកពេជ្រាដា ខេត្តមណ្ឌលគិរី។
ដោយជនសង្ស័យឈ្មោះ ផាន នាង ភេទស្រី អាយុ៤២ឆ្នាំ ជនជាតិខ្មែរ មុខរបរកសិករ មានស្រុកកំណើត នៅភូមិលោ ស្រុកមេមត់ ខេត្តត្បូងឃ្មុំ ស្នាក់នៅបច្ចុប្បន្ន ភូមិពូទិល ឃុំប៊ូស្រា ស្រុកពេជ្រាដា ខេត្តមណ្ឌលគិរី (ត្រូវជាប្រពន្ធជនរងគ្រោះ) សមត្ថកិច្ចបានឃាត់ខ្លួននៅពេលរត់គេចខ្លួនទៅដល់ក្រុងសែនមនោរម្យ។ មូលហេតុដែលកើតមានរឿងឃាតកម្មនេះឡើង នៅពេលជនរងគ្រោះស្រវឹងស្រាខ្លាំងក៏បង្កជាជម្លោះ ប្រវាយប្រតប់គ្នារួចជនសង្ស័យបានយកក្រមារឹតក និងលោតអុកពីលើដោយជង្គង់ទៅលើជនរងគ្រោះបណ្តាលឲ្យចុកចាប់ និងថប់ដង្ហើមស្លាប់នៅកន្លែងកើតហេតុតែម្តង។
ក្រោយទទួលបានព័ត៌មានភ្លាម កម្លាំងជំនាញរបស់អធិការដ្ឋាននគរបាលស្រុកពេជ្រាដា និងកម្លាំងនគរបាលបច្ចេកទេសកម្លាំងនគរបាលព្រហ្មទណ្ឌកម្រិតធ្ងន់បានចុះស្រាវជ្រាវ និងពិនិត្យកន្លែងកើតហេតុ។ នៅពេលពិនិត្យសាកសព យើងឃើញមានស្នាមជាំនៅក ដោយក្រមារឹត និងមានស្នាមរលាត់ស្បែកនៅខ្នងផ្នែកខាងស្តាំ។ ក្រោយពេលកើតហេតុ ជនសង្ស័យត្រូវបានឃាត់ខ្លួនដើម្បីកសាងសំណុំរឿងបញ្ជូនទសាលាដំបូងខេត្តចាត់ការតាមនីតិវិធី។ ដោយ ៖ ឃឹម ប៊ុនណាក់
ចែករំលែកព័តមាននេះ