ខេត្តបន្ទាយមានជ័យ ៖ សេចក្តីរាយការណ៍៍បានឲ្យដឹងថា កាលពីវេលាម៉ោង២និង២០នាទីរសៀលថ្ងៃទី២២ ខែកុម្ភៈ ឆ្នាំ២០២១ មានករណីក្មេងស្រីម្នាក់លង់ទឹកស្រះ បណ្តាលឱ្យបាត់បង់ជីវិត នៅចំណុចវាលស្រែ (តាអន)…
ខេត្តបន្ទាយមានជ័យ ៖ សេចក្តីរាយការណ៍៍បានឲ្យដឹងថា កាលពីវេលាម៉ោង២និង២០នាទីរសៀលថ្ងៃទី២២ ខែកុម្ភៈ ឆ្នាំ២០២១ មានករណីក្មេងស្រីម្នាក់លង់ទឹកស្រះ បណ្តាលឱ្យបាត់បង់ជីវិត នៅចំណុចវាលស្រែ (តាអន) ស្ថិតក្នុងភូមិទឹក ថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័ យ ។
ក្មេងស្រីរងគ្រោះឈ្មោះ សុភា លក្ខិណា អាយុ១ខួប១ខែ មានជីដូនឈ្មោះ លិញ ចំណាន អាយុ៤៣ឆ្នាំ និងជីតាឈ្មោះ ហ៊ាង លួត អាយុ៤៤ឆ្នាំ មានទីលំនៅភូមិឃុំកើតហេតុខាងលើ ។
សមត្តកិច្ចឲ្យដឹងថា ជីដូន និងជីតាបានយកចៅស្រីម្នាក់ខាងលើទៅរស់នៅជាមួយ លុះនៅពេលរសៀលថ្ងៃកើតហេតុខាងលើ ពួកគាត់បានដាក់ឲ្យចៅចួលដេក ហើយពួកគាត់ទាំងពីរនាក់ក៏ដេកលង់លក់ផងដែរ ។ លុះពេលភ្ញាក់ឡើងស្រាប់តែបាត់ចៅ មិនឃើញដេកនៅជាមួយពួកគាត់នោះទេ ។
តាមប្រភពដដែលបានបន្តថា ពេលនោះពួកគាត់ក៏នាំគ្នាដើររកមើល ស្រាប់តែប្រទះឃើញចៅស្រីអណ្តែតក្នុងទឹកស្រះនៅមុខផ្ទះ ហើយពួកគាត់បានស្រង់ចៅយកទៅសង្គ្រោះដែរ ប៉ុន្តែមិនអាចជួយបានឡើយ ព្រោះចៅស្រីបានបាត់បង់ជីវិតទៅហើយ ដោយពួកគាត់ទាំង២នាក់បានត្រឹមតែស្រក់ទឹកភ្នែកទ្រហោយំអាណិតចៅស្រីតែប៉ុណ្ណោះ ។
ក្រោយពេលកើតហេតុ សមត្ថកិច្ចបានចុះមកពិនិត្យកន្លែងកើតហេតុ និងស.ពក្មេងស្រីរងគ្រោះ រួចប្រគល់ជូនជីដូនជីតាដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ