រាជធានីភ្នំពេញ ៖ វិស័យកសិកម្មកម្ពុជា ជាវិស័យស្នួលមួយក្នុងចំណោមវិស័យដទៃទៀតគាំ ទ្រដល់កំណើនសេដ្ឋកិច្ច ខណៈបច្ចុប្បន្ននេះ ពលរដ្ឋកម្ពុជាភាគច្រើននៅតែប្រកបរបរកសិកម្ម ។ រដ្ឋាភិបាលបានជំរុញឱ្យកសិករធ្វើកសិកម្មតាមបែបទំនើប និងកែប្រែពីកសិកម្មសម្រាប់ផ្គត់ ផ្គង់គ្រួសរទៅកសិកម្មសម្រាប់ផ្គត់ផ្គង់ទីផ្សារវិញ ។
បើតាមឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បាន មានប្រសាសន៍ថា ការអភិវឌ្ឍវិស័យកសិកម្ម គឺទាមទារចាំបាច់ត្រូពង្រឹងគុណអប់រំ ស្រាវជ្រាវ និងផ្សព្វផ្សាយ អំពីបច្ចេកវិទ្យាកសិកម្មនៅថ្នាក់ឧត្តមសិក្សា ។ ឯកឧត្តមបន្តថា វិស័យកសិកម្ម បាននិងកំពុងដើរតួនាទីយ៉ាងសំខាន់ក្នុងការជំរុញកំណើរផលិតកម្មស្បៀង បង្កើនបរិមាណផ្គត់ ផ្គង់ឲ្យទីផ្សារក្នុងស្រុក និងនាំចេញ បង្កើនប្រាក់ ចំណូល បង្កើតការងារ ពង្រីកទីផ្សារកសិផល អនុវត្តបច្ចេកវិទ្យាទំនើប ទាន់សម័យ ធានាបានប្រសិទ្ធភាពផលិតកម្ម និងសេដ្ឋកិច្ច នៅក្នុង យុគសម័យនៃបដិវត្តន៍ឧស្សាហកម្មទី ៤ និងការវិវឌ្ឍនៃបច្ចេកវិទ្យាឌីជីថល ។ ជាចក្ខុវិស័យ និងទិសដៅគោលនយោបាយវែងឆ្ងាយ កម្ពុជាត្រូវប្រែក្លាយកសិកម្មកម្ពុជាទៅជាកសិកម្មទំ នើប មានលក្ខណៈប្រកូតប្រជែង បរិយាប័ន្ន ធន់នឹងការប្រែប្រួលអាកាសធាតុ និងនិរន្តរភាព ដើម្បីបង្កើនប្រាក់ចំណូលគ្រួសារកសិករ ។
ដើម្បីសម្រេចបាននូវចក្ខុវិស័យនេះ ក្រសួងកសិកម្ម រុក្ខាប្រមាញ់ និងនេសាទ បានដាក់ ផែនការ និងយុទ្ធសាស្ត្រមួយចំនួន ៖ ទី ១ ដើម្បីពង្រឹងគុណភាពអប់រំ ត្រូវខិតខំធ្វើកំណែទម្រង់ ប្រព័ន្ធសិក្សា កែលម្អ និងអភិវឌ្ឍកម្មវិធីសិក្សា វិធីសាស្ត្របង្រៀន និងមធ្យោបាយសម្ភារបង្រៀ ន ឯកសារបង្រៀន ការងារពិសោធន៍ ស្រាវជ្រាវក្នុង និងក្រៅមន្ទីរពិសោធន៍ ផ្សព្វផ្សាយ ឆ្លើយ តបទៅនឹងគោលនយោបាយអភិវឌ្ឍន៍វិ ស័យឧស្សាហកម្មកម្ពុជា ២០១៥-២០២៥ ក៏ដូចជា គោលនយោយបាយ និងយុទ្ធសាស្ត្រអភិវឌ្ឍន៍វិស័យកសិកម្ម ២០១៩-២០២៣ និងគោល នយោបាយសំខាន់ៗផ្សេងៗទៀត ។
ទី ២ ស្វះស្វែង កៀរគរ រកប្រភពជំនួយឧបត្ថម្ភទាំងធនធានមនុស្ស សម្ភារ និងថវិកា ពីគ្រប់ មជ្ឈដ្ឋាន ដើម្បីពង្រឹងគុណភាពអប់រំ ស្រាវជ្រាវ និងពង្រឹងសមត្ថភាពមន្ទីរពិសោធន៍ ។ ទី ៣ ពង្រឹង និងពង្រីកកិច្ចសហប្រតិបត្តិការជាមួយថ្នាក់ជាតិ អន្តរជាតិ ដៃគូអភិវឌ្ឍន៍ វិស័យ ឯកជន សហគមន៍កសិកម្ម ជាពិសេសអាជ្ញាធរមូលដ្ឋានគ្រប់ជាន់ថ្នាក់ ដើម្បីឲ្យការអនុវត្តផែន ការសកម្មភាពអភិវឌ្ឍធនធានមនុស្សប្រព្រឹត្តដោយរលូន ផ្លែផ្កា និងទទួលបានជោគជ័យតាម ផែនការដែលបានគ្រោងទុក ។
ទី ៤ ត្រូវប្រកាន់ខ្ជាប់នូវស្មារតីសាមគ្គីភាពឯកភាពផ្ទៃក្នុង ប្រកាន់យកក្រមសីលធម៌ជាមន្ត្រីរាជ ការសាធារណក្នុងការបំពេញភារកិច្ចដូចមានចែងក្នុងជំពូកទី ៥ មាត្រា ៣៣ ដល់មាត្រា ៣៨ ក្នុងច្បាប់ស្តីពីសហលន្តិកៈមន្ត្រីរាជការស៊ីវិល ។ ដឹកនាំ និងគ្រប់គ្រងលើមន្ត្រីរាជការប្រកប ដោយសមធម៌ ប្រគល់ការងារតាមសមត្ថភាព ទប់ស្កាត់រាល់សកម្មភាពបំបែកបំបាក់ផ្ទៃក្នុង និងយុត្តិធម៌ ។ មិនត្រូវយកតួនាទីរបស់ខ្លួនធ្វើជាខ្នងបង្អែក និងបក្សពួកខ្លួនណាមួយឡើយ មិនត្រូវលាបពណ៌គ្នាឯង ជាពិសេសមន្ត្រីនៅថ្នាក់ក្រោម មិនមើលបំណាំគ្នា និងស្តាប់យោ បល់ថ្នាក់ក្រោមបង្គាប់ដោយអនុវត្តគោលការណ៍ «សមូហភាពដឹកនាំ បុគ្គលទទួលខុសត្រូវ» ។
ទី ៥ វិទ្យាស្ថានដុះ កើត និងរស់នៅដោយផ្ទាល់ជាមួយប្រជាកសិករខេត្តកំពង់ចាម ដូច្នេះត្រូវ ចុះមូលដ្ឋានឲ្យបានជាប់ជាប្រចាំ ដើម្បីចុះសិក្សា ស្រាវជ្រាវ ស្វែងយល់ ទទួលយក និងដោះ ស្រាយនូវរាល់បញ្ហាទាក់ទងនឹងចំណេះ ជំនាញយើងផ្ទាល់ឲ្យបានទាន់ពេល មានប្រសិទ្ធភាព និងទទួលបានប្រសិទ្ធផលខ្ពស់ ។
លោកឧកញ៉ា ហង់ សុគន្ធ ប្រធានក្រុមប្រឹក្សាភិបាលសម្ព័ន្ធសហគមន៍កសិកម្មកម្ពុជា បានឱ្យដឹងថា ចង់អភិវឌ្ឍន៍កសិកម្មឱ្យកាន់តែរីកចម្រើន កសិករត្រូវការចងក្រងជាសហគមន៍ ជាបណ្ដុំ ដើម្បីងាយស្រួលក្នុងការរកទីផ្សារ ទទួលបានហិរញ្ញវត្ថុសម្រាប់ពង្រីកកសិកម្មរបស់ ខ្លួន ។ ការចងជាសហគមន៍នេះដែរ គឺរដ្ឋាភិបាល និងភាគីពាក់ព័ន្ធដទៃទៀត នឹងងាយស្រួល ក្នុងការដោះស្រាយជូនកសិករនៅមានតម្រូវការជាក់ស្ដែងណាមួយចាំបាច់ ៕
ចែករំលែកព័តមាននេះ