ប្រទេសថៃ ៖ រដ្ឋមន្ត្រីដឹកជញ្ជូន និងជាប្រមុខទ័ពជើងអាកាសលោក Prajin Juntong បានឲ្យដឹងថា អនុគណៈកម្មាធិការថ្មីមួយត្រូវបានបង្កើតឡើងដើម្បីផ្តល់នូវការសន្និដ្ឋានឲ្យកាន់តែឆាប់លើបញ្ហានៅក្នុងឧស្សាហកម្ម
ប្រទេសថៃ ៖ រដ្ឋមន្ត្រីដឹកជញ្ជូន និងជាប្រមុខទ័ពជើងអាកាសលោក Prajin Juntong បានឲ្យដឹងថា អនុគណៈកម្មាធិការថ្មីមួយត្រូវបានបង្កើតឡើងដើម្បីផ្តល់នូវការសន្និដ្ឋានឲ្យកាន់តែឆាប់លើបញ្ហានៅក្នុងឧស្សាហកម្មអាកាសចរណ៍របស់ថៃ ។ នេះបើយោងតាមកាសែតបាងកកប៉ុស្តិ៍ចេញផ្សាយកាលពីម្សិលមិញ។
អនុគណៈកម្មាធិការនេះនឹងសង្កេតមើលទៅលើបញ្ហាដែលបានលើកឡើងដោយអង្គការអាកាសចរស៊ីវិលអន្តរជាតិ (ICAO) ជាមួយនឹងនិយាមសុវត្ថិភាពរបស់នាយកដ្ឋានអាកាសចរស៊ីវិល ហើយក៏នឹងធ្វើការពន្លឿនគម្រោងបង្កើតនូវទីបញ្ជាការមួយសម្រាប់ជាមជ្ឈមណ្ឌលនៅក្នុងការលើកឡើងនូវបញ្ហានានាតែម្តង ។ លោកបានបន្ថែមថា ក្រុមគណៈវិនិច្ឆ័យដែលដឹកនាំដោយមេបញ្ជាការកងទ័ពជើងអាកាស លោក Treetos Sonjaeng បានជួបពិភាក្សាលើកិច្ចការងារនេះជាលើកដំបូងកាលពីថ្ងៃអង្គារ ។ ក្រុមអ្នកទាំងនោះកំពុងតែរិះរកនូវមធ្យោបាយថា តើនឹងដោះស្រាយបញ្ហាដែលគេបានលើកឡើងដោយវិធីណា តាមរយៈអង្គការអាកាសចរស៊ីវិលអន្តរជាតិ ប៉ុន្តែកិច្ចការប្រធានរបស់ខ្លួនគឺ នឹងបង្កើនល្បឿនបកស្រាយបញ្ហារបស់ក្រសួងដឹកជញ្ជូន ។
ជាការឆ្លើយតបទៅនឹងកំហុសឆ្គងរបស់នាយកដ្ឋានអាកាសចរស៊ីវិលនៃការបំពេញតាមកាលកំណត់៩០ថ្ងៃដើម្បីរៀបរយនូវកំហុសឆ្គងកាលពីមុន ដែលត្រូវបានបញ្ជាក់ដោយអង្គការអាកាសចរស៊ីវិលអន្តរជាតិ ប្រទេសថៃទទួលបានទង់ក្រហម កាលពីថៃទី១៨ មិថុនា កន្លងមក ។
ចំណែកអគ្គនាយកនៃអគ្គនាយកដ្ឋានអាកាសចរស៊ីវិលជាតិរបស់ថៃ លោកស្រី Parichart Khotcharat ព្រមទទួលស្គាល់នូវវឌ្ឍនភាពនៃផ្នែកនេះរបស់ខ្លួនគឺមានកម្រិតយឺត ជាពិសេសក្នុងការស្វែងរកអ្នកជំនាញការបរទេសដើម្បីជាជំនួយក្នុងការពិនិត្យឡើងវិញនូវវិញ្ញាបនបត្រប្រតិបត្តិករអាកាសចរណ៍ ។
ការសិក្សាបន្ថែម គឺជាភាពចាំបាច់ត្រូវផ្តោតលើលក្ខខណ្ឌស្របច្បាប់នៃកិច្ចសន្យាប្រកបដោយសក្តានុពលជាមួយនឹងបណ្តាអ្នកផ្តល់ប្រឹក្សាខាងក្រៅ ក៏ដូចជាសក្តានុពលសេដ្ឋកិច្ច និងផលប៉ះពាល់សង្គមពីការងាររបស់ពួកគេដែលបញ្ជាក់ក្នុងផ្នែកទី២៣នៃរដ្ឋធម្មនុញ្ញ ។ លោកស្រីក៏បានអះអាងថា ការស្វែងរកមូលនិធិដើម្បីជួលអ្នកជំនាញការគឺជាគុណវិបត្តិទ្វេដងរបស់នាយកដ្ឋាន ៕
ចែករំលែកព័តមាននេះ