រាជធានីភ្នំពេញ ៖ ហាងឆេងប្រាក់យ៉េនជប៉ុនបានបង្ហាញពីភាពខ្លាំងរបស់ខ្លួនខ្លាំងជាងប្រាក់រៀលខ្មែរ ។ ធនាគារជាតិនៃកម្ពុជា នៅថ្ងៃទី ២៣ខែកុម្ភៈ ឆ្នាំ ២០២១នេះបានឱ្យដឹងថា ១០០យ៉េនជប៉ុន ទិញចូល ៣៨៧៦ រៀល និងលក់ចេញរហូតដល់ទៅ ៣៩១៥ រៀលឯណោះ ខណៈកាលពីថ្ងៃម្សិលមិញ ទិញចូលត្រឹមតែ ៣៨៥៩ រៀល ហើយលក់ចេញតែ ៣៨៩៨ រៀលប៉ុណ្ណោះ ។
ទន្ទឹមនេះ សូមមកដឹងពីហាងឆេងប្រាក់រៀលខ្មែរធៀបនឹងប្រាក់ប្រទេសសំខាន់ៗមួយចំនួន ទៀត ថាតើមានអត្រាយ៉ាងណាដែរ ដែល ១ដុល្លារអាមេរិក ស្មើនឹង ៤០៧០ រៀល, ១អឺរ៉ូ ទិញចូល ៤៩៥១ រៀល លក់ចេញ ៥០០០ រៀល ខណៈ ១ដុល្លារអូស្ត្រាលី ទិញចូល ៣២២១ រៀល លក់ចេញ ៣២៥៤ រៀល ។
ថ្ងៃនេះផងដែរ ១យន់ចិន ទិញចូល ៦៣០ រៀល លក់ចេញ ៦៣៦ រៀល ហើយ ១០០វុនកូរ៉េ ទិញចូល ៣៦៦ រៀល លក់ចេញ ៣៧០ រៀល ខណៈ ១ដុល្លារសាំងហ្គាពួរ ទិញចូល ៣០៨០ រៀល លក់ចេញ ៣១១១ រៀល ។ ដោយឡែក ១បាតថៃ ទិញចូល ១៣៦ រៀល លក់ចេញ ១៣៧ រៀល និង ១០០០ដុងវៀតណាម ទិញចូល ១៧៧ រៀល លក់ចេញ ១៧៩ រៀល ៕
ចែករំលែកព័តមាននេះ