រាជធានីភ្នំពេញ ៖ អ្នកនាំពាក្យក្រសួងសុខាភិបាលបានបញ្ជាក់ថា បានរកឃើញអ្នកឆ្លងជំងឺកូវីដ១៩ ថ្មីចំនួន៣នាក់ ជារោគសញ្ញានៃការបំប្លែងខ្លួនវីរុសពីជំងឺកូវីដ១៩ ហើយបច្ចុប្បន្នអ្នកទាំងនេះ បានកំពុងដាក់ព្យាបាលនៅមន្ទីរពេទ្យរបស់រដ្ឋ ។
ថ្លែងក្នុងសន្នីសិទសារព័ត៌មាន ខែកុម្ភៈ ឆ្នាំ២០២១ លោកស្រីវេជ្ជបណ្ឌិត ឱ វណ្ណឌីនរដ្ឋលេខាធិការ និងជាអ្នកនាំពាក្យក្រសួងសុខាភិបាលបានបញ្ជាក់ថា បានរកឃើញជនបរទេសចំនួន៣នាក់ បានឆ្លងជំងឺកូវីដ១៩ បានបំលែងខ្លួនទៅជារោគសញ្ញាថ្មីក្នុងចំណោមអ្នកឆ្លងចំនួន២៥នាក់(ថ្ងៃទី២៣កុម្ភៈ)។
លោកស្រីបានលើកថា ពេលនេះរដ្ឋាភិបាលកម្ពុជាបានកំពុងគិតគូររកវិធានការយ៉ាងខ្លាំងក្នុងការទប់ស្កាត់ជំងឺនេះ ឆ្លងដល់ប្រជាជនដោយពេលខ្លះមិនបានសម្រាកក៏មាន ។ លោកស្រីថា កន្លងមកក៏មានអ្នកធ្វើការអធិប្បាយមួយចំនួនមិនបានឲ្យតម្លៃលើលក្ខណៈវិទ្យាសាស្ត្រផងដែ រ។ ប៉ុន្តែលោកស្រីបានក៏ទទូចឲ្យមានការជឿជាក់លើការខិតខំរបស់អ្នកវិទ្យាសាស្ត្រា ។
លោកស្រីថា ពេលនេះជំងឺកូវីដ១៩បានកំពុងបំប្លែងខ្លួនដោយខ្លះខ្លាំង និងខ្សោយ ដែលជាហេតុធ្វើឲ្យមានករណីឆ្លងលឿនផងដែរ ។ លោកស្រីបានលើកឡើងថា ពិភពលោកបានកំពុងព្រួយបារម្ភ ចំពោះការបំប្លែងខ្លួនរបស់វីរុសកូវីដ១៩ដោយសារមិនទាន់កំណត់បាន។ លោកស្រីបន្តថា ពិភពលោកក៏មិនទាន់បញ្ជាក់ថា ជំងឺកូវីដ១៩កើតចេញពីប្រទេសកម្ពុជានោះទេ ។ ហើយការបំលែងខ្លួនរបស់វីរុសកូវីដ១៩នេះ ក៏ជាករណីនាំចូលពីក្រៅប្រទេសផងដែរ ។ លោកស្រីក៏បានលើកឡើងថា ករណីឆ្លងជំងឺកូវីដ១៩មានភាពលឿនជាងពីពេលកន្លងមក៕
ចែករំលែកព័តមាននេះ