បិទខារ៉ាអូខេ រ៉ូមែនទិច ធ្វើតេស្តបុគ្គលិក ២៧នាក់ និងធ្វើចត្តាឡីស័ក ក្រោយអ្នកជំងឺកូវីដម្នាក់ បានទៅទីនោះ!
- ភ្នំពេញ
ភ្នំពេញ៖ កម្លាំងមានសម្ថកិច្ច បានបិទខារ៉ាអូខេ រ៉ូមែនទិច និងតម្រូវឱ្យបុគ្គលិក ចំនួន ២៧ នាក់ ( ស្រី…
ភ្នំពេញ៖ កម្លាំងមានសម្ថកិច្ច បានបិទខារ៉ាអូខេ រ៉ូមែនទិច និងតម្រូវឱ្យបុគ្គលិក ចំនួន ២៧ នាក់ ( ស្រី…
ភ្នំពេញ៖ កម្លាំងមានសម្ថកិច្ច បានបិទខារ៉ាអូខេ រ៉ូមែនទិច និងតម្រូវឱ្យបុគ្គលិក ចំនួន ២៧ នាក់ ( ស្រី ១០នាក់ ) ធ្វើតេស្តរកមេរោគកូវីដ១៩ ព្រមទាំងត្រូវធ្វើចត្តាឡីស័ក មិនឲ្យចេញទៅណាឡើយ។ ចំណាត់ការនេះ បានកើតឡើង ក្រោយរកឃើញថា បុរសម្នាក់ ដែលមានផ្ទុកជំងឺកូវីត ១៩ ធ្លាប់បានចូលខារ៉ាអូខេគ្រួសារនេះ កាលពីថ្ងៃទី១៨កុម្ភៈ។
កម្លាំងសមត្ថកិច្ចចម្រុះ បានចុះបិទហាងខារ៉ាអូខេនេះ កាលពីវេលាម៉ោង ០៤ និង ០០នាទីល្ងាច ថ្ងៃទី២២ ខែកុម្ភៈ ឆ្នាំ២០២១។ ហាងខារ៉ាអូខេគ្រួសារ យីហោ រ៉ូមែនទិច ស្ថិតនៅផ្លូវលេខ១១០ ក្នុងសង្កាត់វត្តភ្នំ ខណ្ឌដូនពេញ។
អ្នករស់នៅក្បែរខាងម្នាក់ បានប្រាប់ថា ទីតាំងហាងខារ៉ាអូខេនេះ ត្រូវបានគេបិទ តាំងពីថ្ងៃទី ២០ ខែកុម្ភៈ ឆ្នាំ២០២១ មកម្លេះ ដោយបានបិទដំណាលនឹងគេប្រកាសបិទនៅកោះពេជ្រ។
ដោយសារតែកន្លងមក ហាងខារ៉ាអូខេនេះ បានបិទតែមួយរយៈ អំឡុងពេលកូវីដរាតត្បាត កាលពីឆ្នាំមុន ហើយក្រុមបុគ្គលិក សុទ្ធតែមានផ្ទះ និងស្រុកកំណើត នៅតាមខេត្តឆ្ងាយៗនោះ ក៏បន្តស្នាក់នៅកន្លែងធ្វើការរបស់ពួកគាត់បែបនេះទៅ។
ក្រោយពីក្រុមគ្រូពេទ្យរបស់ខាងក្រសួងសុខាភិបាល បានធ្វើតេស្ត និងយកសំណាករកមេរោគកូវីត១៩ ទៅលើក្រុមបុគ្គលិករបស់ហាងខារ៉ាអូខេ រ៉ូមែនទិច រួចហើយ ក៏បានវិលត្រឡប់ទៅវិញ ដោយតម្រូវអោយក្រុមបុគ្គលិកប្រុសស្រីទាំង ២៧នាក់ ( ស្រី ១០នាក់) បន្តស្នាក់នៅក្នុងហាងខារ៉ាអូខេនេះ ដោយមិនអនុញ្ញាតអោយចេញទៅណាមកណាឡើយ ដើម្បីតាមដានសុខភាព។ កម្លាំងអាជ្ញាធរខណ្ឌដូនពេញ ក៏បានដាក់បារ៉ាស់បិទមុខហាង និងដាក់កម្លាំងយាមកាម នៅខាងក្រៅហាងផងដែរ៕ ដោយ៖ ភី ផល
ចែករំលែកព័តមាននេះ