ភ្នំពេញ៖ ​លទ្ធផលចុងក្រោយ នៅមណ្ឌលសុខភាព​ចាក់អង្រែក្រោម តាមផ្លូវជាតិលេខ១ ក្នុងរាជធានីភ្នំពេញ បង្ហាញថា អ្នក​ពាក់ព័ន្ធនឹងព្រិត្តិការណ៍ សហគមន៍ថ្ងៃ២០កុម្ភៈ និងអ្នកជាប់សង្ស័យ​ពាក់ព័ន្ធនឹងអ្នកជំងឺកូវីដ១៩​ បានមកយកសំណាក ធ្វើតេស្ត​ នៅថ្ងៃទី២២កុម្ភៈនេះ សរុបចំនួន ១៥០នាក់ ក្នុងនោះ មាន​ប្រុស ៨១នាក់​។ ​អ្នកទៅធ្វើតេស្តភាគច្រើន ជាជនជាតិចិន​។

នៅថ្ងៃទី២២កុម្ភៈនេះ ​មានអ្នកជំងឺកូវីដ១៩ ចំនួន ​២៣នាក់ មានប្រុស ១២នាក់ ​ត្រូវបានបញ្ជូនទៅសម្រាក​ព្យាបាល​ នៅមណ្ឌលសុខភាព​ចាក់អង្រែនេះ​។​

ដំណើរការយកសំណាក ធ្វើតេស្តរកមេរោគកូវីដ១៩ ពាក់ព័ន្ធព្រឹត្តិការណ៍សហគមន៍ ២០កុម្ភៈ នៅបន្តធ្វើ នៅមណ្ឌលសុខភាព​ចាក់អង្រែ នៅពហុកីឡដ្ឋានជាតិអូឡាំពិក រួមទាំងនៅកោះពេជ្រ​។

សូមរម្លឹកថា ព្រឹត្តិការណ៍សហគមន៍ ថ្ងៃ២០កុម្ភៈ ត្រូវបាន​ក្រសួងសុខាភិបាល ប្រកាសនៅព្រឹកថ្ងៃទី២២កុម្ភៈនេះ មានអ្នកឆ្លងកូវីដ១៩ សរុបចំនួន ៧៦នាក់ហើយ​។ ក្នុងនោះ មានខ្មែរ ១០នាក់ ចិន ៦៤នាក់ វៀតណាមម្នាក់ និងកូរ៉េម្នាក់៕ ដោយ៖ ម៉ម លីហេង