ខេត្តកណ្តាល ៖ សមត្ថកិច្ច និងអាជ្ញាធរក្រុងតាខ្មៅ បានចុះបិទទីតាំងហាងផឹកស៊ី និងខារ៉ាអូខេយីហោ «ឡូហ្ស៊ិក២» នៅតាមបណ្តោយផ្លូវ២១០ ស្ថិតក្នុងភូមិព្រែកសំរោង សង្កាត់-ក្រុងតាខ្មៅ…
ខេត្តកណ្តាល ៖ សមត្ថកិច្ច និងអាជ្ញាធរក្រុងតាខ្មៅ បានចុះបិទទីតាំងហាងផឹកស៊ី និងខារ៉ាអូខេយីហោ «ឡូហ្ស៊ិក២» នៅតាមបណ្តោយផ្លូវ២១០ ស្ថិតក្នុងភូមិព្រែកសំរោង សង្កាត់-ក្រុងតាខ្មៅ ខេត្តកណ្តាល នាព្រឹកថ្ងៃទី២១ ខែកុម្ភៈ ឆ្នាំ២០២១ នេះ បន្ទាប់ពីរកឃើញថា បុរសជាប្តីរបស់ស្ត្រីបម្រើការងារនៅទីនោះមានផ្ទុកជំងឺកូវីដ១៩ ។
បើតាមសមត្ថកិច្ចបានប្រាប់ថា ការចុះបិទទីតាំងខារ៉ាអូខេ «ឡូហ្ស៊ិច» នេះ ធ្វើឡើង បន្ទាប់ពីរកឃើញបុរសម្នាក់អាយុ៣៩ឆ្នាំដែលបម្រើការងារនៅក្នុងក្លឹប N8 មានផ្ទុកជំងឺកូវីដ១៩ ។ ហើយបុរសរូបនេះ ក៏មានប្រពន្ធនៅបម្រើការងារក្នុងហាងផឹកស៊ី និងខារ៉ាអូខេយីហោ «ឡូហ្ស៊ិក២»នោះទៀត ទើបសមត្ថកិច្ច និងអាជ្ញាធរ សម្រេចចុះបិទទីតាំងនេះ ជាបណ្តោះអាសន្នតែម្តង ដើម្បីស្វែងរកអ្នកដែលពាក់ព័ន្ធយកសំណាក និងនាំពួកគាត់យកទៅធ្វើចត្តាឡីស័ក ។
ចំពោះស្ត្រីខាងលើ ក៏ត្រូវបានសមត្ថកិច្ចនាំយកទៅធ្វើចត្តាឡីស័កនៅមណ្ឌលសុខភាពចាក់អង្រែហើយ ។ ដោយឡែកទីតាំងផ្ទះជួលរបស់ប្តីប្រពន្ធខាងលើនេះ មានទីតាំងស្ថិតក្នុងភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ និងទីតាំងផ្ទះនៅស្រុកកៀនស្វាយ ក៏ត្រូវបានសមត្ថកិច្ចចុះបិទជាបណ្តោះអាសន្នផងដែរ ៕
ចែករំលែកព័តមាននេះ