ADផ្ទាំងផ្សព្វផ្សាយពាណិជ្ជកម្ម

Picture

លួច​មាន់​អ្នកស្រុក​រាល់ថ្ងៃ លុះ​ចាប់​បាន​ទើប​ដឹង​ថា តើ​យក​មាន់​ទៅ​ដោះ​ដូរ​នឹង​អ្វី?

3 ឆ្នាំ មុន
  • ភ្នំពេញ

ខេត្តកណ្ដាល ៖ បើ​តាម​សេចក្តីរាយការណ៍​បានឱ្យ​ដឹង​ថា កម្លាំង​សមត្ថកិច្ច​នគរបាល​ស្រុក​មុខ​កំពូល ខេត្តកណ្តាល កាលពី​ថ្ងៃ​ទី​២០ ខែ​កម្ភៈ ឆ្នាំ​២០២១ បាន​ធ្វើការ​ឃាត់ខ្លួន​យុវជន​ម្នាក់ ពាក់ព័ន្ធ​ករណី​លួច​មាន់​របស់​អ្នកស្រុក​១​ក្បាល…

ខេត្តកណ្ដាល ៖ បើ​តាម​សេចក្តីរាយការណ៍​បានឱ្យ​ដឹង​ថា កម្លាំង​សមត្ថកិច្ច​នគរបាល​ស្រុក​មុខ​កំពូល ខេត្តកណ្តាល កាលពី​ថ្ងៃ​ទី​២០ ខែ​កម្ភៈ ឆ្នាំ​២០២១ បាន​ធ្វើការ​ឃាត់ខ្លួន​យុវជន​ម្នាក់ ពាក់ព័ន្ធ​ករណី​លួច​មាន់​របស់​អ្នកស្រុក​១​ក្បាល ដើម្បី​យក​ទៅ​ដោះ​ដូរ​ថ្នាំ​ញៀន ។

សេចក្តីរាយការណ៍​បានឱ្យ​ដឹង​បន្ត​ថា ជនសង្ស័យ​ខាងលើ​មានឈ្មោះ ម៉ើ រស់ ហៅ​មាន់ ភេទ​ប្រុស អាយុ​២០​ឆ្នាំ មុខរបរ​មិន​ពិតប្រាកដ មាន​ទីលំនៅ​សព្វថ្ងៃ​ភូមិ​ស្វាយ​ជ្រុំ ឃុំ​ព្រែក​ដំបង ស្រុក​មុខកំពូល ខេត្តកណ្ដាល ។

ពាក់ព័ន្ធ​ករណី​ខាងលើ​នេះ បើ​តាម​សមត្ថកិច្ច​ឲ្យ​ដឹង​ថា នៅ​ថ្ងៃ​ទី​២០ ខែកុម្ភៈ នេះ មាន​ប្រជាពល​រដ្ឋ​ឈ្មោះ លន់ សា​រ៉េ​ត ហៅ​វ៉ា ភេទ​ប្រុស អាយុ​៤៧​ឆ្នាំ មុខរបរ​លក់ដូរ រស់នៅ​ក្នុងភូមិ​ស្វាយ​ជ្រុំ ឃុំ​ព្រែក​ដំបង ស្រុក​មុខកំពូល ខេត្តកណ្តាល បាន​ប្តឹង​ទៅ​នគរបាល​ប៉ុស្តិ៍​មូលដ្ឋាន​ពី​ចោរលួច​មាន់គក​១​ក្បាល សម្បុរ​ស​.​លាយ​ខ្មៅ ដែល​ក្រុង​ក្នុង​ស៊ុម​ដែក​ទុក​នៅ​ខាង​មុខ​ផ្ទះ​គាត់ កាលពី​វេលា​ម៉ោង​៤​ទៀប​ភ្លឺ ។

ប្រភព​ដដែល​បន្ត​ថា បន្ទាប់​មក​សមត្ថកិច្ច​នគរបាល​កិច្ច​បាន​ស្រាវជ្រាវ និង​ឈាន​ទៅ​ឃាត់ខ្លួន​បាន​យុវជន​ឈ្មោះ ម៉ើ រស់ ហៅ​មាន់ នេះ​នៅ​វេលា​ព្រឹក​ថ្ងៃ​ដដែល​ផង​ដែរ ។

ហើយ​នៅ​ពេល​សមត្ថកិច្ច​ឃាត់ខ្លួន​យុវជន​នោះ ក៏​បាន​សារភាព​ថា រូបគេ​ពិតជា​បាន​លួច​មាន់​អា​គក​នោះ​មែន ពេល​លួច​មាន់​នោះ​បាន​ហើយ ក៏​យក​លក់​ទៅ​ឱ្យឈ្មោះ សុខ ហេង វ៉ា​ន់​ដា ដែល​ជា​អ្នក​រស់នៅ​ស្រុក​-​ភូមិ​ជាមួយ​គ្នា បាន​ប្រាក់​ចំនួន​២០.០០០​រៀល ។ ប៉ុន្តែ​ជនសង្ស័យ​មិន​បាន​យក​ជា​សាច់ប្រាក់​ទេ ដោយ​មានការ​ដោះ​ដូរ​ជាមួយ​ថ្នាំ​ញៀន​ទៅ​វិញ​សម្រាប់​ប្រើប្រាស់ ។

ក្រោយ​ពេល​ស្តាប់​ចម្លើយ​សារភាព​ហើយ សមត្ថកិច្ច​ក៏​បាន​នាំ​ជនសង្ស័យ​ទៅ​ដកហូត​មាន់​ពី​អ្នក​ទិញ​វិញ និង​បាន​ប្រគល់​អា​គក​១​ក្បាល​នោះ ទៅ​ឲ្យ​ទៅ​ជន​រង​គ្រោះ​វិញ​ផង​ដែរ ។ ចំណែក​ជន​សង្ស័យ​ដែល​ជា​មុខសញ្ញា​លួច​មាន់​អ្នកស្រុក ដើម្បី​យក​ទៅ​ដោះ​ដូរ​ថ្នាំ​ញៀន​សម្រាប់​ប្រើប្រាស់​រាល់ថ្ងៃ​នោះ ត្រូវ​បាន​សមត្ថកិច្ច​កំពុង​កសាង​សំណុំរឿង​ចាត់ការ​តាម​នីតិវិធី​៕

អត្ថបទសរសេរ ដោយ

កែសម្រួលដោយ