អន្តរជាតិ ៖ ស្តេចប្រដាល់ហ្វីលីពីន ម៉ានី ប៉ាក់គីអៅ (Manny Pacquiao) ចង់បាន៤០លានដុល្លារអាមេរិក ប្រសិនបើចង់ឱ្យរូបគេឡើងសង្វៀនប្រកួតជាមួយនឹងអ្នកប្រដាល់អាមេរិក មិនទាន់ស្គាល់ចាញ់…
អន្តរជាតិ ៖ ស្តេចប្រដាល់ហ្វីលីពីន ម៉ានី ប៉ាក់គីអៅ (Manny Pacquiao) ចង់បាន៤០លានដុល្លារអាមេរិក ប្រសិនបើចង់ឱ្យរូបគេឡើងសង្វៀនប្រកួតជាមួយនឹងអ្នកប្រដាល់អាមេរិក មិនទាន់ស្គាល់ចាញ់ Terence Crawford ។
Crawford ទំនងជានឹងត្រូវប្រកួតជាមួយនឹងអ្នកប្រដាល់រួមសញ្ជាតិ Errol Spence នៅក្នុងឆ្នាំនេះ។ Crawford ពុំខ្លាចរអាសម្រាប់ជំនួបមួយនេះឡើយ ប៉ុន្តែរូបគេបែរជាបើកចំហពីបំណងដ៏ធំដើម្បីឡើងសង្វៀនប្រកួតជាមួយប៉ាក់គីអៅទៅវិញ។ ដោយឡែក ប៉ាក់គីអាវ ក៏ដូចជាបើកចំហដើម្បីទទួលយកគំនិតមួយនេះផងដែរ ប៉ុន្តែមិនមែនសម្រាប់តម្លៃសាមញ្ញាធម្មតាឡើយ។
ប៉ាក់គីអៅ ដែលបច្ចុប្បន្នជាប្រធានគណបក្ស PDP-Lanban របស់ប្រធានាធិបតី រ៉ូទ្រីហ្គោ ឌូដឺតេ (Rodrigo Duterte) បានប្រាប់កាសែតហ្វីលីពីន The Daily Tribune ថា «យើងបានប្រាប់លោក Bob Arum (អ្នករៀបចំការប្រកួតប្រដាល់) ថាខ្ញុំត្រូវតែទទួលបាន៤០លានដុល្លារ ហើយ Crawford នឹងបាន១០លានដុល្លារពីការប្រកួតនេះ។ ខ្ញុំមិនខ្លាចនឹងវ៉ៃជាមួយនរណាម្នាក់នោះទេ។ ដូចអ្នកបានស្គាល់ខ្ញុំ។ ខ្ញុំមិនដែលបដិសេធពីការប្រកួតណាមួយឡើយ»៕ (ដកស្រង់ចេញពី Marca)
ចែករំលែកព័តមាននេះ