រាជធានីភ្នំពេញ ៖ អ្នកនាំពាក្យក្រសួងយុត្តិធម៌បានគូសបញ្ជាក់ថា ការផ្សព្វផ្សាយនូវព័ត៌មានមិនពិតពាក់ព័ន្ធនឹងការស្លាប់ ដោយសារការចាក់វ៉ាក់សាំងការពារជំងឺកូវីដ១៩Sinopharm របស់ចិនកន្លងមកថ្មីៗនេះ នឹងត្រូវទទួលទោស ដូចអ្នកបង្កើតព័ត៌មាន ។ ការបញ្ជាក់របស់អ្នកនាំពាក្យក្រសួងយុត្តិធម៌នេះ…
រាជធានីភ្នំពេញ ៖ អ្នកនាំពាក្យក្រសួងយុត្តិធម៌បានគូសបញ្ជាក់ថា ការផ្សព្វផ្សាយនូវព័ត៌មានមិនពិតពាក់ព័ន្ធនឹងការស្លាប់ ដោយសារការចាក់វ៉ាក់សាំងការពារជំងឺកូវីដ១៩Sinopharm របស់ចិនកន្លងមកថ្មីៗនេះ នឹងត្រូវទទួលទោស ដូចអ្នកបង្កើតព័ត៌មាន ។
ការបញ្ជាក់របស់អ្នកនាំពាក្យក្រសួងយុត្តិធម៌នេះ បន្ទាប់ពីមានការស៊ែរចែករំលែកនូវព័ត៌មានថា មានអ្នកស្លាប់ដោយសារការចាក់វ៉ាក់សាំងការពារជំងឺកូវីដ១៩ មានឈ្មោះ Sinopharm របស់ចិន កាលពេលកន្លង តាមបណ្តាញសង្គមយ៉ាងច្រើន ។
ឯកឧត្តម គឹម សន្តិភាព រដ្ឋលេខាធិការ និងជាអ្នកនាំពាក្យក្រសួងយុត្តិធម៌បានគូសបញ្ជាក់ថា ក្នុងសន្នីសិទសារព័ត៌មាន នាព្រឹកថ្ងៃទី១៩ ខែកុម្ភៈ ឆ្នាំ២០២១ថា «អ្នកដែលផ្សព្វផ្សាយព័ត៌មានថា អ្នកចាក់វ៉ាក់សាំងការពារជំងឺកូវីដ១៩ Sinopharm របស់មហាមិត្តចិនថ្មីៗនេះ គឺជាការផ្សព្វផ្សាយមួយមិនច្បាស់លាស់ដែលមានគោលបំណងចង់ឲ្យមានភាពវឹកវរក្នុងសង្គម និងធ្វើឲ្យប្រជាពលរដ្ឋបាត់ទំនុកចិត្ត ធ្វើឲ្យយើងទាំងអស់គ្នានៅក្នុងសង្គមមាន បញ្ហាក្នុងអារម្មណ៍ ភ្លាមរួមទាំងអ្នកទទួលបានចាក់វ៉ាក់សាំងផង និងអ្នកមិនទាន់ទទួលផងដែរ» ។
អ្នកនាំពាក្យក្រសួងយុត្តិធម៌បានបន្តថា អ្នកដែលបញ្ចេញព័ត៌មានមិនពិតនេះនឹងទទួលទោសព្រហ្មទណ្ឌត្រង់មាត្រា៤៩៥ នៃច្បាប់ព្រហ្មទណ្ឌ ហើយសម្រាប់អ្នកដែលចែកចាយបន្តក៏ជាប់ពាក់ព័ន្ធផងដែរ ។ ឯកឧត្តមបានបញ្ជាក់ថា៖«ចង់ៗមិនចង់ គឺជាការស្រាវជ្រាវរបស់អាជ្ញាធរមានសមត្ថកិច្ច ពីព្រោះការស៊ែរ មានន័យថា ជាគោលបំណងនៃការផ្សព្វផ្សាយ អីញ្ចឹងចង់ ឬមិនចង់ជាកម្មវត្ថុមួយរបស់អាជ្ញាធរសមត្ថកិច្ច ។ អីញ្ចឹងខ្ញុំសូមអំពាវនាវដល់បងប្អូនប្រជាពលរដ្ឋថា មុននឹងស៊ែរព័ត៌មានអ្វីមួយ សូមមើលប្រភពឲ្យបានច្បាស់លាស់» ។
ឯកឧត្តមបានលើកឡើងថា ប្រភពព័ត៌មាន គឺសំខាន់ណាស់ថា ព័ត៌មាននឹងពិត ឬមិនពិត ។ អីញ្ចឹងមានចម្លើយលើកឡើងថា ព័ត៌មាននេះខ្ញុំមិនដឹងថា ពិតឬមិនពិតនោះទេ? ចម្លើយ!នេះ ត្រូវឆ្លើយចំពោះសមត្ថកិច្ច ។ អីញ្ចឹងអ្នកធ្វើការចែកបាយព័ត៌មានចង់ ឬមិនចង់ត្រូវតែឆ្លើយចំពោះសមត្ថកិច្ចពីព្រោះគាត់មានកាតព្វកិច្ចសួរនាំ ។
ឯកឧត្តមបន្ថែមការចែកចាយព័ត៌មានបានធ្វើឲ្យខាត់ទាំងពេលវេលា និងត្រូវជាប់ជំពាក់ទោសទណ្ឌ ថែមបើសិនគ្មានទល្ហីកក្នុងការដោះស្រាយបន្ទុកចំពោះការចោទប្រកាន់ ។ អីញ្ចឹងសូមឲ្យបងប្អូនយកចិត្តទុកដាក់ចំពោះការធ្វើស៊ែរព័ត៌មាន ដែលកើតឡើងពីការធ្វេសប្រហែសណាមួយ ពាក់ព័ន្ធបទល្មើសព្រហ្មទណ្ឌ ។
ជាមួយគ្នានោះដែរ ឯកឧត្តមអ្នកនាំពាក្យអះអាងថា ជាទូទៅព័ត៌មានដែលមិនពិត ឃើញបងប្អូនប្រជាពលរដ្ឋធ្វើការស៊ែរចែករំលែងមានចំនួនច្រើន ។ ផ្ទុយទៅវិញព័ត៌ដែលពិតមិនសូវមានការស៊ែរចែករំលែកគ្នានោះទេ ដែលចំណុចនេះធ្វើឲ្យមានទោសទណ្ឌ ដោយការធ្វេសប្រហែស ។
ជាក់ស្តែងព័ត៌ដែលចេញផ្សាយថា មានអ្នកស្លាប់ដោយសារចាក់វ៉ាក់សាំងការពារជំងឺកូវីដ១៩ Sinopharm របស់ចិនបានធ្វើឲ្យមនុស្សម្នាក់ស្លាប់ កាលពីពេលថ្មីៗនេះ មានស៊ែរចែករំលែកច្រើន ។
ពាក់ព័ន្ធនឹងព័ត៌មានផ្សព្វផ្សាយតាមបណ្តាញសង្គមហ្វេសប៊ុកថា ករណីស្លាប់ដោយសារការចាក់វ៉ាក់់សាំងការពារជំងឺកូវីដ១៩នេះ ត្រូវបានក្រសួងសុខាភិបាលបដិសេធន៍ច្រានចោលថា ជាការមិនពិត និងបានស្នើឲ្យអាជ្ញាធរមានសមត្ថកិច្ចស្វែងរកចាប់ជនល្មើស ដែលផ្សាព្វផ្សាយមកផ្តន្ទាទោសតាមច្បាប់ជាធរមានផងដែរ ៕
ចែករំលែកព័តមាននេះ