សហរដ្ឋអាមេរិក-អ៊ីរ៉ង ៖ ប្រទេសបារាំង អាល្លឺម៉ង់ អង់គ្លេសនិងសហរដ្ឋអាមេរិកក្នុងសេចក្ដីប្រកាសរួមមួយ កាលពីថ្ងៃទី១៨កុម្ភៈនិយាយថា ក្រុងវ៉ាស៊ីនតោននឹងគោរពបណ្ដាការសន្យាដែលបានធ្វើ ក្នុងក្របខណ្ឌនៃផែនការសកម្មភាពរួមជាសកល PAGC ប្រសិនបើក្រុងតេហេរ៉ង់ធ្វើដូចគ្នានោះ…
សហរដ្ឋអាមេរិក-អ៊ីរ៉ង ៖ ប្រទេសបារាំង អាល្លឺម៉ង់ អង់គ្លេសនិងសហរដ្ឋអាមេរិកក្នុងសេចក្ដីប្រកាសរួមមួយ កាលពីថ្ងៃទី១៨កុម្ភៈនិយាយថា ក្រុងវ៉ាស៊ីនតោននឹងគោរពបណ្ដាការសន្យាដែលបានធ្វើ ក្នុងក្របខណ្ឌនៃផែនការសកម្មភាពរួមជាសកល PAGC ប្រសិនបើក្រុងតេហេរ៉ង់ធ្វើដូចគ្នានោះ និងត្រៀមចាប់ផ្ដើមការពិភាក្សាជាមួយរបបអ៊ីរ៉ង់ ដើម្បីឲ្យសម្រេចផែនការនោះ។
ប្រទេសអឺរ៉ុបទាំង៣នោះនិងសហរដ្ឋអាមេរិក បានអះអាងពីទិសដៅរួមរបស់ពួកគេ ចង់ឃើញអ៊ីរ៉ង់ វិលទៅរកការគោរពបណ្ដាការសន្យាររបស់ខ្លួន ក្នុងផែនការPAGC។ រដ្ឋមន្ត្រីការបរទេសអាមេរិកលោកប្លីនកេនរំឭកថា ដូចដែលប្រធានាធិបតី លោកចូបៃដិនបានលើកឡើង ប្រសិនបើអ៊ីរ៉ង់ វិលទៅគោរពហ្មត់ចត់បណ្ដាការសន្យារបស់ខ្លួនក្នុងផែនការPAGC នោះសហរដ្ឋអាមេរិកក៏ធ្វើដូចគ្នានិងត្រៀមចាប់ផ្ដើមការពិភាក្សាជាមួយអ៊ីរ៉ង់ ដើម្បីឲ្យសម្រេចផែនការនោះ។
លោកបន្តថាប្រទេសអឺរ៉ុបទាំង៣ បានសាទរចំពោះចេតនាប្រកាសដោយសហរដ្ឋអាមេរិក វិលទៅរកដំណោះស្រាយការទូតជាមួយអ៊ីរ៉ង់ព្រមទាំងឲ្យមានការចរចាគ្នាឡើងវិញ ដោយស៊ីជម្រៅនិងមានការជឿទុកចិត្ត រវាងប្រទេសអឺរ៉ុបទាំង៣និងសហរដ្ឋអាមេរិក។
សហរដ្ឋអាមេរិកនិងប្រទេសអឹរ៉ុបទាំង៣ គូសបញ្ជាក់ពីសារសំខាន់ធានាថា អ៊ីរ៉ង់ដាច់ខាត់មិនអាចមានអាវុធនុយក្លេអ៊ែរ និងសម្ដែងការបារម្ភទាក់ទិននឹងបណ្ដាវិធានការ ដែលអ៊ីរ៉ង់ប្រកាន់យកនាពេលថ្មីៗនេះ ដើម្បីផលិតអ៊ុយរ៉ានីញ៉ូមចម្រាញ់កម្រិត២០%ឡើងវិញ។
ក្រុងតេហេរ៉ង់បានព្រមានថា ខ្លួននឹងបញ្ចប់ការត្រួតពិនិត្យមិនប្រាប់ឲ្យដឹងមុន របសទីភ្នាក់ងារថាមពលបរមាណូអន្តរជាតិនៅអ៊ីរ៉ង់ ចាប់ពីថ្ងៃទី២១កុម្ភៈទៅ ប្រសិនបើដៃគូទាក់ទិនដទៃៗទៀត នឹងកិច្ចព្រមព្រៀងឆ្នាំ២០១៥ស្ដីពីសកម្មភាពនុយក្លេអ៊ែររបស់ខ្លួន មិនគោរពបណ្ដាកិច្ចសន្យាទេនោះ។
អ៊ីរ៉ង់មានបំណងគាបសង្កត់លើរដ្ឋការថ្មីរបស់លោកបៃដិន ដើម្បីឲ្យរដ្ឋការនោះលុបចោលទណ្ឌកម្មប្រឆាំងខ្លួន។ នាពេលថ្មីៗនេះលោកប្រធានាធិបតីចូបៃដិនធ្លាប់ថ្លែងថា អ៊ីរ៉ង់ដំបូង ត្រូវបញ្ឈប់ការចម្រាញ់អ៊ុយរ៉ានីញ៉ូម ក្នុងកម្រិតហាមឃាត់ដោយកិច្ចព្រមព្រៀង ក្រុងវីយែន មុនពេលគ្រោងពីលទ្ធភាពបែបណាមួយ។
បណ្ដាអ្នកទទួលខុសត្រូវអ៊ីរ៉ង់លើកឡើងថាការអនុវត្តបណ្ដាកិច្ចសន្យាមុនគេ វាហាក់ដូចជាការធ្វើអត្តឃាតមួយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ