រាជធានីភ្នំពេញ ៖ បុរសម្នាក់ជាកម្មករសំណង់ចេញមកពីធ្វើការសង្ស័យផឹកស្រាស្រវឹងខ្លាំងពេក ទើបទុកម៉ូតូនៅចិញ្ចើមផ្លូវ រួចដេកលង់ សូម្បីតែសមត្ថកិច្ចទៅដាស់ក៏មិនព្រមងើប បង្កអោយមានការភ្ញាក់ផ្អើលកាលពីវេលាម៉ោង១១យប់ថ្ងៃទី១៧ ខែកុម្ភៈ ឆ្នាំ២០២១ នៅតាមបណ្តោយផ្លូវជាតិលេខ៣…
រាជធានីភ្នំពេញ ៖ បុរសម្នាក់ជាកម្មករសំណង់ចេញមកពីធ្វើការសង្ស័យផឹកស្រាស្រវឹងខ្លាំងពេក ទើបទុកម៉ូតូនៅចិញ្ចើមផ្លូវ រួចដេកលង់ សូម្បីតែសមត្ថកិច្ចទៅដាស់ក៏មិនព្រមងើប បង្កអោយមានការភ្ញាក់ផ្អើលកាលពីវេលាម៉ោង១១យប់ថ្ងៃទី១៧ ខែកុម្ភៈ ឆ្នាំ២០២១ នៅតាមបណ្តោយផ្លូវជាតិលេខ៣ ភូមិអង្គតាគៀត សង្កាត់កន្ទោក ខណ្ឌកំបូល រាជធានីភ្នំពេញ ។
បុរសស្រវឹងស្រាដេកនៅចិញ្ចើមផ្លូវមិនបានប្រាប់ឈ្មោះនោះទេ ជិះម៉ូតូមួយគ្រឿងម៉ាក ហុងដាឌ្រីម ស៊េរីឆ្នាំ២០០៨ ពណ៌ទឹកប្រាក់ ពាក់ស្លាកលេខ ភ្នំពេញ 1U- 0556 ។
តាមប្រភពពត៌មានពីសមត្ថកិច្ចនគរបាលប៉ុស្តិ៍កន្ទោកបានអោយដឹងថា នៅមុនពេលកើតហេតុ ប្រជាពលរដ្ឋបានធ្វើដំណើរតាមដងផ្លូវបានឃើញបុរសម្នាក់ដេកលង់លក់តាមចិញ្ចើមផ្លូវ នៅជិតម៉ូតូមួយគ្រឿង ហើយខ្លាចមានជនសង្ស័យឆ្លៀតឱកាសមកលួចយកម៉ូតូរបស់បុរសរូបនោះ ទើបរាយការណ៍ប្រាប់សមត្ថកិច្ចឱ្យជួយអន្តរាគមន៍ ។
តាមប្រភពពត៌មានបានបន្តទៀតថា បន្ទាប់ពីទទួលបានព័ត៌មានខាងលើភ្លាមៗ កំលាំងសមត្ថកិច្ចនគរបាលប៉ុស្តិ៍ចុះទៅដល់ចំណុចកើតហេតុ ឃើញបុរសម្នាក់ខាងលើដេកលង់លក់នៅជិតម៉ូតូពិតប្រាកដមែន ហើយកំលាំងសមត្ថកិច្ចដាស់មួយសន្ទុះ ទើបបុរសរូបនោះភ្ញាក់ដឹងខ្លួន ។ ខណៈពេលភ្ញាក់ដឹងខ្លួនហើយ ប្រជាពលរដ្ឋក៏បានសួរនាំ បុរសរូបនោះបាននិយាយប្រាប់ថា គាត់ចេញមកពីធ្វើការសំណង់នៅជិតមន្ទីរពេទ្យព្រះកុសុមៈដោយសារគាត់ស្រវឹងស្រាខ្លាំងពេក ម្យ៉ាងខ្លាចជិះម៉ូតូចូលរថយន្ត ក៏ជិះម៉ូតូអែបខាងហើយចុះដេកលក់នៅលើចិញ្ចើមផ្លូវតែម្តង ។
ក្រោយពេលកើតហេតុ បុរសខាងលើបានជិះម៉ូតូត្រឡប់ទៅផ្ទះវិញ ទាំងស្មារតីមិននឹង.នផងដែរ គឺជិះរ៉េពេញផ្លូវ ៕
ចែករំលែកព័តមាននេះ