សោក​នាដ​កម្ម! រថយន្តក្រុង​ធ្លាក់​ប្រឡាយ​​​ឆក់​យក​ជីវិត​មនុស្ស​​៣៩​នាក់​(វីដេអូ) – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

សោក​នាដ​កម្ម! រថយន្តក្រុង​ធ្លាក់​ប្រឡាយ​​​ឆក់​យក​ជីវិត​មនុស្ស​​៣៩​នាក់​(វីដេអូ)

1 អាទិត្យ មុន

ប្រទេស​ឥណ្ឌា ៖ អ្នក​ទទួលខុសត្រូវ​មូលដ្ឋាន​ម្នាក់​ថ្លែង​ថា មនុស្ស​យ៉ាងតិច​៣៩​នាក់​​ត្រូវ​បាន​បាត់​បង់​ជីវិត​ កាលពី​ថ្ងៃ​ទី​១៦ ខែ​​កុម្ភៈ ឆ្នាំ​២០២១ ​ក្នុង​គ្រោះថ្នាក់​រថយន្ត​បឺស​មួយ​គ្រឿង ក្រឡាប់​ចូល​ក្នុង​ប្រឡាយ​មួយ ក្នុង​រដ្ឋ…

ប្រទេស​ឥណ្ឌា ៖ អ្នក​ទទួលខុសត្រូវ​មូលដ្ឋាន​ម្នាក់​ថ្លែង​ថា មនុស្ស​យ៉ាងតិច​៣៩​នាក់​​ត្រូវ​បាន​បាត់​បង់​ជីវិត​ កាលពី​ថ្ងៃ​ទី​១៦ ខែ​​កុម្ភៈ ឆ្នាំ​២០២១ ​ក្នុង​គ្រោះថ្នាក់​រថយន្ត​បឺស​មួយ​គ្រឿង ក្រឡាប់​ចូល​ក្នុង​ប្រឡាយ​មួយ ក្នុង​រដ្ឋ ​MADHYA PRADESH​ ភាគ​កណ្ដាល​ឥណ្ឌា​។ ​ហើយ​មនុស្ស​​ចំនួន​៧​នាក់​អាច​​វារ​​ចេញ​ពី​រថយន្ត​ដែល​ក្រឡាប់​ចូល​ក្នុង​ទឹក ចំណែក​មនុស្ស​​ជា​ច្រើន​នាក់​ទៀត​នៅ​បាត់​ខ្លួន​។

ចៅក្រម​ក្រម​ស្រុក​ម្នាក់ ​លោក ​RAVINDRA KUMAR CHOUDHARY​ បាន​ថែ្ល​ង​ទៅ​កាន់​សារ​ព័ត៌មាន​ថា ចំនួន​អ្នក​​បាត់​បង់​ជីវិត​​​ដោយសារ​គ្រោះថ្នាក់​រថយន្ត​បឺស​នោះ បាន​កើន​ដល់​៣៩​នាក់។ ហើយ​នារី​១៦​នាក់ ​និង​កុមារ​ម្នាក់ ​ស្ថិត​ក្នុង​ចំណោម​ជន​រង​គ្រោះ​ទាំងនោះ​។ ​ចំណែក​ឯ​អ្នក​ដំណើរ​មួយ​ចំនួន​ជិះ​ក្នុង​រថយន្ត​នេះ ជា​អ្នក​ទៅ​ប្រឡង​ដើម្បី​ឲ្យ​ទទួល​បានការ​ងារ​ធ្វើ​ក្នុង​ផ្នែក​ផ្លូវ​ដែក​​ឥណ្ឌា​។

តាម​បណ្ដា​អ្នក​ទទួលខុសត្រូវ​មូលដ្ឋាន​ថា មនុស្ស​៧​នាក់​ ក្នុង​នោះ​រួម​ទាំង​អ្នក​បើក​ផង អាច​ចេញ​ពី​ក្នុង​ទឹកបាន រួច​មនុស្ស​​ជា​ច្រើន​នាក់​ទៀត​កំពុង​បាត់​ខ្លួន​៕ ដកស្រង់​ចេញពី​វេ​ប​សាយ ៖ journaldemontreal