រាជធានីភ្នំពេញ ៖ ស្រីៗមានគ្នា3ទៅ4នាក់ ស្រវឹងស្រាបើករថយន្តមួយគ្រឿងម៉ាកឡិចស៊ីស RX300 រេចង្កូតទៅស្តាំដៃបុកនឹងដើមត្របែកព្រៃ បណ្តាលអោយខូចខាតរថយន្តយ៉ាងដំណំសំណាងល្អហើយ ដែលមិនបង្កអោយរងរបួស ដែលហេតុការណ៍នេះបានកើតឡើងកាលពីវេលាម៉ោង1នឹង15នាទីរំលងអធ្រាត្រឈានចូលថ្ងៃទី១៧ ខែកុម្ភៈ…
រាជធានីភ្នំពេញ ៖ ស្រីៗមានគ្នា3ទៅ4នាក់ ស្រវឹងស្រាបើករថយន្តមួយគ្រឿងម៉ាកឡិចស៊ីស RX300 រេចង្កូតទៅស្តាំដៃបុកនឹងដើមត្របែកព្រៃ បណ្តាលអោយខូចខាតរថយន្តយ៉ាងដំណំសំណាងល្អហើយ ដែលមិនបង្កអោយរងរបួស ដែលហេតុការណ៍នេះបានកើតឡើងកាលពីវេលាម៉ោង1នឹង15នាទីរំលងអធ្រាត្រឈានចូលថ្ងៃទី១៧ ខែកុម្ភៈ ឆ្នាំ២០២១ តាមបណ្តោយផ្លូវព្រះស៊ីសុវត្ថិ នៅចំណុចក្បែរនឹងកាំបូឌីយ៉ាណា ស្ថិតនៅក្នុងសង្កាត់ចតុមុខ ខណ្ឌដូនពេញ ។
តាមប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុខាងលើនេះគេបានឃើញរថយន្តបង្កមួយគ្រឿង ម៉ាកឡិចស៊ីស RX300 ពណ៌ស ពាក់ស្លាកលេខភ្នំពេញ2AT4644 បើកបរតាមបណ្តោយផ្លូវព្រះស៊ីសុវត្ថិ ក្នុងទិសដៅពីជើងទៅត្បូងដោយសារស្ថានភាពក្នុងការបើកបររបស់ស្ត្រីៗទាំងនោះ គឺបើកលឿនហើយមិនបានប្រុងប្រយ័ត្នរេចង្កូតជ្រុលទៅបុកនឹងឃឿនពុះចែកទ្រូងផ្លូវ និងបុកដើមត្របែកព្រៃ បណ្តាលអោយរងការខូចខាតខ្ទេចរថយន្តអស់មួយកំណាត់ខាងមុខ ផ្នែកខាងស្តាំនឹងបែកកង់ទាំងសងខាង ចំណែកឯដើមត្របែកព្រៃវិញ មិនមានរងការខូចខាតនោះទេ គ្រាន់តែបែកឃឿនជុំវិញតែប៉ុណ្ណោះ សំណាងល្អហើយ គឺមិនមានអ្នករងរបួស ដោយសារតែរថយន្តបង្កអ្នកបើកបរងោកមួយភាំងទើបរេចង្កូតដូច្នេះ ។
ភ្លាមៗនោះដែរ ម្ចាស់រថយន្តបានទុករថយន្តចោល ហើយរត់គេចខ្លួនបាត់ស្រមោល បន្សល់ទុកនៅតែរថយន្តបង្កនៅទីតាំងកន្លែងកើតហេតុតែប៉ុណ្ណោះ ។
ក្រោយពេលកើតហេតុខាងលើនេះ រថយន្តបង្កត្រូវបានសមត្ថកិច្ចធ្វើការវាស់វែងយកទៅរក្សាទុកនៅការិយាល័យចរាចរណ៍ផ្លូវគោក ដើម្បីធ្វើការផាកពិន័យទៅតាមផ្លូវច្បាប់ ៕
ចែករំលែកព័តមាននេះ