ដូចម្តេចដែលហៅថាឧបាទាន ?
ឧបាទាន(បាលី អានថា អ៊ុប៉ាទាន)ជានាមសព្ទប្រែថា ការប្រកាន់មាំ, ការប្រតោងចិត្តគំនិត, សេចក្ដីប្រកាន់ជាប់ស្អិត, សេចក្ដីជំពាក់ចិត្ត; ។ តណ្ហាជាបច្ច័យនៃឧបាទាន ឧបាទានជាបច្ច័យនៃភព…
ឧបាទាន(បាលី អានថា អ៊ុប៉ាទាន)ជានាមសព្ទប្រែថា ការប្រកាន់មាំ, ការប្រតោងចិត្តគំនិត, សេចក្ដីប្រកាន់ជាប់ស្អិត, សេចក្ដីជំពាក់ចិត្ត; ។ តណ្ហាជាបច្ច័យនៃឧបាទាន ឧបាទានជាបច្ច័យនៃភព ឧបាទានអាចប្រែបានមួយបែបទៀតថាជាពូជ; គ្រឿងឆេះ; គ្រឿងដុត, ឧស; ស្បៀង, អាហារ ។
ឧបាទាននេះបើរៀងភ្ជាប់ពីខាងដើមសព្ទដទៃដូចជា ឧបាទានក្ខន្ធ ខន្ធ៥គឺ រូប, វេទនា, សញ្ញា, សង្ខារ, វិញ្ញាណ ជាគ្រឿងតោងនៃចិត្ត, ឧបាទាននិរោធ សេចក្ដីរលត់ឧបាទាន, ឧបាទានសមុទ័យ កំណើតនៃឧបាទាន, ហេតុដែលនាំឲ្យកើតឧបាទានជាដើម ។
ឧបាទានមានព្រោះតែតណ្ហា ឲ្យទាក់ទងគ្នាទៅរកភព ប្រតោងព្រយឹតឥតមានឈប់ ឯភពទាក់ទងទៅរកជាតិ ជរាហើយនិងមរណៈ ឈរតោងយឹតគ្នាពុំដែលឃ្លាត ហើយទុក្ខសោកក៏មានជាប់តគ្នាព្រោះផលនៃឧបាទាននេះឯង ៕ សាន សារិន
ចែករំលែកព័តមាននេះ