ខេត្តបាត់ដំបង៖ បន្ទាប់ពីត្រូវ​ដកតំណែង និងបណ្តេញចេញពីក្របខណ្ឌប៉ូលិសរួចមក នៅល្ងាចថ្ងៃទី១៦ ខែកុម្ភៈ ឆ្នាំ២០២១ ចៅក្រម​ស៊ើបសួរសាលាដំបូងខេត្តបាត់ដំបង បានចេញដីកាបង្គាប់​ឲ្យឃុំខ្លួន​អតីតអធិការស្រុកកំរៀង លោក គឹម ពន្លក ដាក់ពន្ធនាគារ​ជាបណ្តោះអាសន្ន​។

អតីតអធិការស្រុកកំរៀង ត្រូវបានតុលាការ ចោទប្រកាន់ពីបទ ការនាំយក​ចេញដោយ​មិនស្របច្បាប់ សម្រាប់នាំឆ្លងដែន ប្រព្រឹត្តនៅចំណុចអធិការដ្ឋាន​នគរបាល ស្រុកកំរៀង ស្ថិតនៅក្នុងស្រុកកំរៀង ខេត្តបាត់ដំបង កាលពីថ្ងៃទី៧ ខែកុម្ភៈ ឆ្នាំ២០២១ និងកាលពីអំឡុងខែមករា ឆ្នាំ២០២១ តាមបញ្ញត្តិមាត្រា៨ និងមាត្រា១១ នៃច្បាប់ស្តីពីការបង្ក្រាប​អំពើ​ជួញដូរមនុស្ស និងអំពើ​ធ្វើអាជីវកម្ម​ផ្លូវភេទ​។

សូមរម្លឹកថា អតីតអធិការស្រុកកំរៀង លោក គឹម ពន្លក ត្រូវបាន​ដកតំណែង និង​បណ្តេញចេញពីក្របខណ្ឌនគរបាលជាតិ ដោយសារតែ​លោក បានដោះលែង​មេក្លោង​នាំ​ពលករ​ឆ្លងដែន​ខុសច្បាប់ ៕