ប្រទេសចិន ៖ ទីភ្នាក់ងារព័ត៌មានចិនស៊ីនហួរាយការណ៍៍នាថ្ងៃទី១៥កុម្ភៈថា អាជ្ញាធរចិនបានចាប់ខ្លួនមនុស្ស៧០នាក់ សង្ស័យលួចផលិត និងធ្វើពាណិជ្ជកម្មវ៉ាក់សាំងប្រឆាំងវីរុស COVID-19 ក្លែងក្លាយ។ ទីភ្នាក់ងារព័ត៌មាននោះបន្តថា ជនសង្ស័យទាំងនេះជាប់ចោទលើរឿង២១…
ប្រទេសចិន ៖ ទីភ្នាក់ងារព័ត៌មានចិនស៊ីនហួរាយការណ៍៍នាថ្ងៃទី១៥កុម្ភៈថា អាជ្ញាធរចិនបានចាប់ខ្លួនមនុស្ស៧០នាក់ សង្ស័យលួចផលិត និងធ្វើពាណិជ្ជកម្មវ៉ាក់សាំងប្រឆាំងវីរុស COVID-19 ក្លែងក្លាយ។
ទីភ្នាក់ងារព័ត៌មាននោះបន្តថា ជនសង្ស័យទាំងនេះជាប់ចោទលើរឿង២១ ទាក់ទិននឹងវ៉ាក់សាំងក្លែងក្លាយ។ បណ្ដាញពួកអ្នករត់ពន្ធមួយទទួលបានប្រាក់ ប្រមាណជា១៨លានយន់ប្រមាណជា២,៣០លានអឹរ៉ូ ដោយសារការរត់ពន្ធវ៉ាក់សាំងក្លែងក្លាយ ផលិតតាមរយៈល្បាយអំបិល ឬទឹករ៉ែបន្លំជាវ៉ាក់សាំង៥៨.០០០ដូស ។
ប្រមុខបណ្ដាញរត់ពន្ធវ៉ាក់សាំងក្លែងក្លាយនោះដែលត្រូវចាប់ខ្លួនកាលពីថ្ងៃបុណ្យណូអែល មានឈ្មោះត្រកូល KONG។ ក្នុងករណីដទៃៗទៀត វ៉ាក់សាំងក្លែងក្លាយត្រូវបានគេលក់ក្នុងតម្លៃខ្ពស់ ហើយបញ្ចូលក្នុងកម្មវិធីចាក់វ៉ាក់សាំងបន្ទាន់ នៅតាមមន្ទីរពេទ្យនានាឬរត់ពន្ធទៅបរទេស។
អយ្យការប្រជាជនកំពូលចិន បានស្នើដល់បណ្ដាទីភ្នាក់ងារតំបន់ ឲ្យរួមសហការជាមួយប៉ូលិស ដើម្បីទប់ស្កាត់សកម្មភាពទាំងនេះ។
ប្រទេសចិនដែលប្រកាសកាលពីថ្ងៃទី៩ កុម្ភៈកន្លងទៅនេះថា បានចាក់វ៉ាក់សាំងដល់ទៅ៤០,៥២លានដូស ដល់បណ្ដាក្រុមមនុស្សគន្លឹះ នោះ អាចគ្រប់គ្រងបានការឆ្លងវីរុសដោយសារបណ្ដាវិធានការបង្ខាំងម៉ឺងម៉ាត់ ធ្វើតេស្តទ្រង់ទ្រាយធំ និងពាក់ម៉ាសការពារ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ