ខេត្តត្បូងឃ្មុំ ៖ រថយន្តម៉ាកសាំងយ៉ុងមួយគ្រឿងដឹកឈើចេញពីខេត្តក្រចេះ ក៏បានជួបគ្រោះថ្នាក់ចរាចរណ៍ក្រឡាប់ដោយខ្លួនឯង បណ្ដាលឲ្យស្ត្រីម្នាក់ជាប្រពន្ធរបស់អ្នកបើកបររថយន្តបានបាត់បង់ជីវិត ក្រៅពីនេះបណ្ដាលឱ្យរងរបួស៣នាក់ត្រូវបញ្ជូនទៅសង្គ្រោះនៅមន្ទីរពេទ្យបង្អែកស្រុកតំបែរ ។ ហេតុការណ៍ខាងលើនោះបានកើតឡើងកាលពីវេលាម៉ោង៥និង៥០នាទីព្រឹកថ្ងៃទី ១៥កុម្ភៈ ឆ្នាំ២០២១…
ខេត្តត្បូងឃ្មុំ ៖ រថយន្តម៉ាកសាំងយ៉ុងមួយគ្រឿងដឹកឈើចេញពីខេត្តក្រចេះ ក៏បានជួបគ្រោះថ្នាក់ចរាចរណ៍ក្រឡាប់ដោយខ្លួនឯង បណ្ដាលឲ្យស្ត្រីម្នាក់ជាប្រពន្ធរបស់អ្នកបើកបររថយន្តបានបាត់បង់ជីវិត ក្រៅពីនេះបណ្ដាលឱ្យរងរបួស៣នាក់ត្រូវបញ្ជូនទៅសង្គ្រោះនៅមន្ទីរពេទ្យបង្អែកស្រុកតំបែរ ។
ហេតុការណ៍ខាងលើនោះបានកើតឡើងកាលពីវេលាម៉ោង៥និង៥០នាទីព្រឹកថ្ងៃទី ១៥កុម្ភៈ ឆ្នាំ២០២១ ស្ថិតក្នុងភូមព្រែកជរ ឃុំសេដា ស្រុកតំបែរ ខេត្តត្បូងឃ្មុំ ។
តាមប្រភពមន្ត្រីមូលដ្ឋានប្រាប់ឲ្យដឹងថា រថយន្តមួយគ្រឿងម៉ាកសាំងយ៉ុង ពណ៌ទឹកប្រាក់ ពាក់ផ្លាកលេខ ក្រចេះ 2A-0533 បើកបរដោយឈ្មោះ ហ៊ីម ភេទប្រុស អាយុ៣៥ឆ្នាំ (រងរបួសស្រាល) និងអ្នករួមដំណើរ៣នាក់ទៀត ក្នុងនោះ១-ឈ្មោះ សុ ភា ភេទស្រី អាយុ៣០ឆ្នាំ (ត្រូវជាប្រពន្ធអ្នកបើកបរបានស្លា.ប់នៅនឹងកន្លែងកើតហេតុ) ២-ឈ្មោះ វ៉ាន់ ឌី ភេទប្រុស អាយុ១៨ឆ្នាំ (រងរបួសស្រាល) ៣-ឈ្មោះ នឿន ណេត ភេទប្រុស អាយុ១៨ឆ្នាំ (រងរបួសស្រាល ) ។ អ្នកទាំង៤ រស់នៅភូមិអង្គរក្រៅ ឃុំដូនតី ស្រុកពញាក្រែក ខេត្តត្បូងឃ្មុំ។
មន្ត្រីសមត្ថកិច្ចមូលដ្ឋានបានបញ្ជាក់ថា មុនពេលកើតហេតុ រថយន្តម៉ាកស៊ាំងយ៉ុងបើក បរពីជើងទៅត្បូង (ពីឆ្លូងទៅប្រធាតុ ) លុះពេលមកដល់កន្លែងកើតហេតុខាងលើ មិនដឹងជាយ៉ាងម៉េចនោះទេ តែគេសង្ស័យថា អ្នកបើកបរបើកក្នុងស្ថានភាពងងុយដេក ក៏រេចង្កូត ហើយក្រឡាប់រថយន្តមួយជុំ បណ្តាលឱ្យមានអ្នកបាត់បង់ជីវិត និងអ្នករងរបួសបែបនេះតែម្តង ចំណែករថយន្តបានរងការខូចខាតយ៉ាងធ្ងន់ធ្ងរ ។
ក្រោយពីកើតហេតុ កម្លាំងនគរបាលចរាចរណ៍ស្រុកបានចុះទៅពិនិត្យកន្លែងកើតហេតុ និងប្រគល់សពស្ត្រីរងគ្រោះទៅឱ្យសាច់ញាតិដើម្បីយកទៅធ្វើបុណ្យតាមប្រពៃណី ។ ដោយឡែករថយន្តរួមនឹងឈើត្រូវសមត្ថកិច្ចនាំយកមករក្សាទុកនៅអធិការដ្ឋាននគរបាលស្រុកតំបែរជាបណ្ដោះអាសន្ន ៕
ចែករំលែកព័តមាននេះ