បើនិយាយតាមផ្លូវព្រះពុទ្ធសាសនា ជីវិតមនុស្សយើងទាំងអស់គ្នានេះមានតម្លៃជាងអ្វីៗទាំងអស់ មានតម្លៃត្រង់យើងកើតមកទាន់ព្រះរតនត្រ័យ ដូច្នេះគប្បីយកជីវិតទៅបូជាចំពោះព្រះត្រ័យរតន៍ទើបបានសម ។ កុំលះបង់ជីវិតមួយថ្ងៃៗទៅកើតទុក្ខយំសោកចំពោះអ្នកមានកិលេសណាម្នាក់ឲ្យសោះ ធ្វើបែបហ្នឹងវាមិនមានតម្លៃអ្វីទេ ហើយក៏កុំចាំបាច់ខឹងស្អប់អី្វ ត្រូវឲ្យអភ័យ កុំចំណាយជីវិតក្នុងរឿងឥតប្រយោជន៍…
បើនិយាយតាមផ្លូវព្រះពុទ្ធសាសនា ជីវិតមនុស្សយើងទាំងអស់គ្នានេះមានតម្លៃជាងអ្វីៗទាំងអស់ មានតម្លៃត្រង់យើងកើតមកទាន់ព្រះរតនត្រ័យ ដូច្នេះគប្បីយកជីវិតទៅបូជាចំពោះព្រះត្រ័យរតន៍ទើបបានសម ។
កុំលះបង់ជីវិតមួយថ្ងៃៗទៅកើតទុក្ខយំសោកចំពោះអ្នកមានកិលេសណាម្នាក់ឲ្យសោះ ធ្វើបែបហ្នឹងវាមិនមានតម្លៃអ្វីទេ ហើយក៏កុំចាំបាច់ខឹងស្អប់អី្វ ត្រូវឲ្យអភ័យ កុំចំណាយជីវិតក្នុងរឿងឥតប្រយោជន៍ ត្រូវយកជីវិតមកសងគុណម៉ែឪយើង ធ្វើអ្វីៗឲ្យមានប្រយោជន៍ដល់ខ្លួនឯង ដល់សង្គមជាតិ ព្រះសាសនា កុំបន្ថោកជីវិតខ្លួនឯងឲ្យសោះមានជីវិតត្រូវតែមានសង្ឃឹមជានិច្ច ។
យើងកើតទាន់ព្រះពុទ្ធសាសនាត្រូវដឹងថា ជីវិតមានតម្លៃណាស់ ស្មើនឹងអរិយមគ្គមានអង្គ៨ជាផ្លូវទៅកាន់ព្រះនិព្វានឯណោះណា ! សូមកុំកាត់ផ្ដាច់ឧបនិស្ស័យរបស់ខ្លួន ត្រូវខិតខំបន្តឧបនិស្ស័យឲ្យបានសម្រេច កុំចាញ់ឧបសគ្គក្នុងជីវិតនេះឡើយ ឧបសគ្គមិនឈ្នះសេចក្ដីព្យាយាមទេ នេះជាដំណើរផ្លូវរបស់យើងម្នាក់ ក្រោកឡើងដើរតទៅទៀត ម្នាក់ឯងក៏ត្រូវតែដើរដែរ គឺត្រូវតែឆ្ពោះទៅមុខជានិច្ច ៕ សាន សារិន
ចែករំលែកព័តមាននេះ