ADផ្ទាំងផ្សព្វផ្សាយពាណិជ្ជកម្ម

Picture

​រតនគិរី ទទួលបានភ្ញៀវទេសចរ ជាង ១ម៉ឺននាក់ ក្នុងរយៈពេល ៣ថ្ងៃ ចូលឆ្នាំចិន

8 ខែ មុន
  • ភ្នំពេញ

ខេត្តរតនគិរី៖ ក្នុងរយៈពេល ៣ថ្ងៃ ចាប់ពីថ្ងៃទី១២កុម្ភៈ ដល់ថ្ងៃទី១៤កុម្ភៈ ឆ្នាំ២០២១ មានភ្ញៀវទេសចរជាតិ និងអន្តរជាតិ ដែលបបាន​ចូលមកកម្សាន្ត នៅក្នុងខេត្តរតនគិរី…

ខេត្តរតនគិរី៖ ក្នុងរយៈពេល ៣ថ្ងៃ ចាប់ពីថ្ងៃទី១២កុម្ភៈ ដល់ថ្ងៃទី១៤កុម្ភៈ ឆ្នាំ២០២១ មានភ្ញៀវទេសចរជាតិ និងអន្តរជាតិ ដែលបបាន​ចូលមកកម្សាន្ត នៅក្នុងខេត្តរតនគិរី ចំនួន ១​​២​៦៨៩នាក់។ ក្នុងនោះ ភ្ញៀវអន្តរជាតិ ៦៤នាក់ និង​ភ្ញៀវជាតិ ១​២​៦២៥នាក់ គឺ​ថយចុះ ២៩,០៧ ភាគរយ ​បើធៀបនឹងបុណ្យចូលឆ្នាំចិន កាលពីឆ្នាំ២០២០ ដែលមាន​ភ្ញៀវ​ ចំនួន  ១៧​​៨៩០នាក់។ នេះបើតាមលោក ង៉ែត ពិទូ ប្រធានមន្ទីរទេសចរ ខេត្តរតនគិរី។ ​

លោក ង៉ែត ពិទូ លើកឡើងថា ការធ្លាក់ចុះចំនួនភ្ញៀវទេសចរនេះ គឺដោយសារកត្តាព្រួយបារម្ភពីជំងឺកូវីដ១៩។

លោក ង៉ែត ពិទូ បានបន្តថា ខេត្តរតនគិរី គឺជាខេត្តមួយ ស្ថិតនៅភាគឦសាន្ត មានព្រំដែនជាប់នឹងប្រទេសឡាវ និងវៀតណាម។ ខេត្តមួយនេះ មានតំបន់ទេសចរ ដ៏គួរជាទីទាក់ទាញ ទាំងតំបន់អេកូទេសចរណ៍ និងរមណីយដ្ឋានទេសចរណ៍ធម្មជាតិ ចំនួន ១៤កន្លែង។  ​កន្លែងដែលទាក់ទាញអ្នកទេសចរច្រើនជាងគេ គឺរមណីយដ្ឋានធម្មជាតិ បឹងយក្ខឡោម ស្ថិតក្នុងក្រុងបានលុង រមណីយដ្ឋានទឹកធ្លាក់ ៧ជាន់ ឬហៅថា អូរសៀនលែរ៍ និងរមណីយ​ដ្ឋានបឹងលំកុដ្ឋិ ស្ថិតក្នុងស្រុកលំផាត់ ជាដើម។

ក្រៅពីនេះ ក៏នៅមានរមណីយដ្ឋានជាច្រើនទៀត ដែលបានរាក់ទាក់ទទួលភ្ញៀវទេសចរ​ជាតិ និងអន្តរជាតិ ឲ្យមកកំសាន្តយ៉ាងច្រើនកុះករ ផងដែរ៕ ដោយ៖ ផង់ វិន

Picture
Picture
Picture
Picture