ខេត្តក្រចេះ ៖ មន្ត្រីបរិស្ថានបានឲ្យដឹងថា កម្មវិធីបោះជំរុំលើកទី៣ក្នុងដែនជម្រកសត្វព្រៃ.ព្រៃឡង់ ក្រសួងបរិស្ថាននឹងរៀបចំកម្មវិធីបោះជំរុំ និងបំបួសដើមឈើលើកទី៣ ក្រោមប្រធានបទ «យើងស្រឡាញ់ព្រៃឡង់ហប់»ក្នុងដែនជម្រកសត្វព្រៃ«ព្រៃឡង់» ក្នុងភូមិសាស្ត្រ ឃុំកំពង់ចាម…
ខេត្តក្រចេះ ៖ មន្ត្រីបរិស្ថានបានឲ្យដឹងថា កម្មវិធីបោះជំរុំលើកទី៣ក្នុងដែនជម្រកសត្វព្រៃ.ព្រៃឡង់ ក្រសួងបរិស្ថាននឹងរៀបចំកម្មវិធីបោះជំរុំ និងបំបួសដើមឈើលើកទី៣ ក្រោមប្រធានបទ «យើងស្រឡាញ់ព្រៃឡង់ហប់»ក្នុងដែនជម្រកសត្វព្រៃ«ព្រៃឡង់» ក្នុងភូមិសាស្ត្រ ឃុំកំពង់ចាម ស្រុកសំបូរ ខេត្តក្រចេះ ក្រោមអធិបតី ឯ.ឧ នេត ភក្ត្រា រដ្ឋលេខាធិការក្រសួងបរិស្ថាន ដែលប្រព្រឹត្តនៅរសៀលថ្ងៃទី១៤ ដល់ថ្ងៃទី១៥ កុម្ភៈ ឆ្នាំ២០២១ ។
មន្ត្រីដដែលបានបញ្ជាក់ថា កម្មវិធីនេះនឹងបើកទូលាយផ្តល់ឱកាសឱ្យមានការចូលរួមពីសំណាក់ក្រសួង ស្ថាប័ន ដៃគូអភិវឌ្ឍន៍ សមាគមន៍ និងអង្គការមិនមែនរដ្ឋាភិបាល បណ្តាញសហគមន៍ថ្នាក់តំបន់ និងប្រជាសហគមន៍មូលដ្ឋាន ដែលតាមការប៉ាន់ស្មាន នឹងមានអ្នកចូលរួមប្រមាណជា ៣០០នាក់។
មន្ត្រីដដែលបានបញ្ជាក់បន្តថា នេះ គឺជាលើកទី២ហើយ ដែលក្រសួងបរិស្ថានបានរៀបចំកម្មវិធីបោះជំរុំ ក្នុងគោលបំណង៖
ទី១-សម្តែងនូវក្តីស្រឡាញ់ចំពោះធនធានធម្មជាតិ ជីវៈចម្រុះ និងបរិស្ថាននៅដែនជម្រកសត្វព្រៃព្រៃឡង់ ក៏ដូចជានៅក្នុងប្រទេសកម្ពុជាទាំងមូល, ទី២-ផ្សព្វផ្សាយការយល់ដឹង និងចែករំលែកបទពិសោធក្នុងការគ្រប់គ្រងធនធានធម្មជាតិ, ទី៣- បំផុសគំនិត និងស្មារតីដល់ប្រជាជនជាពិសេសក្នុងស្រទាប់យុវវ័យឱ្យស្រឡាញ់ និងចូលរួមអភិរក្សធនធានធម្មជាតិ និងទី៤-បង្កើនការប្រាស្រ័យទាក់ទងរបស់ប្រជាជនគ្រប់មជ្ឈដ្ឋាន ដើម្បីរួមគ្នាការពារ អភិរក្សធនធានធម្មជាតិជីវៈចម្រុះ និងបរិស្ថាន។
គួរបញ្ជាក់ថា៖ កម្មវិធីនេះមានខេត្តចំនួន៤ ចូលរួម គឺ ខេត្តស្ទឹងត្រែង ខេត្តព្រះវិហារ ខេត្តកំពង់ធំ និងខេត្តក្រចេះ ដែលជាខេត្តជាប់ជាមួយនឹងភូមិសាស្ត្រតំបន់ព្រៃឡង់ ។
ចែករំលែកព័តមាននេះ