នៅក្នុងគម្ពីរពន្លឺធម៌ព្រះពុទ្ធមាននិយាយអំពីកម្លាំងទាំង៥របស់ចិត្តដែលជាកម្លាំងសម្រាប់ច្បាំងជាមួយនឹងសត្រូវក្នុងខ្លួន យកឈ្នះកិលេសដែលកកត្រាំនៅក្នុងសន្តាន ។ មានកម្លាំងទាំង៥នោះគឺៈ ១- សទ្ធាពលៈ កម្លាំងគឺការជឿចំពោះសេចក្ដីពិត ។ ២- វីរិយពលៈ…
នៅក្នុងគម្ពីរពន្លឺធម៌ព្រះពុទ្ធមាននិយាយអំពីកម្លាំងទាំង៥របស់ចិត្តដែលជាកម្លាំងសម្រាប់ច្បាំងជាមួយនឹងសត្រូវក្នុងខ្លួន យកឈ្នះកិលេសដែលកកត្រាំនៅក្នុងសន្តាន ។ មានកម្លាំងទាំង៥នោះគឺៈ
១- សទ្ធាពលៈ កម្លាំងគឺការជឿចំពោះសេចក្ដីពិត ។
២- វីរិយពលៈ កម្លាំង គឺការព្យាយាមកម្ចាត់បាបចម្រើនបុណ្យ ។
៣- សតិពលៈ កម្លាំង គឺស្មារតីភ្ញាក់រលឹកដឹងទាន់នឹងយល់អំពីការពិត ។
៤- សមាធិពលៈ កម្លាំងគឺចិត្តស្ងប់ដោយប្រពៃ ។
៥- បញ្ញាពលៈ កម្លាំងគឺការដឹងហេតុផលពិត ។
បញ្ញាគឺជាគោលសំខាន់និងជាកំពូលនៃធម៌បដិបត្តិក្នុងព្រះពុទ្ធសាសនាឱ្យស្គាល់ពីហេតុនិងផល ។ បញ្ញាអាចដោះស្រាយបញ្ហាបានគ្រប់យ៉ាង ដែលជាបញ្ហានាំមកនូវទុក្ខកង្វល់ក្នុងចិត្ត ។ បញ្ញានាំមកនូវសេចក្ដីសុខព្រោះញុំាងឥរិយាបថទាំង៤ឱ្យប្រព្រឹត្តទៅដោយល្អ ៕ សាន សារិន
ចែករំលែកព័តមាននេះ