នៅក្នុងគម្ពីរឃ្លាំងបរិយត្តិភាគ១មាននិយាយអំពីសម្បត្តិ៦ប្រការដែលបុគ្គលរកបានដោយកម្រយ៉ាងពិស្តារ តែក្នុងទីនេះសូមបកស្រាយដោយសង្ខេបឱ្យល្មមត្រឹមតែស្តាប់បាន យល់បានតែប៉ុណ្ណោះ ។ ១- គតិសម្បត្តិ ការបានអត្តភាពជាមនុស្ស ២- កាលសម្បត្តិ ការបានកើតមកក្នុងពេលដែលមានពាក្យប្រៀនប្រដៅរបស់ព្រះពុទ្ធ…
នៅក្នុងគម្ពីរឃ្លាំងបរិយត្តិភាគ១មាននិយាយអំពីសម្បត្តិ៦ប្រការដែលបុគ្គលរកបានដោយកម្រយ៉ាងពិស្តារ តែក្នុងទីនេះសូមបកស្រាយដោយសង្ខេបឱ្យល្មមត្រឹមតែស្តាប់បាន យល់បានតែប៉ុណ្ណោះ ។
១- គតិសម្បត្តិ ការបានអត្តភាពជាមនុស្ស
២- កាលសម្បត្តិ ការបានកើតមកក្នុងពេលដែលមានពាក្យប្រៀនប្រដៅរបស់ព្រះពុទ្ធ
៣- បទេសសម្បត្តិ ការដែលបានរស់នៅក្នុងប្រទេស ដែលមានព្រះពុទ្ធសាសនា
៤- កុលសម្បត្តិ ការបានរស់នៅក្នុងត្រកូល ឬតំបន់ដែលសម្បូរទៅដោយអ្នកជ្រះថ្លាក្នុងព្រះពុទ្ធសាសនា
៥- ឧបធិសម្បត្តិ ការបានអត្តភាពពេញបរិបូណ៌ មិនវិកលវិការ គរ ឆ្កួត ថ្លង់ ងងឹតភ្នែកជាដើម
៦- ទិដ្ឋិសម្បត្តិ ជាអ្នកឃើញត្រូវជាសមាទិដ្ឋិ ។
បើយើងបាននូវសម្បត្តិទាំងអស់នេះហើយ គួរកុំឲ្យឱកាសនេះកន្លងហួសឡើយ ព្រោះសម្បត្តិទាំងនេះរកបានដោយកម្រណាស់ ៕ សាន សារិន
ចែករំលែកព័តមាននេះ