ប៉ាគីស្ថាន ៖ មន្ត្រីសួនសត្វប៉ាគីស្ថានបានអះអាងថាកូនខ្លាសពូជកម្រចំនួន២ក្បាលបានងា.ប់ដោយសារឆ្លងវីរុសកូវីដ១៩។ នេះបើយោងតាមការចុះផ្សាយពីសារព័ត៌មាន The Sun កាលពីថ្ងៃទី១៣ ខែកុម្ភៈ ឆ្នាំ២០២១ កន្លងទៅ។…
ប៉ាគីស្ថាន ៖ មន្ត្រីសួនសត្វប៉ាគីស្ថានបានអះអាងថាកូនខ្លាសពូជកម្រចំនួន២ក្បាលបានងា.ប់ដោយសារឆ្លងវីរុសកូវីដ១៩។ នេះបើយោងតាមការចុះផ្សាយពីសារព័ត៌មាន The Sun កាលពីថ្ងៃទី១៣ ខែកុម្ភៈ ឆ្នាំ២០២១ កន្លងទៅ។
កូនខ្លាសទាំង២ក្បាលខាងលើនោះមានអាយុ១១សប្តាហ៍ ស្ថិតនៅក្នុងសួនសត្វ Lahore បានងា.ប់ បន្ទាប់ពីទទួលការព្យាបាល៤ថ្ងៃ។ ដែលពេលនោះបុគ្គលិកសួនសត្វជឿថាជាជំងឺ Feline Panleukopenia ដែលសំដៅលើការបំផ្លាញប្រព័ន្ធភាពស៊ាំរបស់សត្វឆ្មា ហើយជាធម្មតាតែងតែកើតឡើងក្នុងប្រទេសប៉ាគីស្ថាន។
ប៉ុន្តែរហូតដល់មានការធ្វើកោសល្យវិច័យពីអ្នកជំនាញបានរកឃើញថា សួតរបស់កូនខ្លាសទាំង២បានខូចខាតយ៉ាងធ្ងន់ធ្ងរ និងការវាយប្រហារពីជំងឺរលាកស្រោមខួរក្បាលផងដែរ។ ហើយអ្នកជំនាញរោគវិទ្យាបានសន្និដ្ឋានថា ខ្លាសទាំង២ក្បាលបានងា.ប់ដោយសារកូវីដ១៩ខណៈដែលពួកវាក៏រងគ្រោះដោយសារការឆ្លងរាតត្បាតនៃវីរុសប្រភេទនេះផងដែរ។
ក្រោយហេតុការណ៍នេះកើតឡើង បុគ្គលិកសួនសត្វ Lahore ទាំងអស់ទទួលការធ្វើតេស្ត។ បើយោងតាមសម្តីលោក Kiran Saleem នាយករងសួនសត្វខាងលើបាននិយាយថា បុគ្គលិកចំនួន៦នាក់រួមទាំងមន្ត្រីម្នាក់ដែលគ្រប់គ្រងសត្វតោបានឆ្លងវីរុសនេះ៕ (ដកស្រង់ចេញពី The Sun)
ចែករំលែកព័តមាននេះ