សហរដ្ឋអាមេរិក ៖ ប្រធានាធិបតីអាមេរិកលោកចូ បៃដិន មានបំណងបិទជំរំឃុំឃាំងហ្គង់តាណាម៉ូ មុនដាច់អាណត្តិរបស់លោក។ នេះជាការអះអាងកាលពីថៃ្ងទី១២ ខែកុម្ភៈ របស់អ្នកនាំពាក្យសេតវិមាន។ បែបនេះលោកបៃដិន…
សហរដ្ឋអាមេរិក ៖ ប្រធានាធិបតីអាមេរិកលោកចូ បៃដិន មានបំណងបិទជំរំឃុំឃាំងហ្គង់តាណាម៉ូ មុនដាច់អាណត្តិរបស់លោក។ នេះជាការអះអាងកាលពីថៃ្ងទី១២ ខែកុម្ភៈ របស់អ្នកនាំពាក្យសេតវិមាន។
បែបនេះលោកបៃដិន ជាអ្នករំឭកការសន្យាមួយក្នុងចំណោមការសន្យា ក្នុងឱកាសនៃយុទ្ធនាការឃោសនាបោះឆ្នោត របស់លោកបារ៉ាក់ អូបាម៉ា ដែលមិនអាចធ្វើតាមការសន្យានោះបាន ដោយសារពុំមានការសម្របសម្រួល ជាមួយសភា។
ក្នុងសន្និសីទសារព័ត៌មានមួយពេលសួរពីលទ្ធភាពនៃការបិទពន្ធនាគារនៅហ្គង់តាណាម៉ូ ក្នុងអំឡុងអាណត្តិរបស់លោកបៃដិន អ្នកនាំពាក្យសេតវិមាន លោកស្រី JEN PSAKI ថ្លែងថា ពិតណាស់ នោះជាទិសដៅមួយ និងជាចេតនារបស់យើង។ យើងចាប់ផ្ដើមដំណើរការមួយជាមួយក្រុមប្រឹក្សាសន្តិសុខជាតិ ដើម្បីធ្វើការជាមួយទីភ្នាក់ងារសហព័ន្ធផ្សេងៗ និងវាយតម្លៃលើសភាពការណ៍បច្ចុប្បន្នដែលយើងទទួលមរតកពីរដ្ឋាភិបាលមុន។
ពេលធ្វើយុទ្ធនាការឃោសនាបោះឆ្នោត ប្រធានាធិបតី កាលពីឆ្នាំ២០១៦ លោកដូណាល់ ត្រាំ លើកពីបំណងរបស់លោករក្សាទុកពន្ធនាគារនោះ។ លោកថា លោកនឹងប្រកាន់ជំហរនោះដដែល បើលោកត្រូវបានជាប់ឆ្នោតជាថ្មី។
អ្នកទោសមួយចំនួននៅពន្ធគារហ្គង់តាណាម៉ូ ត្រូវបានដោះលែង ក្រោមការកាន់អំណាចរបស់លោកបារ៉ាក់ អូបាម៉ា៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ