រាជធានីភ្នំពេញ ៖ រថយន្តម៉ាកកាមរីបាឡែនមួយគ្រឿងបានបើកឆ្លងផ្លូវទៅជ្រុលទៅបុករះគូទរថយន្តសាំយ៉ុងនិងជ្រុលទៅបុកបង្គោលរបងស្ថានីយទូរទស្សន៍CTN បណ្តាលឲ្យបាក់១ដើម និងដួលប៉ាណូពីផ្ទាំងរួចបន្តទៅបុកផ្ទប់ប្រអប់ភ្លើងរបស់រដ្ឋមួយប្រអប់បណ្ដាលឱ្យរងការខូចខាត។ ហេតុការណ៍នេះបានកើតឡើងកាលពីវេលាម៉ោង៤ និង៤៥នាទីរសៀល ថ្ងៃទី១១ ខែកុម្ភៈ ឆ្នាំ២០២១…
រាជធានីភ្នំពេញ ៖ រថយន្តម៉ាកកាមរីបាឡែនមួយគ្រឿងបានបើកឆ្លងផ្លូវទៅជ្រុលទៅបុករះគូទរថយន្តសាំយ៉ុងនិងជ្រុលទៅបុកបង្គោលរបងស្ថានីយទូរទស្សន៍CTN បណ្តាលឲ្យបាក់១ដើម និងដួលប៉ាណូពីផ្ទាំងរួចបន្តទៅបុកផ្ទប់ប្រអប់ភ្លើងរបស់រដ្ឋមួយប្រអប់បណ្ដាលឱ្យរងការខូចខាត។ ហេតុការណ៍នេះបានកើតឡើងកាលពីវេលាម៉ោង៤ និង៤៥នាទីរសៀល ថ្ងៃទី១១ ខែកុម្ភៈ ឆ្នាំ២០២១ ចំណុចមុខមុខស្ថានីយទូរទស្សន CTN ផ្លូវជាតិលេខ៥ កែងនឹងផ្លូវបេតុង ក្នុងភូមិក្រោលគោ សង្កាត់គីឡូម៉ែត្រលេខ6 ខណ្ឌឫស្សីកែវ រាជធានីភ្នំពេញ។
រថយន្តបង្កម៉ាកកាមរីបាឡែនពណ៌ស្ករ ពាក់ស្លាកលេខ ភ្នំពេញ 2AZ-0615 បើកដោយបុរសម្នាក់មិនត្រូវបានស្គាល់ឈ្មោះនោះឡើយ។ ចំណែករថយន្តរងគ្រោះម៉ាកសាំយ៉ុងពណ៌សម្បកឪឡឹក ពាក់ស្លាកលេខ កំពង់ស្ពឺ 2A-3152 បើកដោយបុរសម្នាក់មិនត្រូវបានស្គាល់ឈ្មោះនោះឡើយ។ តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុរថយន្តបង្កបានធ្វើដំណើរតាមបណ្តោយផ្លូវបេតុងក្នុងទិសដៅពីលិចទៅកើតឆ្លងផ្លូវហើយជ្រុលបុករថយន្តម៉ាក់សាំយ៉ុងធ្វើដំណើរ តាមបណ្តោយផ្លូវជាតិលេខ៥ពីជើងទៅត្បូង។
នៅក្នុងគ្រោះថ្នាក់រថយន្តបង្កបានបុកចំគូទរថយន្តសាំយ៉ុងចំចំហៀងផ្នែកខាងក្រោយរួចជ្រុលទៅបុកប្រអប់ភ្លើងរបស់រដ្ឋ១ប្រអប់ និងផ្ទាំងប៉ាណូ២ផ្ទាំងព្រមទាំងបង្គោលរបងរបស់ស្ថានីយទូរទស្សន៍CTN ជាប់ទៅលែងរួចបណនតាលអោយរងការខូចខាតធ្ងន់ធ្ងរ។ ក្រោយពេលកើតហេតុរថយន្តបង្កក៏បានសម្រួលចេញថ្លៃជួសជុលរថយន្តសាំយ៉ុង៣០០ដុល្លារ ហើយត្រូវបានសមត្ថកិច្ចស្ទូចយកទៅរក្សាទុកនៅការិយាល័យចរាចរណ៍រាជធានីដើម្បីដោះស្រាយសងការខូចខាតរបង និងស្លាកប៉ាណូទូរទស្សន៍CTN ព្រមទាំងជួសជុលប្រអប់កុងទ័រ៕ ដោយ ៖ ម៉េង ធា
ចែករំលែកព័តមាននេះ