រាធធានីភ្នំពេញ ៖ ចង្ក្រានបាយផ្ទះល្វែងមួយកន្លែងត្រូវបានអគ្គីភ័យឆាបឆេះ ខណៈពេលដែលម្ចាស់ដុតទៀនទុកចោល ហើយទៅសែននៅផ្ទះម្ដាយ ដែលហេតុការណ៍នេះបង្កអោយមានការភ្ញាក់ផ្អើល កាលពីវេលាម៉ោង 1និង 30 នាទីរសៀលថ្ងៃទី…
រាធធានីភ្នំពេញ ៖ ចង្ក្រានបាយផ្ទះល្វែងមួយកន្លែងត្រូវបានអគ្គីភ័យឆាបឆេះ ខណៈពេលដែលម្ចាស់ដុតទៀនទុកចោល ហើយទៅសែននៅផ្ទះម្ដាយ ដែលហេតុការណ៍នេះបង្កអោយមានការភ្ញាក់ផ្អើល កាលពីវេលាម៉ោង 1និង 30 នាទីរសៀលថ្ងៃទី 11 ខែកុម្ភៈ ឆ្នាំ2021 នៅចំណុចផ្ទះល្វែងលេខ 33 ភូមិអូគីដេ សង្កាត់អូរបែកក្អម ខណ្ឌសែនសុខរាជធានីភ្នំពេញ ។
ម្ចាស់ផ្ទះដែលត្រូវឆេះឈ្មោះ ឡៅ ម៉េង ភេទប្រុស អាយុ៤៣ឆ្នាំ មុខរបរលក់ដូរ ។ តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេឃើញផ្ទះល្វែងខាងលើត្រូវបានម្ចាស់ចាក់សោទុកចោល ខណៈនោះស្រាប់តែមានអគ្គិភ័យឆាប ផ្សែងហុយទ្រលោមបង្កឲ្យមានការភ្ញាក់ផ្អើលដល់អ្នកជិតខាង ដែលកំពុងតែផឹកស៊ីនៅក្នុងឱកាសថ្ងៃសែនបុណ្យចូលឆ្នាំប្រពៃណីជាតិចិន ។
ភ្លាមៗនោះបង្កឲ្យមានការភ្ញាក់ផ្អើលដល់អ្នកជិតខាងនាំគ្នាបានវាយទម្លុះទ្វាយកបំពង់ពន្លត់អគ្គីភ័យបាញ់ពន្លត់ ។ ដោយនៅក្នុងហេតុការណ៍នោះ ថយន្តពន្លត់អគ្គីភ័យបានទៅអន្តរាគមន៍ចំនួន២គ្រឿង បាញ់ពន្លត់អស់ទឹកចំនួន 1 រថយន្តហើយភ្លើងបានរលត់វិញនៅវេលាម៉ោងប្រមាណ 1 និង 50 នាទី ។
ទាក់ទិនការកើតមានអគ្គីភ័យនេះត្រូវបានម្ចាស់ឲ្យដឹងថា បណ្ដាលមកពីដុតទៀននៅជំនាងផ្ទះ លើទូរទឹកកកហើយចាក់សោផ្ទះទុកចោលទៅសែននៅផ្ទះម្ដាយនៅម្ដុំគីរីរម្យ ។
ចំពោះសម្ភាររួមមាន ៖ ទូទឹកកក ទូដាក់ចាន ទូរទស្សន៍ និងកង្ហារមួយគ្រឿងរួមទាំងសម្ភារៈមួយចំនួនទៀត នៅចង្ក្រានបាយត្រូវបានអគ្គិភ័យឆាបឆេះ បណ្ដាលឱ្យរងការខូចខាត។ទោះបីយ៉ាងណាភ្លើងពុំបណ្ដាលឲ្យឆេះរាលដាលធ្ងន់ធ្ងរនោះឡើយ គឺគ្រាន់តែរបស់របរនៅក្នុងចង្ក្រានបាយតែប៉ុណ្ណោះ៕
ចែករំលែកព័តមាននេះ