តាមទ្រឹស្តីព្រះពុទ្ធសាសនាបានពន្យល់ថា មនុស្សយើងសំខាន់សម្រាប់ខ្លួនឯងណាស់ព្រោះត្រូវជួយខ្លួនឯងឲ្យរួចអំពីបាប ឲ្យរួចពីទុក្ខលំបាកនៅក្នុងវាលវដ្ដសង្សារ សំខាន់ត្រង់មានស្មារតីគ្រប់គ្រងរក្សាចិត្តឲ្យប្រព្រឹត្តទៅជាកុសល ចំណែកជាមួយនឹងសង្គមមនុស្សជុំវិញខ្លួនវិញ ជាមនុស្សសំខាន់ឬមិនសំខាន់យ៉ាងណានោះស្រេចតែការវាយតម្លៃរបស់គេចុះ ។ ផ្ទុយទៅវិញបែរជាមនុស្សខ្លះចង់បាននូវអ្វីៗអំពីអ្នកដទៃ មិនថាលាភ យស…
តាមទ្រឹស្តីព្រះពុទ្ធសាសនាបានពន្យល់ថា មនុស្សយើងសំខាន់សម្រាប់ខ្លួនឯងណាស់ព្រោះត្រូវជួយខ្លួនឯងឲ្យរួចអំពីបាប ឲ្យរួចពីទុក្ខលំបាកនៅក្នុងវាលវដ្ដសង្សារ សំខាន់ត្រង់មានស្មារតីគ្រប់គ្រងរក្សាចិត្តឲ្យប្រព្រឹត្តទៅជាកុសល ចំណែកជាមួយនឹងសង្គមមនុស្សជុំវិញខ្លួនវិញ ជាមនុស្សសំខាន់ឬមិនសំខាន់យ៉ាងណានោះស្រេចតែការវាយតម្លៃរបស់គេចុះ ។
ផ្ទុយទៅវិញបែរជាមនុស្សខ្លះចង់បាននូវអ្វីៗអំពីអ្នកដទៃ មិនថាលាភ យស សរសើរ ការលើកតម្កើងទៅវិញដោយមិនដឹងថា អ្វីទាំងអស់នេះមិនអាចឲ្យយើងរួចផុតចាកទុក្ខបានឡើយ ចំណែកខ្លួនយើងវិញដែលថាសំខាន់នោះគឺអាចឲ្យការមិនធ្វើបាប ការបំពេញបុណ្យនិងភាពស្អាតផូរផង់នៃចិត្តដល់ខ្លួនឯងបាន អាចជួយខ្លួនឯងឲ្យរួចផុតចាកទុក្ខបានទៀតផង តែបែរជាមិនចេះសុំនូវគុណដ៏អស្ចារ្យនេះអំពីខ្លួនឯងទេ ។
នេះហើយដែលឈ្មោះថាបុគ្គលអាប់ឥតប្រាជ្ញា ចង់បានតែរបស់អត់ខ្លឹមសារ ដោយសម្គាល់ថាជារបស់មានខ្លឹមសារសំខាន់ណាស់ទៅវិញ ៕ សាន សារិន
ចែករំលែកព័តមាននេះ