ខេត្តស្វាយរៀង ៖ នៅថ្ងៃទី០៩ ខែកុម្ភៈ ឆ្នាំ២០២១ ជនសង្ស័យចំនួន០៨នាក់ ដែលជាប់ទាក់ទិនក្នុងករណីជួញដូររក្សាទុក និងប្រើប្រាស់ដោយខុសច្បាប់នូវសារធាតុញៀនរួមជាមួយវត្ថុតាងត្រូវបានកម្លាំងជំនាញផែនការងារប្រឆាំងគ្រឿងញៀននៃស្នងការដ្ឋាននគរបាលខេត្តស្វាយរៀងបញ្ជូនទៅកាន់អយ្យការអមសាលាដំបូងខេត្តដើម្បីចាត់ការបន្តតាមច្បាប់។
បើតាមសមត្ថកិច្ចបានឲ្យដឹងថា ជនសង្សយ័ទាំង០៨នាក់ខាងលើនេះត្រូវបានកម្លាំងជំនាញការិយាលយ័ប្រឆាំងគ្រឿងញៀនខេត្តសហការជាមួយកម្លាំងអធិការដ្ឋាននគរបាលក្រុងបាវិត អធិការដ្ឋាននគបាលក្រុងស្វាយរៀងអធិការដ្ឋាននគបាលស្រុកស្វាយទាប និងស្រុកចន្ទ្រា បើកប្រតិបត្តិការស្រាវជ្រាវបង្ក្រាបឃាត់ខ្លួនចំនួន០៣ករណីផ្សេងគ្នា កាលពីថ្ងៃទី០៧-០៨ ខែកុម្ភៈ ឆ្នាំ២០២១ នៅទីតាំងផ្សេងគ្នា។
កិច្ចប្រតិបត្តិការខាងលើនេះកម្លាំងជំនាញបានដកហូត និងចាប់យកវត្ថុតាងរួមមាន៖ -ថ្នាំញៀន(មេតំហ្វេតាមីន) ចំនួន៣០កញ្ចប់ ទម្ងន់១៣៨.៣០ក្រាម, -ថ្នាំញៀន អ៊ិចស្តាស៊ី០២កញ្ចប់, -ម៉ូតូ០៣គ្រឿង, -ទូរសព្ទ័ដៃ០៩គ្រឿង, -ជញ្ជីងថ្លឹងថ្នាំញៀន០១គ្រឿង រួមនឹងឧបករណ៍ជក់ប្រើប្រាស់ និងសម្ភារវេចខ្ចប់ថ្នាំញៀនមួយចំនួនទៀត។ ប្រភពបន្តទៀតថា ក្រោយពីសមត្ថកិច្ចធ្វើការសាកសួររួចបានកសាងសំណុំរឿងបញ្ជូនជនសង្ស័យទាំង៩នាក់រួមនឹងវត្ថុតាងទៅសាលាដំបូងខេត្តចាត់ការតាមនីតិវិធី ហើយលោកចៅក្រមបានចេញដីកាឃុំខ្លួនបណ្តោះអាសន្ននៅពន្ធនាគារខេត្តស្វាយរៀងរួចហើយ៕ ដោយ ៖ វ៉ាន់ ប៊ុនធឿន
ចែករំលែកព័តមាននេះ