ខេត្តបាត់ដំបង ៖ អ្នករត់ម៉ូតូឌុបម្នាក់ ត្រូវជនមិនស្គាល់អត្តសញ្ញាណប្រើកូនកាំបិតចា.ក់បាក់ផ្លែមួយកំណាត់ជាប់លើខ្នង ដែលទំនងប៉ងចាក់សម្លាប់ ដើម្បី «ប្ល.ន់»យកម៉ូតូ តែមិនបានសម្រេចដោយសារតែជនរងគ្រោះផ្ដួលម៉ូតូ រួចវាយតបតវិញ រហូតដល់ពួកចោររត់ប្រះអាយុ…
ខេត្តបាត់ដំបង ៖ អ្នករត់ម៉ូតូឌុបម្នាក់ ត្រូវជនមិនស្គាល់អត្តសញ្ញាណប្រើកូនកាំបិតចា.ក់បាក់ផ្លែមួយកំណាត់ជាប់លើខ្នង ដែលទំនងប៉ងចាក់សម្លាប់ ដើម្បី «ប្ល.ន់»យកម៉ូតូ តែមិនបានសម្រេចដោយសារតែជនរងគ្រោះផ្ដួលម៉ូតូ រួចវាយតបតវិញ រហូតដល់ពួកចោររត់ប្រះអាយុ ។ ប៉ុន្តែជនរងគ្រោះរងរបួសយ៉ាងធ្ងន់ធ្ងរ ស្រែកឲ្យគេជួយជាមួយនឹងផ្លែកាំបិតជាប់ឆ្អឹងខ្នង ជោកជាំទៅដោយឈាមដាបពេញខាងកាយ។
ប្រភពពីស្រុកមោងប្ញស្សី បានឲ្យដឹងថា អំពើ«ប្ល.ន់»យ៉ាងសាហាវនេះ បានកើតឡើង កាលពីវេលាម៉ោង៧និង៣០នាទីយប់ថ្ងៃទី០៩ កុម្ភៈ ពេលជនរងគ្រោះឌុបជនសង្ស័យតាមផ្លូវដល់ចំណុចភូមិទូលសាក ឃុំតាលាស់ ស្រុកមោងឬស្សី។ ជនរងគ្រោះឈ្មោះ សាយ សំរិត ហៅ វុធ អាយុ៤៨ឆ្នាំ មានមុខរបររត់ម៉ូតូឌុប រស់នៅភូមិព្រែកអាំ ឃុំរបស់មង្គល ស្រុកមោងឬស្សី។
ប្រភពដដែលបានឲ្យដឹងទៀតថា ជនរងគ្រោះត្រូវជនមិនស្គាល់មុខចំនួន០២នាក់ ហៅគាត់ឲ្យឌុបពីចំណុចខាងមុខមន្ទីរពេទ្យបង្អែកស្រុកមោងប្ញស្សី ឆ្ពោះទៅកាន់ចំណុចភូមិ ឃុំកើតហេតុខាងលើក្នុងតំលៃ២ម៉ឺនរៀល។ ប៉ុន្តែពេលធ្វើដំណើរទៅដល់កន្លែងស្ងាត់ ក៏ត្រូវជនដៃដល់ទាំង០២នាក់នោះ ដកកាំបិតចា.ក់គាត់ចំឆ្ពឹងខ្នង(ក្រោមកញ្ចឹង.ក)បាក់ផ្លែជាប់។ ពេលនោះ ជនរងគ្រោះបានផ្ដូលម៉ូតូ និង វាយតបវិញរហូតពួកចោរទាំង០២នាក់រត់គេចខ្លួនបាត់ ហើយជនរងគ្រោះក៏បានស្រែកហៅអ្នកភូមិឲ្យជួយអន្តរាគមន៍។
បើតាមជនរងគ្រោះ ដែលត្រូវបានគេស្រង់សំដី បាននិយាយពីភិនភាគ នៃជនសង្ស័យថា ពួកចោរទាំង០២នាក់នោះ មានអាយុចន្លោះប្រហែលពី២៦ទៅ៣០ឆ្នាំប្លាយ។ មានជនម្នាក់ពាក់អាវដៃវែងពណ៏ផ្ទៃមេឃ ស្លៀកខោខ្មៅជើងវែង តែមិនច្បាស់ពីភិនភាគមុខមាត់ទេ។ ពួកចោរបានចាក់គាត់ ពេលកំពុងធ្វើដំណើរតាមផ្លូវ បណ្ដាលឲ្យបាក់ផ្លែកាំបិតមួយកំណាត់ជាប់ខ្នងគាត់ តែពួកចោរប្លន់មិនបានសម្រេចទេ ដោយសារគាត់
ផ្តួលម៉ូតូរួចដេញវាយតបពួកចោរនោះវិញ។ ម៉ូតូគាត់ដែលចោរប៉ុនប៉ងប្លន់នោះម៉ាកហុងដាឌ្រីមពណ៏ខ្មៅ ស៊េរីឆ្នាំ២០២០ ពាក់ស្លាកលេខ ភ្នំពេញ1IJ-1778។
មានការកត់សម្គាល់ដែរថា អំពើ«ប្លន់»ហាក់បាននិងកំពុងចាប់ផ្ដើមកំរើកឡើងវិញ ជាមួយនឹងអំពើចោរកម្មនានា យ៉ាងមមារញឹកដទៃទៀត ខណៈការទប់ស្កាត់ឬការបង្ក្រាបរបស់សមត្ថកិច្ច ហាក់នៅមានកំរិតទាបបំផុត។ គ្រាន់តែក្នុងរយៈពេលជាង១០ថ្ងៃសោះអំពើ«ប្ល.ន់»នេះ បានកើតឡើងចំនួន០៣លើកផ្ទូនៗ ។ ក្នុងនោះ នៅក្នុងស្រុកបាណន់ បានកើតឡើងចំនួន០២លើក គឺនៅ«ឃុំឈើទាល និង នៅឃុំស្នឹង» ដែលបង្កឡើងដោយក្រុមចោរហាររយបិទមុខ និង ក្រុមចោរដាវសាំមូរ៉ៃដែលចូល«ប្ល.ន់»នៅក្នុងលំនៅឋាន។ រហូតដល់ពេលនេះ ខណៈសមត្ថកិច្ចហាក់មិនទាន់មានតម្រុយប៉ុនក្រចកពីមុខសញ្ញា«ប្ល.ន់»ទាំង០២ករណីនេះផង ស្រាប់តែអំពើ«ប្ល.ន់»អ្នករត់ម៉ូតូឌុបយ៉ាងឃោរឃៅ បានកើតឡើងនៅស្រុកមោងប្ញស្សីជាថ្មីទៀត ដែលធ្វើឲ្យសមត្ថកិច្ចស្ទើរវិលក្បុង។
មិនតែប៉ុណ្ណោះ ករណីដែលក្រុមចោរដាក់ថ្នាំសណ្ដំប្ល.ន់យកលុយតានិងយាយ នៅឃុំអូរតាគី ស្រុកថ្មគោល ដែលសមត្ថកិច្ចអះអាងថា គេបានស្គាល់មុខសញ្ញាច្បាស់ហើយនោះ រហូតដល់ពេលនេះក៏សមត្ថកិច្ចនូវមិនទាន់តាមចាប់ក្រុមចោរនោះ យកមកបង្ហាញតុលាការដែរ។ ប៉ុន្តែយ៉ាងណាក្ដី ពាក់ព័ន្ធនឹងអំពើ «ប្លន់» អ្នករត់ម៉ូតូឌុបនៅស្រុកមោងឬស្សីខាងលើនេះ បើតាមប្រភព័ត៌មានបានឲ្យដឹងថា កម្លាំងសមត្ថកិច្ចបានចុះទៅកាន់កន្លែងកើតហេតុហើយ ដើម្បីធ្វើការស្រាវជ្រាវដូចករណី«ប្ល.ន់»មុនៗដែរ តែលទ្ធផលក៏ប្រហែលដូចគ្នាមុនៗដដែលដែរ។ ដោយឡែក ជនរងគ្រោះ ត្រូវបានគេរាយការណ៍ថា ពេលនេះ គាត់កំពុងសង្គ្រោះបន្ទាន់នៅមន្ទីរពេទ្យ ។
ចែករំលែកព័តមាននេះ