កម្លាំងប្រាក់រៀលខ្មែរខ្សោយជាងប្រាក់វុនកូរ៉េ និងដុល្លារសាំងហ្គាពួរ
- ភ្នំពេញ
រាជធានីភ្នំពេញ ៖ ថ្ងៃនេះហាងឆេងប្រាក់រៀលខ្មែរចាញ់ប្រៀបប្រាក់វុនកូរ៉េ និងដុល្លារសាំង ហ្គាពួរ ។ ធនាគារជាតិនៃកម្ពុជា នៅថ្ងៃទី ១០ខែកុម្ភៈ ឆ្នាំ…
រាជធានីភ្នំពេញ ៖ ថ្ងៃនេះហាងឆេងប្រាក់រៀលខ្មែរចាញ់ប្រៀបប្រាក់វុនកូរ៉េ និងដុល្លារសាំង ហ្គាពួរ ។ ធនាគារជាតិនៃកម្ពុជា នៅថ្ងៃទី ១០ខែកុម្ភៈ ឆ្នាំ ២០២១នេះឱ្យដឹងថា ១០០វុនកូរ៉េ ទិញចូល ៣៦៦ រៀល លក់ចេញរហូតដល់ ៣៧០ រៀល ខណៈកាលពីថ្ងៃម្សិលមិញ ទិញចូល ត្រឹមតែ ៣៦៤ រៀល និងលក់ចេញតែ ៣៦៨ រៀលប៉ុណ្ណោះ ។
ថ្ងៃនេះដែរហាងឆេងប្រាក់ដុល្លារសាំងហ្គាពួរធៀបនឹងប្រាក់រៀល គឺ ១ដុល្លារសាំងហ្គាពួរ ទិញ ចូល ៣០៦៩ រៀល លក់ចេញរហូតដល់ ៣១០០ រៀល ដែលកាលពីថ្ងៃម្សិលមិញ ទិញចូល ត្រឹមតែ ៣០៥៤ រៀល និងលក់ចេញតែ ៣០៨៤ រៀលប៉ុណ្ណោះ ។
ទន្ទឹមនេះដែរ សូមមកដឹងពីហាងឆេងអត្រាប្តូរប្រាក់រៀលខ្មែរធៀបនឹងប្រាក់ប្រទេសសំខាន់ៗ មួយចំនួន គឺ ១ដុល្លារអាមេរិក ស្មើនឹង ៤០៧០ រៀល, ១អឺរ៉ូ ទិញចូល ៤៩៣១ រៀល លក់ចេញ ៤៩៨១ រៀល ខណៈ ១ដុល្លារអូស្ត្រាលី ទិញចូល ៣១៤៨ រៀល និងលក់ចេញ ៣១៨០ រៀល ។
ជាមួយគ្នានេះ ១យន់ចិន ទិញចូល ៦៣៣ រៀល លក់ចេញ ៦៣៩ រៀល ហើយ ១០០យ៉េន ជប៉ុន ទិញចូល ៣៨៩៣ រៀល លក់ចេញ ៣៩៣១ រៀល ខណៈ ១បាតថៃ ទិញចូល ១៣៦ រៀល លក់ចេញ ១៣៧ រៀល និង ១០០០ដុងវៀតណាម ទិញចូល ១៧៧ រៀល លក់ចេញ ១៧៩ រៀល ៕
ចែករំលែកព័តមាននេះ