កូនប្រុសច្បងសម្តេចតេជោនឹងចាក់វ៉ាក់សាំងមុនគេថ្ងៃស្អែក
រាជធានីភ្នំពេញ ៖ មន្ត្រីជាន់ខ្ពស់ក្រសួងសុខាភិបាលបានបញ្ជាក់ថា ឯកឧត្តម ហ៊ុន ម៉ាណែត នឹងទទួលវ៉ាក់សាំងមុនគេ នៅមន្ទីរពេទ្យ កាល់ម៉ែត្រ នៅ…
រាជធានីភ្នំពេញ ៖ មន្ត្រីជាន់ខ្ពស់ក្រសួងសុខាភិបាលបានបញ្ជាក់ថា ឯកឧត្តម ហ៊ុន ម៉ាណែត នឹងទទួលវ៉ាក់សាំងមុនគេ នៅមន្ទីរពេទ្យ កាល់ម៉ែត្រ នៅ ថ្ងៃស្អែក ថ្ងៃទី ១០ ខែកុម្ភៈ វេលាម៉ោង ៨:០០ព្រឹក។ នេះបើយោងតាមចេញផ្សាយរបស់ទូរទស្សន៍ជាតិកម្ពុជា នារសៀលថ្ងៃទី ០៩ កុម្ភៈ ។
ក្នុងឱកាសចុះពិនិត្យការរៀបចំទីតាំងសម្រាប់ ការចាក់វ៉ាក់សាំងបង្ការជំងឺកូវីដ-១៩ នាមន្ទីរពេទ្យកាល់ម៉ែត នៅរសៀលថ្ងៃទី ៩ ខែកុម្ភៈ ឆ្នាំ ២០២១នេះ លោក ជំទាវ យក់ សម្បត្តិ រដ្ឋលេខាធិកាក្រសួងសុខាភិបាល បានបញ្ជាក់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការ កងទ័ពជើងគោក ដែលជាបុត្រច្បង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន នឹងអញ្ជើញទទួលវ៉ាក់សាំងបង្ការជំងឺកូវីដ-១៩មុនគេ នៅមន្ទីរពេទ្យ កាល់ម៉ែត្រនៅថ្ងៃស្អែក វេលាម៉ោង ៨:០០ព្រឹក៕
សូមរម្លឹកថា សម្តេចតេជោ ហ៊ុន សែន បានប្រកាស យល់ព្រមឲ្យកូនប្រុសទាំង ៣នាក់ របស់សម្តេច រួមទាំងកូនប្រសារ និងកូនអ្នកធំៗទាំងអស់ ព្រមទាំងរដ្ឋមន្ត្រីអាយុក្រោម ៥៩ឆ្នាំ ត្រូវចាក់វ៉ាក់សាំងកូវីដ១៩ របស់ចិន ស៊ីណូ ហ្វាម មុនគេ។ ការធ្វើដូច្នេះ ដើម្បីបង្កើនទំនុកចិត្តដល់មហាជន ខណៈដែលសម្តេច និងរដ្ឋមន្ត្រីមួយចំនួន អាយុលើសពី ៥៩ឆ្នាំ ដែលមិនអាចចាក់វ៉ាក់សាំងរបស់ចិននេះបាន។ សម្តេចតេជោ ហ៊ុន សែន ក៏បានប្រកាសឲ្យសម្តេច ទៀ បាញ់ រៀបចំឲ្យឧត្តមសេនីយ៍ អាយុ ក្រោម ៥៩ឆ្នាំ មកចាក់វ៉ាក់សាំងកូវីដ១៩ ផងដែរ ។ សូមបញ្ជាក់ថា វ៉ាក់សាំងជំងឺកូវីដ១៩ ចំនួន៦០ម៉ឺនដូស (នៃជំនួយវ៉ាក់សាំងសរុប១លាដូស) មានឈ្មោះថាស៊ីណូហ្វាម (Sinopharm) ដែលផលិតដោយសាធារណរដ្ឋប្រជាមានិតចិនបានដឹកដាក់យន្តហោះយោធាចិនមកដល់កម្ពុជានៅវេលាម៉ោង៤រសៀល ថ្ងៃទី៧ ខែកុម្ភៈ ឆ្នាំ២០២១ បានបង្ហាញកាន់រឹងមាំពីមិត្តភាពដែកថែបបន្ថែមទៀតរវាងមិត្តភាពកម្ពុជា-ចិន៕
ចែករំលែកព័តមាននេះ