រាជធានីភ្នំពេញ ៖ មានករណីគ្រោះថ្នាក់ចរាចរណ៍រវាងរថយន្តម៉ាកឡិចស៊ីស RX330 បុកជាមួយរថយន្តមួយគ្រឿងម៉ាកណាវ៉ារ៉ា យ៉ាងពេញទំហឹង បណ្តាលឲ្យរថយន្តម៉ាកណាវ៉ារ៉ាខ្ទាតធ្លាក់ចូលក្នុងទឹកប្រឡាយ និងរងរបួសម្ចាស់រថយន្តទាំងសងខាង ។ ហេតុការណ៍ខាងលើនេះបានបង្កអោយមានការភ្ញាក់ផ្អើលកាលពីវេលាម៉ោង១១និង៣០…
រាជធានីភ្នំពេញ ៖ មានករណីគ្រោះថ្នាក់ចរាចរណ៍រវាងរថយន្តម៉ាកឡិចស៊ីស RX330 បុកជាមួយរថយន្តមួយគ្រឿងម៉ាកណាវ៉ារ៉ា យ៉ាងពេញទំហឹង បណ្តាលឲ្យរថយន្តម៉ាកណាវ៉ារ៉ាខ្ទាតធ្លាក់ចូលក្នុងទឹកប្រឡាយ និងរងរបួសម្ចាស់រថយន្តទាំងសងខាង ។
ហេតុការណ៍ខាងលើនេះបានបង្កអោយមានការភ្ញាក់ផ្អើលកាលពីវេលាម៉ោង១១និង៣០ នាទីយប់ថ្ងៃទី៨ ខែកុម្ភៈឆ្នាំ ២០២១ ត្រង់ចំណុចជាប់នឹងស្ថានីយប្រេងមួយកន្លែង នៅតាមបណ្តោយផ្លូវជាតិលេខ៣ ក្នុងភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
ភាគីខាងរថយន្តម៉ាកឡិចស៊ីស RX330 (Lexus RX330) ពណ៍ស ពាក់ស្លាកលេខ ភ្នំពេញ2-BA7661 បើកបដោយជនជាតិចិនម្នាក់មិនស្គាល់ឈ្មោះ ចំណែកភាគីខាងរថយន្តមួយគ្រឿងទៀតម៉ាកNAVARA ពណ៍កណ្តុរល្មែះ ពាក់ស្លាកលេខ ភ្នំពេញ 2-T 0486 បើកបរដោយជនជាតិខ្មែរម្នាក់ មិនស្គាល់ឈ្មោះ ។
បើតាមប្រភពព័ត៌មានពីសមត្ថកិច្ចនៅកន្លែងកើតហេតុបានឲ្យដឹងថា មុនពេលកើតហេតុគាត់បានឃើញរថយន្តម៉ាកឡិចស៊ីស RX330 បើកបដោយជនជាតិចិនម្នាក់ ធ្វើដំណើរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជើងក្នុងល្បឿនលឿន លុះមកដល់ចំណុចកើតហេតុ ស្រាប់តែមានរថយន្តមួយគ្រឿងទៀតម៉ាកNAVARA បើកបរដោយជនជាតិខ្មែម្នាក់ធ្វើដំណើរក្នុងទិសដៅបញ្ច្រាសគ្នា ព្រោះមានការដ្ឋានធ្វើផ្លូវថ្នល់ លុះបើកមកដល់ចំណុចកើតហេតុ ក៏ជ្រុលទៅបុកជាមួយរថយន្តម៉ាកឡិចស៊ីសចំពីមុខយ៉ាងពេញទំហឹង បណ្តាលឲ្យរថយន្តម៉ាក NAVARA ធ្លាក់ចូលប្រឡាយទឹករងការខូចខាតខ្ទេចផ្នែកខាងមុខយ៉ាងដំណំ រីឯរថយន្តម៉ាកឡិចស៊ីសក៏រងការខូចខាតផ្នែកខាងមុខយ៉ាងដំណំដូចគ្នា ។ ដោយឡែកអ្នកបើកបររថយន្តទាំងសងខាងក៏បានរងរបួសផងដែរ ។
ក្រោយពេលកើតហេតុ សមត្ថកិច្ចមូលដ្ឋានសហការជាមួយនឹងខាងជំនាញចរាចរខណ្ឌ
កំបូលចុះមកដល់រួចក៏ប្រគល់តួនាទីនេះទៅឲ្យខាងចរាចរណ៍ជំនាញចរាចរណ៍ក្រុងចុះមកវាស់វែងនិងធ្វើកំណត់ហេតុយករថយន្តមកស្ទូចយករថយន្តទាំង២គ្រឿងទៅរក្សាទុកនៅខាងការិយាល័យចរាចរណ៍ផ្លូវគោករង់ចាំដោះស្រាយនៅពេលក្រោយ ៕
ចែករំលែកព័តមាននេះ