រាជធានីភ្នំពេញ ៖ រដ្ឋាភិបាលប្រទេសវៀតណាមបានចេញវិធានការយ៉ាងតឹងរឹងបំផុតចំពោះអ្នកមិនអនុវត្តវិធានការការពារជំងឺកួវីដ១៩ ដោយដាក់ទោសរហូតដល់១២ឆ្នាំ ហើយចំពោះអ្នកមិនប្រកាសពីបញ្ហាសុខភាព ឬប្រកាសសុខភាពក្លែងក្លាយត្រូវពិន័យជាប្រាក់រហូតដល់ជាង៤ពាន់ដុល្លារអាមេរិក ។
យោងតាមស្ថានឯកអគ្គរាជទូតកម្ពុជាប្រចាំសាធារណរដ្ឋសង្គមនិយមវៀតណាម ចេញផ្សាយ នៅថ្ងៃទី៨ខែកុម្ភៈឆ្នាំ២០២១បានឲ្យដឹងថា យោងព័ត៌មានចុះផ្សាយថ្ងៃទី៨ ខែកុម្ភៈ ឆ្នាំ២០២១ ក្នុងកាសែត Vietnam News ស្ថានឯកអគ្គរាជទូតនៃព្រះរាជាណាចក្រកម្ពុជា ប្រចាំសាធារណរដ្ឋសង្គមនិយមវៀតណាម សូមជម្រាបជូននិស្សិត សិក្ខាកាម យោធា-នគរបាល និងបងប្អូនប្រជាពលរដ្ឋខ្មែរកំពុងសិក្សា ស្នាក់នៅ ឬមានវត្តមានក្នុងប្រទេសវៀតណាម ពិសេសទីក្រុងហាណូយមានប្រុងប្រយ័ត្ន។
ស្ថានទូតបានលើកឡើងថាអាជ្ញាធរក្រុងហាណូយបានចេញវិធានការណ៍ពិន័យតឹង
រឹង ចំពោះអ្នករំលោភនីតិវិធី Covid-19 ចំពោះអ្នករំលោភវិធានការពារ Covid-19 អាចប្រឈមនឹងការជាប់ទោសពន្ធធនាគារ ១២ ឆ្នាំ។ អ្នកមិនធ្វើសេចក្តីប្រកាសសុខភាព ឬធ្វើប្រកាសសុខភាពក្លែងក្លាយ ឬមិនប្រកាសពីស្ថានភាពសុខភាព របស់ខ្លួនដោយពេញលេញនឹងត្រូវពិន័យរហូតដល់ ១០០ លានដុង (៤៣៥០ ដុល្លារ)។
អ្នកមិនពាក់ម៉ាស់នៅទីសាធារណៈ, លើមធ្យោបាយដឹកជញ្ជូនសាធារណៈ ឬមិនរក្សាគម្លាតដើម្បីការពារ ការឆ្លង នឹងត្រូវពិន័យ ៣ លានដុង (១៣០$)។ អ្នកបោះចោល ម៉ាស់មិនត្រឹមត្រូវនឹងពិន័យ ពី៥ ទៅ៧លានដុង (២១៧$- ៣០៥$) ។ អ្នកឆ្លងជំងឺCovid-19 ឬដឹងថាមានអ្នកឆ្លងតែលាក់មិនរាយការណ៍នឹងត្រូវពិន័យ ២០ លានដុង ។
ជាងនេះចំពោះ អ្នកខកខានមិនអនុវត្តបទបញ្ជាស្តីពីការស៊ើបអង្កេត, ការត្រួតពិនិត្យ និងការព្យាបាលតាមវេជ្ជសាស្ត្រ នៅមុនចូល និងចេញពីទីតាំងផ្ទះ Covid-19 នឹងត្រូវពិន័យ ៣០ លាន ដុងហើយ អ្នកដែររត់ចេញពីកន្លែងចត្តាឡីស័ក និងខកខានមិនអនុវត្តតាមវិធា នចត្តាឡីស័កនឹងត្រូវពិន័យរហូត ដល់២០ លានដុង ឬនឹងមានវិធានការណ៍តាមមាត្រា២៤០ នៃក្រមព្រហ្មទណ្ឌ ប្រសិនបានចម្លង មេរោគទៅជនដទៃ។
ជាមួយគ្នានោះដែរ ស្ថានទូតកម្ពុជាប្រចាំនៅប្រទេសវៀតណាម បានអំពាវនាវដល់និស្សិត សិក្ខាកាមយោធា-នគរបាល និងបងប្អូនប្រជាពលរដ្ឋខ្មែរដែល មានវត្តមានក្នុងវៀតណាម ពិសេសនៅទីក្រុងហាណូយមេត្តាជ្រាបជាព័ត៌មាន និងមានប្រការប្រុង
ប្រយ័ត្នខ្ពស់។
ឆ្លៀតឱកាសនេះ ស្ថានទូតសូមជូនពរដល់បណ្តានិស្សិត សិក្ខាកាមយោធា-នគរបាល និងបងប្អូន ប្រជាពលរដ្ឋខ្មែរមានវត្តមានក្នុងវៀតណាម ក្នុងឱកាសគ្រឹះស្ថាន សិក្សាឈប់សម្រាកបុណ្យចូលឆ្នាំប្រពៃណី វៀតណាម សូមទទួលបានការសប្បាយរីករាយ សុខភាពល្អ រក្សាសាមគ្គីភាព ជួយគ្នាទៅវិញទៅមក និង ជាពិសេសមេត្តាបន្តយកចិត្តទុកដាក់ថែរក្សា និងការពារសុខភាពឲ្យបានហ្មត់ចត់។
សូមជម្រាបថា ការរឹតបណ្តឹងរបស់វៀតណាម ខណៈប្រទេសមួយនេះ បានកំពុងឆ្លងជំងឺកូវីដ១៩នៅក្នុងសហគមន៍។ អ្វីដែលជាកត់សម្គាល់ទៀត គឺពិធីបុណ្យឆ្នាំប្រពៃណីវៀតណាម ចិនកាន់តែខិតជិតមកដល់ផងដែរ ៕
ចែករំលែកព័តមាននេះ