ខេត្តតាកែវ ៖ បើតាមសេចក្តីរាយការណ៍បឋមបានឱ្យដឹងថា រថយន្ដដឹកកម្មកររោចក្រមួយគ្រឿងបានក្រឡាប់ធ្លាក់ចូលស្រែផ្ងារជើងទាំងព្រឹកតែម្តងនៅស្រុកបាទី បណ្តាលឲ្យមានកម្មករ កម្មការិនីរងរបួសធ្ងន់-ស្រាលជាច្រើននាក់។ សេចក្តីរាយការណ៍បន្តថា ហេតុការណ៍ខាងលើនេះ បានកើតឡើងកាលពីម៉ោង៦ព្រឹក ថ្ងៃទី០៩…
ខេត្តតាកែវ ៖ បើតាមសេចក្តីរាយការណ៍បឋមបានឱ្យដឹងថា រថយន្ដដឹកកម្មកររោចក្រមួយគ្រឿងបានក្រឡាប់ធ្លាក់ចូលស្រែផ្ងារជើងទាំងព្រឹកតែម្តងនៅស្រុកបាទី បណ្តាលឲ្យមានកម្មករ កម្មការិនីរងរបួសធ្ងន់-ស្រាលជាច្រើននាក់។
សេចក្តីរាយការណ៍បន្តថា ហេតុការណ៍ខាងលើនេះ បានកើតឡើងកាលពីម៉ោង៦ព្រឹក ថ្ងៃទី០៩ ខែកុម្ភៈ ឆ្នាំ២០២១ ខណៈពេលដែលរថយន្តកំពុងតែដឹកក្រុមកម្មករទៅធ្វើការនៅចំណុចភូមិត្រពាំងក្រសាំង ឃុំកណ្ដឹង ស្រុកបាទី ខេត្តតាកែវ។
សេចក្តីរាយការណ៍បន្តទៀតថា ក្នុងពេលនោះមានកម្មករជាច្រើននាក់ដែលកំពុងជិះនៅលើរថយន្តនោះបានរងរបួសធ្ងន់-ស្រាល និងត្រូវបានបញ្ជូនទៅសង្គ្រោះនៅមន្ទីរពេទ្យបង្អែកស្រុកជាបន្តបន្ទាប់ផងដែរ។
ចំពោះមូលហេតុនៅក្នុងករណីគ្រោះថ្នាក់ក្រឡាប់រថយន្តដឹកកម្មករខាងលើនេះ លោកអធិការនគរបាលស្រុកបាទី នៅមិនទាន់អាចបញ្ជាក់ថាបណ្តាលមកពីករណីអ្វីឲ្យប្រាកដនោះទេ។
ព័ត៌មានបន្ថែមនឹងមានផ្សាយជូននៅពេលក្រោយ ។
ចែករំលែកព័តមាននេះ