លោកន្តរនរកជាប្រភេទនរកមួយប្រភេទដែលរស់រងទុក្ខវេទនានៅក្នុងរណ្តៅដែលមានជម្រៅប្រមាណ៨០០០យោជន៍ ក្នុងចន្លោះភ្នំចក្រវាឡទាំង៣ ដែលខាងក្រោមមិនមានផែនដី ខាងលើមិនមានព្រះចន្ទ ព្រះអាទិត្យ មិនមានពន្លឺអ្វីបន្តិចបន្តួចឡើយ គឺងងឹតសូន្យសុងជានិច្ច ។ សត្វនៅក្នុងលោកន្តរនរកនោះរមែងបែកធ្លាយ សាបសូន្យទៅដោយសភាវៈត្រជាក់…
លោកន្តរនរកជាប្រភេទនរកមួយប្រភេទដែលរស់រងទុក្ខវេទនានៅក្នុងរណ្តៅដែលមានជម្រៅប្រមាណ៨០០០យោជន៍ ក្នុងចន្លោះភ្នំចក្រវាឡទាំង៣ ដែលខាងក្រោមមិនមានផែនដី ខាងលើមិនមានព្រះចន្ទ ព្រះអាទិត្យ មិនមានពន្លឺអ្វីបន្តិចបន្តួចឡើយ គឺងងឹតសូន្យសុងជានិច្ច ។
សត្វនៅក្នុងលោកន្តរនរកនោះរមែងបែកធ្លាយ សាបសូន្យទៅដោយសភាវៈត្រជាក់ ។ អត្តភាពរបស់សត្វដែលកើតក្នុងទីនោះ មានប្រមាណ ៣គាវុត សត្វទាំងនោះមានក្រចកវែងក្រាស់ៗ តោងថ្ពក់ជញ្ជាំងជើងភ្នំចក្រវាឡប៉ែកខាងក្រោម សំយុងក្បាលចុះក្រោម ដូចសត្វជ្រឹងឬប្រចៀវ កាលណាវារំកិលទៅប៉ះគ្នា ពួកវាក៏សម្គាល់ថា បានអាហារហើយ ក៏ខ្វល់ខ្វាយក្នុងអាហារនោះ ដេញតាមគ្នាទៅប្រកិតៗហើយក៏ធ្លាក់ចុះទៅក្នុងទឹកទ្រផែនដីទៅ ។
កាលខ្លះត្រូវខ្យល់ត្រជាក់បក់ផាត់មក ពួកវាភ័យខ្លាច ក៏របូតដៃធ្លាក់ចុះក្នុងទឹកទៅ ពេលធ្លាក់ទៅដល់ទឹកនោះ ពួកវាត្រូវទឹកត្រជាក់ កាត់ទម្លាយជាដុំៗដូចដុំម្សៅដែលគេដាក់ក្នុងខ្លាញ់ក្តៅ ការវិនាសទៅនៃរូបក្នុងលោកន្តរនរកដោយត្រជាក់យ៉ាងនេះឯង ៕ សាន សារិន
ចែករំលែកព័តមាននេះ