ខេត្តកំពង់ឆ្នាំង ៖ មនុស្សម្នាក់បានស្លាប់នៅនឹងកន្លែង និង៣នាក់ទៀតបានរងរបួសធ្ងន់នៅលើកំណាត់ផ្លូវជាតិលេខ៥ ត្រង់ចំណុចផ្លូវបែកជា៤ មុខកន្លែងលក់គ្រឿងចក្រ ស្ថិតនៅក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខណៈដែលជនរងគ្រោះបានជិះម៉ូតូ២…
ខេត្តកំពង់ឆ្នាំង ៖ មនុស្សម្នាក់បានស្លាប់នៅនឹងកន្លែង និង៣នាក់ទៀតបានរងរបួសធ្ងន់នៅលើកំណាត់ផ្លូវជាតិលេខ៥ ត្រង់ចំណុចផ្លូវបែកជា៤ មុខកន្លែងលក់គ្រឿងចក្រ ស្ថិតនៅក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខណៈដែលជនរងគ្រោះបានជិះម៉ូតូ២ គ្រឿងបុកគ្នាក្នុងផ្លូវខ្វែងទិស។
សមត្ថកិច្ចនគរបាលចរាចរណ៍ក្រុងកំពង់ឆ្នាំង បានឲ្យដឹងថាជនរងគ្រោះដែលបានស្លាប់នៅនឹងកន្លែងមានឈ្មោះ ភិន ផល្លី ភេទប្រុស មានទីលំនៅភូមិព្រៃពួច ឃុំជ្រៃបាក់ ស្រុករលាប្អៀរ បានជិះម៉ូតូម៉ាកហុងដាសេ១២៥ ពាក់ស្លាកលេខ កំពង់ឆ្នាំង 1J-8954 ដោយមានដឹកមនុស្សស្រីម្នាក់ពីក្រោយ។ ចំណែកភាគីម្ខាងទៀតជិះម៉ូតូម៉ាកហុងដាសេ១២៥ ពាក់ស្លាកលេខ កំពង់ឆ្នាំង1F-9724 បើកបរដោយឈ្មោះ អៀន ស៊ីម៉ាក់ ភេទស្រី មានដឹកមនុស្សស្រីម្នាក់ពីក្រោយ។
ប្រភពដដែលបានបន្តថា មុនពេលកើតហេតុឈ្មោះ ភិន ផល្លី បានជិះម៉ូតូក្នុងដំណើរពីជើងទៅត្បូងតាមបណ្តោយផ្លូវជាតិលេខ៥ លុះដល់ចំណុចកើតហេតុក៏មានម៉ូតូមួយទៀតដែលបើកបរដោយឈ្មោះ អៀម ស៊ីម៉ាក់ ក្នុងដំណើរពីកើតទៅលិច បានបុកគ្នាលើផ្លូវជាតិលេខ៥ ក្នុងដំណើរខ្វែងគ្នា បណ្ដាលឲ្យ ឈ្មោះ ភិន ផល្លី បានស្លាប់នៅនឹងកន្លែង ចំណែកមនុស្ស៣នាក់ទៀតក៏បានរងរបួសធ្ងន់ហើយត្រូវបានដឹកទៅសង្គ្រោះនៅមន្ទីរពេទ្យខេត្ត។ ក្រោយពេលកើតហេតុសមត្ថកិច្ចបានយកម៉ូតូទាំង២គ្រឿងទៅរក្សាទុកដើម្បីរង់ចាំការដោះស្រាយតាមនីតិវិធី៕ ដោយ ៖ ពៅ សុខហ៊ាន
ចែករំលែកព័តមាននេះ