នៅក្នុងបិដកផ្នែកប្រសូត្រព្រះមានព្រះភាគត្រាស់ថា ម្នាលភិក្ខុទាំងឡាយ អានិសង្សក្នុងទាននេះមាន៥យ៉ាង ហើយអានិសង្សនេះរមែងកើតមានដល់ទាយក ទាយិកាដែលបានបរិច្ចាគទ្រព្យជាទាន ។ តើអានិសង្ស៥យ៉ាងនោះដូម្តេចខ្លះ ? ម្នាលភិក្ខុទាំងឡាយ អានិសង្សទាន៥យ៉ាងនោះគឺ…
នៅក្នុងបិដកផ្នែកប្រសូត្រព្រះមានព្រះភាគត្រាស់ថា ម្នាលភិក្ខុទាំងឡាយ អានិសង្សក្នុងទាននេះមាន៥យ៉ាង ហើយអានិសង្សនេះរមែងកើតមានដល់ទាយក ទាយិកាដែលបានបរិច្ចាគទ្រព្យជាទាន ។ តើអានិសង្ស៥យ៉ាងនោះដូម្តេចខ្លះ ?
ម្នាលភិក្ខុទាំងឡាយ អានិសង្សទាន៥យ៉ាងនោះគឺ ជាទីស្រឡាញ់ជាគាប់ចិត្តជនច្រើន១ ពួកសប្បុរសអ្នកស្ងប់រមែងគប់រក១ មានកិត្តិសព្ទដ៏ពីរោះខ្ចរខ្ចាយទៅ១ មិនបានប្រាសចាកធម៌របស់គ្រហស្ថ១ លុះបែកធ្លាយរូបកាយទៅរមែងកើតក្នុងសុគតិសួគ៌ទេវលោក១ ។ ម្នាលភិក្ខុទាំងឡាយ នេះអានិសង្សក្នុងទានមានប្រាកដក្នុងលោក ។
សមដូចពុទ្ធគាថាសម្តែងថា បុគ្គលកាលឲ្យទាន រមែងបានជាទីស្រឡាញ់នៃជនជាច្រើន ជាអ្នកអនុកូលគឺដើរទៅតាមធម៌របស់ពួកសប្បុរស ពួកព្រហ្មចារី ដែលជាអ្នកសង្រួមមានចិត្តស្ងប់រម្ងាប់ហើយសព្វៗកាល ។
ពួកព្រហ្មចារីនោះរមែអមានធម៌ជាគ្រឿងបន្ទោបង់នូវទុក្ខទាំងអស់ ក្នុងលោក ទាំងជាអ្នកដឹងនូវធម៌ និងជាអ្នកមិនមានអាសវៈហើយរមែងបរិនិព្វាននៅទីបំផុតនៃជីវិតនេះ ៕ សាន សារិន
ចែករំលែកព័តមាននេះ