សម្តេចតេជោ ហ៊ុន សែន ហៅក្រុមប្រឆាំងថាជា «ក្រុមឆ្កែកាច» ហើយប្រកាសជាថ្មី ហាមតបត!
- ភ្នំពេញ
(ភ្នំពេញ)៖ នៅក្នុងសន្និសីទកាសែត បន្ទាប់ពីទទួលវ៉ាក់សាំងកូវីដរបស់ចិន នៅអាកាសយានដ្ឋានអន្តរជាតិភ្នំពេញ នាព្រលប់ថ្ងៃទី០៧ ខែកុម្ភៈ ឆ្នាំ២០២១ សម្តេចតេជោ ហ៊ុន សែន…
(ភ្នំពេញ)៖ នៅក្នុងសន្និសីទកាសែត បន្ទាប់ពីទទួលវ៉ាក់សាំងកូវីដរបស់ចិន នៅអាកាសយានដ្ឋានអន្តរជាតិភ្នំពេញ នាព្រលប់ថ្ងៃទី០៧ ខែកុម្ភៈ ឆ្នាំ២០២១ សម្តេចតេជោ ហ៊ុន សែន…
(ភ្នំពេញ)៖ នៅក្នុងសន្និសីទកាសែត បន្ទាប់ពីទទួលវ៉ាក់សាំងកូវីដរបស់ចិន នៅអាកាសយានដ្ឋានអន្តរជាតិភ្នំពេញ នាព្រលប់ថ្ងៃទី០៧ ខែកុម្ភៈ ឆ្នាំ២០២១ សម្តេចតេជោ ហ៊ុន សែន បានហៅក្រុមប្រឆាំង ពិសេសជាមួយលោកសមរង្ស៊ីថាជា «ក្រុមឆ្កែកាច» ហើយសម្តេច មិនត្រឹមតែឈប់តបតនោះទេ តែសម្តេចក៏បានណែនាំជាថ្មី តាំងពីថ្នាក់ដឹកនាំរាជរដ្ឋាភិបាល និងអ្នកគាំទ្រសម្តេច ឈប់ឲ្យឆ្លងឆ្លើយ ឈប់ឲ្យរម្លឹក ហើយសូម្បីតែក្នុងទូរទស្សន៍ និងក្នុងហ្វេសប៊ុក ក៏ឈប់លើកឡើងពីក្រុមប្រឆាំងដែរ។
សម្តេចតេជោ ហ៊ុន សែន ក៏បានបញ្ជាក់ថា នៅពេលមិនឆ្លងឆ្លើយនេះ គេត្រូវយល់អត្ថន័យឲ្យច្បាស់ថា «អត់ឆ្លើយតប» គឺមានន័យថា «បិទទ្វារ» ទាំងអស់ ហើយបើទោះបីមានស្ថានតំណាងទូតណា មកនិយាយ ក៏សម្តេច នឹងមិននិយាយអ្វីទាំងអស់។
សម្តេចតេជោ ហ៊ុន សែន បានលើកឡើងថា «ខ្ញុំបានណែនាំកន្លងទៅ សូមឲ្យអ្នកទាំងអស់គ្នា នៅប្រទេសកម្ពុជានេះ ឈប់ឆ្លើយតបជាមួយក្រុមឆ្កែកាច! សូម្បីតែខ្លួនខ្ញុំ ក៏ខ្ញុំអត់និយាយទេ! ក្រុមឆ្កែកាច បើទោះបីជាយើងធ្វើអ្វី! សត្វឆ្កែ វានៅតែឆ្កែអីចឹង! ដូច្នេះមិនមានការចាំបាច់ទេ! ហើយត្រូវតែយល់ថា នៅពេលដែលហ៊ុនសែន ចាប់ផ្តើមឈប់តមាត់! និងណែនាំអ្នកខាងក្រោម ឈប់ឲ្យតមាត់! មានន័យថា ទ្វារត្រូវបានបិទ! អីចឹង យើងកុំចាំបាច់ខ្វល់ពីរឿងអ្វី ដែលគេបាននិយាយ! អ្វីដែលជាកង្វល់របស់យើង គឺសេចក្តីសុខរបស់ប្រជាជន។ កម្ពុជា មានប្រជាជន ១៦លាននាក់ នៅក្នុងប្រទេស ដែលយើងត្រូវរក្សាឲ្យបាននូវសន្តិភាព ស្ថិរភាពនយោបាយ ការអភិវឌ្ឍន៍សង្គម កាត់បន្ថយភាពក្រីក្រ នៅតែធ្វើបន្ត…។ អ្នករត់ចោលស្រុក និងអ្នកនៅក្នុងគុក ព្រោះគេជាអ្នកបង្កើតរឿង…»។
សម្តេចតេជោ ហ៊ុន សែន បន្ថែមថា «សូមអ្នកទាំងអស់គ្នា ដែលគាំទ្រខ្ញុំ គាំទ្ររាជរដ្ឋាភិបាល ឈប់តមាត់តកជាមួយក្រុមឆ្កែកាច! យល់ល្អបំផុត កុំរម្លឹកឈ្មោះ នៅលើកញ្ចក់ទូរទស្សន៍ នៅលើហ្វេសប៊ុក ឈប់និយាយដល់! ហើយមកនិយាយ រួមគ្នាប្រយុទ្ធប្រឆាំងកូវីដ១៩ ទប់ស្កាត់កុំឲ្យមានគ្រោះថ្នាក់ចរាចរណ៍ ការអភិវឌ្ឍន៍សង្គម កាត់បន្ថយភាពក្រៅក្រ ការធ្វើកំណែទម្រង់រដ្ឋ ប្រឆាំងនឹងអំពើពុករលួយ អំពើអសកម្មនានា នៅក្នុងសង្គម ប្រសើរជាងទៅតមាត់នឹងនរណាផ្សេង»។
ប៉ុន្តែសម្តេចតេជោ ហ៊ុន សែន គូសបញ្ជាក់ថា «គេត្រូវយល់អត្ថន័យនៅកន្លែងនេះ ឲ្យច្បាស់ មានន័យថា បើឈប់និយាយហើយ កុំថាឡើយតមាត់ជាមួយអ្នកនោះ ទោះបីជាស្ថានតំណាងទូតនានា មកនិយាយជាមួយខ្ញុំ ក៏ខ្ញុំអត់ឆ្លើយតបដែរ! គឺខ្ញុំមិននិយាយជាមួយតែម្តង! បើទោះបីជាអ្នកខ្លះថា ទុកឲ្យបរទេស មកចរចាជាមួយហ៊ុនសែន! ខ្ញុំអត់មានការចាំបាច់ត្រូវនិយាយជាមួយនរណា លើរឿងរបស់កម្ពុជាទេ! លើរឿងបុគ្គលណាទេ!»៕
ចែករំលែកព័តមាននេះ