កំពូលគ្រូហោរចិនសែសុរិយគតិបានទស្សន៍ទាយថា នៅតែ៥ថ្ងៃទៀតថ្ងៃសែនចូលឆ្នាំចិននឹងចូលមកដល់នៅថ្ងៃព្រហស្បតិ៍ ទី១១ កុម្ភៈ ដែលអ្នកប្រាជ្ញហោរាសាស្ត្រចិនសែចាត់ថាជាថ្ងៃនាំមហាលាភ នាំមហាសំណាង ជាថ្ងៃសិរីមង្គលដល់ប្រុសស្រីអ្នកកើតឆ្នាំហេងទាំង៦ ឆ្លូវ រោង មមែ…
កំពូលគ្រូហោរចិនសែសុរិយគតិបានទស្សន៍ទាយថា នៅតែ៥ថ្ងៃទៀតថ្ងៃសែនចូលឆ្នាំចិននឹងចូលមកដល់នៅថ្ងៃព្រហស្បតិ៍ ទី១១ កុម្ភៈ ដែលអ្នកប្រាជ្ញហោរាសាស្ត្រចិនសែចាត់ថាជាថ្ងៃនាំមហាលាភ នាំមហាសំណាង ជាថ្ងៃសិរីមង្គលដល់ប្រុសស្រីអ្នកកើតឆ្នាំហេងទាំង៦ ឆ្លូវ រោង មមែ ជូត ច កុរ ពណ៌លាភក្រហម លេខហេង168$ មានហុងស៊ុយល្អណាស់ ង៉ូវហេងឡើងខ្លាំង មានលាភ មានលុយចាំងចូលជីវិតម្ចាស់ឆ្នាំទាំង៦សម្បូរហូរហៀរ គិតអ្វី ប្រាថ្នាអ្វីនឹងសម្រេចល្អទាំងអស់ ។
ឆ្នាំឆ្លូវ លេខហេង៦៦៦៦៦នៅក្នុងថ្ងៃសែនចូលឆ្នាំចិនខាងមុខនេះ លោកអ្នកមានលាភធំចាំងចូលក្នុងជីវិត ហុងស៊ុយល្អ ង៉ូវហេងឡើងខ្ពស់សម្បូរលុយចាយ និងមានលាភធំដទៃទៀតចូលមកក្នុងពេលដំណាលគ្នានេះ ។ តាមជើងលេខបានកំណត់ថាអ្នកកើតឆ្នាំនេះមានលាភមានជ័យលុយចូលមកហៀរដៃ និងជាអ្នកមានបញ្ញាវាងវៃអាចសម្រេចរាល់ការងារយ៉ាងល្អប្រសើរនៅប៉ុន្មានថ្ងៃខាងមុខនេះ ។
ឆ្នាំរោង មហាសំណាង មហាមង្គល រាសីឡើងខ្ពស់ត្រដែត ពណ៌នាំសំណាងក្រហម លេខលាភ១៦៨នៅថ្ងៃសែនចូលឆ្នាំចិនខាងមុខនេះលោកអ្នកមានលាភមានជ័យមានលុយចូលហូរហៀរ បើចង់ធ្វើការដាក់ទុនរកស៊ីឬចរចារឿងសំខាន់អ្វីមួយគឺជាឱកាសល្អបំផុតទទួលបានផ្លែផ្កាតបមកវិញឥតគណនា។ រីឯសម្ព័ន្ធភាព ស្នេហាគូស្វាមីភរិយា កំលោះ ក្រមុំមានតែភាពស្រស់ស្រាយ និងផ្អែមល្ហែមរកគ្នាប្រពៃណាស់ ។
ឆ្នាំមមែ នៅថ្ងៃសែនចូលឆ្នាំចិនខាងមុខនេះ រាសីលោកអ្នកឡើងខ្ពស់ត្រដែតមានតែភាពស្រស់ស្រាយនិងស្នាមញញឹមជានិច្ច ។ លេខសំណាង៣៦៩បើលោកអ្នកចង់ពឹងពាក់ឬខ្ចីបុលប្រាក់ ឬក៏ទារប្រាក់ពីអ្នកណារមែងបានផលភ្លាមៗ ។ បើជាអ្នកប្រកបរបររកស៊ីជួញដូរវិញទោះចេញធ្វើជំនួញទីជិតទីឆ្ងាយមានតែការលូតលាស់ទៅមុខជានិច្ច ឯផលកម្រៃទៀតសោតក៏ចូលមកយ៉ាងក្រាស់ក្រៃគួរជាទីកក់ក្តៅ ។ ការធ្វើដំណើរទៅទីជិតឆ្ងាយជួបតែសុខក្សេមក្សាន្តទាំងពេលទៅនិងត្រឡប់មកវិញ ។ ចំពោះសម្ព័ន្ធភាពស្នេហាប្រុសស្រីមានតែការយល់ចិត្តគ្នាល្អណាស់ ។
ឆ្នាំជូត លេខជ័យ២៧៩ដួងរាសីរបស់លោកអ្នកឡើងខ្ពស់ត្រដែតមានជោគមានជ័យមានសិរីសួស្តីបវរមហាប្រសើរហើយដំណើរជីវិតមានតែភាពសុខដុមគាប់ប្រសើរណាស់នៅក្នុងថ្ងៃសែនចូលឆ្នាំចិនខាងមុខនេះ ។ បើលោកអ្នកចង់ទំនាក់ទំនងការងារឬទាក់ទងបញ្ហាប្រាក់កាក់ធ្វើអ្វីមួយរមែងទទួលបានជោគជ័យភ្លាមៗ ។ ចំណែកអ្នកប្រកបរបររកស៊ីជួញដូរមានការទិញចូលលក់ចេញចំណេញច្រើន ។ រីឯសម្ព័ន្ធភាពស្នេហាប្រុសស្រីមានតែភាពផ្អែមល្ហែមស្រស់ស្រាយនឹងគ្នាជានិច្ច ។
ឆ្នាំច រាសីឡើងខ្ពស់ត្រដែតប្រកបកិច្ចការអ្វីតែងហុចផលមកវិញយ៉ាងគាប់ប្រសើរខ្លាំងណាស់លេខដុល្លារ$៣៦៩នៅថ្ងៃសែនចូលឆ្នាំចិនខាងមុខនេះ ដែលចាត់ថាជាពេលវេលាល្អបំផុតក្នុងការធ្វើអ្វីៗ ទោះជាការងារឯកជនឬការងារក្រុមហ៊ុនតោងហុចផលឱ្យជាទីកក់ក្តៅ ។ ចំពោះអ្នកប្រកបរបររកស៊ីជួញដូរវិញបើលោកអ្នកចង់បើកហាងថ្មីឬផ្លាស់ទីកន្លែងលក់ដូរក៏ជាឱកាសល្អប្រពៃណាស់លាភប្រាក់ហូរចូលដូចចាក់ទឹក ។ ការធ្វើដំណើរទៅទីឆ្ងាយជិតជួបតែសេចក្តីសុខក្សេមក្សាន្តទាំងពេលទៅនិងត្រឡប់មកវិញ ។ រីឯសម្ព័ន្ធភាពស្នេហាគូស្វាមីភរិយាកំលោះក្រមុំ មេម៉ាយ ពោះម៉ាយមានតែភាពស្រស់ស្រាយនិងយល់ចិត្តគ្នាប្រពៃណាស់ ។
ឆ្នាំកុរ លេខមាសប្រាក់៤៥៩នៅថ្ងៃសែនចូលឆ្នាំចិនខាងមុខនេះ រាសីលោកអ្នកឡើងខ្ពស់ត្រដែតទទួលជោគជ័យលើការងារដ៏ត្រចះត្រចង់ ។ ដំណើរជីវិតរបស់លោកអ្នកគាប់ប្រសើរខ្លាំងណាស់ លោកអ្នកអាចសម្រុកការងារឱ្យពេញដៃពេញជើងព្រោះថាផលល្អកំពុងនៅចាំហុចឱ្យជានិច្ចហើយបើចង់ចរចារឿងអ្វីមួយក៏តែងឆាប់ត្រូវរ៉ូវគ្នា ។ អ្នកប្រកបរបររកស៊ីជួញដូរវិញការចេញធ្វើជំនួញទីជិតឆ្ងាយមានតែភាពលូតលាស់ទៅមុខប្រសើរណាស់ ឯផលកម្រៃទៀតសោតក៏ចូលមកហូរហៀរ ។ ចំណែកសម្ព័ន្ធភាពស្នេហាស្វាមីភរិយាកំលោះក្រមុំមានតែភាពផ្អែមល្អែមរកគ្នា ៕ សាន សារិន
ចែករំលែកព័តមាននេះ