ខេត្តព្រះសីហនុ ៖ បើតាមសេចក្តីរាយការណ៍បឋមបានឱ្យដឹងថា លោកឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាមេបញ្ជាការទីបញ្ជាការជួរមុខគណកៈម្មាធិការជាតិសន្តិសុខលម្ហសមុទ្របានឲ្យដឹងថា ថ្នាំញៀនប្រភេទ Ketamine…
ខេត្តព្រះសីហនុ ៖ បើតាមសេចក្តីរាយការណ៍បឋមបានឱ្យដឹងថា លោកឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាមេបញ្ជាការទីបញ្ជាការជួរមុខគណកៈម្មាធិការជាតិសន្តិសុខលម្ហសមុទ្របានឲ្យដឹងថា ថ្នាំញៀនប្រភេទ Ketamine ដែលវេចខ្ចប់ជាកញ្ចប់ធំចំនួន៤៦៥ដុំ (កញ្ចប់) ទម្ងន់ប្រមាណជាង៤០០គីឡូក្រាម ត្រូវបានកងទព័ជើងទឹកនៅការពារកោះពូលូវៃ បានប្រទះឃើញដោយសង្ស័យថា ត្រូវជនអនាមិកយកមកដាក់ប្លុងចោលនៅក្បែរកោះ ខណៈពេលកំពុងតែល្បាតកាលពីថ្ងៃទី0៦ ខែកុម្ភៈ២០២១ កន្លងមកនេះ។
លោកឧត្តមនាវី បានបញ្ជាក់ទៀតថា តាមការសន្និដ្ឋានជាជំហានដំបូង ទំនងជាមានអ្នកយកមកគ្រឿងញៀនទាំងនោះប្លុងចោលនៅក្បែរកោះពូលូវៃ ហើយក្រោយពេលប្រមូលយកបាន ក៏ប្រគល់មកកម្លាំងទីបញ្ជាការជួរមុខគណៈកម្មាធិការជាតិសន្តិសុខលម្ហសមុទ្រ ដើម្បីចាត់ចែងបន្ត។
បច្ចុប្បន្នថ្នាំញៀនទាំងអស់នេះ បាននាំយកមកដល់ទីបញ្ជាការដ្ឋានជួរមុខគណៈកម្មាធិការជាតិសន្តិសុខលម្ហសមុទ្រហើយ ហើយនៅព្រឹកថ្ងៃទី៧ ខែកុម្ភៈ ឆ្នាំ២០២១នេះ សមត្ថកិច្ចជំនាញពាក់ព័ន្ធកំពុងសហការគ្នា ដើម្បីត្រួតពិនិត្យតាមបច្ចេកទេសផងដែរ។
ទោះជាយ៉ាងនេះក្តី ភ្លាមៗនេះ សមត្ថកិច្ចចម្រុះនៅមិនទាន់ស្រាវជ្រាវដឹងពីប្រភពនៃថ្នាំញៀននេះទេ និងកំពុងបន្តរាប់ចំនួនជាផ្លូវការ ដើម្បីចាត់ការបន្តតាមនីតិវិធីច្បាប់។
ព័ត៌មានពិស្តានឹងមានផ្សាយជូននៅលើកាសែតកោះសន្តិភាព។
ចែករំលែកព័តមាននេះ