រាជធានីភ្នំពេញ ៖ អ្នកជំនាញ និងជាអគ្គនាយករងត្រួតពិនិត្យធនាគារជាតិនៃកម្ពុជាបង្ហាញថា ក្នុងដំណាក់កាលនៃការរីករាលដាលនៃជំងឺកូវីដ ១៩ នេះ ស្ត្រីដែលទទួលបានសេវាហិរញ្ញវត្ថុពី គ្រឹះស្ថានធនគារ និងហិរញ្ញវត្ថុមានទំហំឥណទានប្រមាណជាង…
រាជធានីភ្នំពេញ ៖ អ្នកជំនាញ និងជាអគ្គនាយករងត្រួតពិនិត្យធនាគារជាតិនៃកម្ពុជាបង្ហាញថា ក្នុងដំណាក់កាលនៃការរីករាលដាលនៃជំងឺកូវីដ ១៩ នេះ ស្ត្រីដែលទទួលបានសេវាហិរញ្ញវត្ថុពី គ្រឹះស្ថានធនគារ និងហិរញ្ញវត្ថុមានទំហំឥណទានប្រមាណជាង ៤ប៊ីលានដុល្លារអាមេរិកហើយ ចំនួននេះមានការថយចុះប្រើប្រៀបនិងឆ្នាំមុន ។
លោក ហេង បូមករា អគ្គនាយករងត្រួតពិនិត្យធនាគារជាតិនៃកម្ពុជា បានមានប្រសាសន៍ ក្នុង វេទិកាប្រព័ន្ធអេកូឡូស៊ីសម្រាប់សហគ្រិនភាពស្តីពី «លទ្ធភាពទទួលបានហិរញ្ញប្បទានសម្រាប់ សហគ្រិនស្ត្រីក្នុងសម័យកាលកូវីដ ១៩» កាលពីថ្ងៃទី ៤ខែកុម្ភៈ ឆ្នាំ ២០២១នេះថា ស្ថិតក្នុងពេ លជំងឺកូវីដ ១៩ ស្ត្រីទទួលបានសេវាហិរញ្ញវត្ថុពីគ្រឹះស្ថានធនាគារ និងហិរញ្ញវត្ថុ មានប្រមាណ ០,៧លាននាក់ ក្នុងនោះអាចជាស្ត្រីធ្លាប់ទទួលបានពីធនាគារ (ក) មកយកនៅធនាគារ (ខ) ហើ យបើគិតជាទំហំឥណទានមានប្រមាណ ៤,៣ប៊ីលានដុល្លារអាមេរិក ។ អត្រានេះបើយើងប្រៀ បធៀបទៅនឹងឆ្នាំមុន គឺមានការថយចុះប្រមាណ ១២% ។
លោក ហេង បូមករា លើកឡើងទៀតថា ជារួមស្ត្រីនៅតែទទួលបានសេវាហិរញ្ញវត្ថុ បើ ទោះបីរងផលប៉ពាល់ពីវិបត្តិនៃជំងឺកូវីដ ១៩ ក៏ដោយ ។ ស្ត្រីបានដើរតួនាទីយ៉ាងសំខាន់ក្នុងការ ជំរុញសេដ្ឋកិច្ច ហើយការជំរុញឱ្យស្ត្រី ឬសហគ្រិនស្ត្រីទទួលបានសេវាហិរញ្ញវត្ថុជាកត្តាសំខាន់ មួយជួយគាំទ្រដល់សេដ្ឋកិច្ចកម្ពុជា ។
លោកអគ្គនាយករងត្រួតពិនិត្យរូបនេះបន្ថែមថា ស្ត្រីដែលទទួលបានសេវាហិរញ្ញវត្ថុច្រើនមាន នៅភ្នំពេញ ១១,៣០% ខេត្តកណ្តាល ៨,២៤% ខេត្តកំពង់ស្ពឺ ៧,៣២% ខេត្តតាកែវមាន ៦,៨៥ % និងខេត្តសៀមរាបប្រមាណ ៦,៨៣% ។ បន្ថែមពីនេះឥណទានដែលស្ត្រីទទួលបានយកទៅ ប្រើនៅក្នុងអាជីវកម្មមាន ៤៩%, ឥណទានផ្ទាល់ខ្លួនមាន ២៨%, ឥណទានសម្រាប់សង្គម ១៧% ។
ឯកឧត្តម រ័ត្ន សុវណ្ណនរៈ អគ្គនាយកត្រួតពិនិត្យ ធនាគារជាតិនៃកម្ពុជា មានប្រសាសន៍ ថា យោងតាមរបាយការណ៍របស់មូលនិធិអភិវឌ្ឍន៍មូលធនអង្គការសហប្រជាជាតិ (UNCDF) បង្ហាញថា ទោះបីជាបរិយាបន្នហិរញ្ញវត្ថុមានកំណើនគួរឱ្យកត់សម្គាល់ក្នុងរយៈពេលមួយទស្ស វត្យរ៍ចុងក្រោយនេះ ក៏ការលើកកម្ពស់បរិយាបន្នហិរញ្ញវត្ថុនៅមានបញ្ហាប្រឈមមួយចំនួន ពិ សេសសម្រាប់ស្ត្រី ។ ទោះបីជាតួរលេខបានបង្ហាញថាស្ត្រី និងបុរស មានលទ្ធភាពស្មើគ្នាក្នុង ការទទួលបានសេវាហិរញ្ញវត្ថុ ប៉ុន្តែគម្លាតនៃការប្រើប្រាស់សេវាហិរញ្ញវត្ថុរវាងបុរស និងស្ត្រី ស្ថិតនៅដាច់ឆ្ងាយពីគ្នា ។
តួយ៉ាងនៅក្នុងប្រទេសកម្ពុជា មូលនិធិ UNCDF បានរកឃើញថា គណនីប្រាក់បញ្ញើប្រ មាណ ៧០% គឺជាគណនីអសកម្មដែលមានសមតុល្យតិចតួចបំផុត ហើយភាគច្រើននៃគ ណនីទាំងនេះ គឺជារបស់ស្ត្រី ។ លើសពីនេះ យោងតាមរបាយការណ៍ របស់ក្រុមហ៊ុន ក្រេឌីត ប្យួរ៉ូ (ខេមបូឌា) ខូ អិលធីឌី បានបង្ហាញថា លទ្ធភាពទទួលបានឥណ ទានរបស់ស្ត្រីមានអត្រា ៥៤% ខ្ពស់ជាងបុរសបន្តិចដែលមាន ៤៦% នៃចំនួនអតិថិជនកម្ចី សរុប ប៉ុន្តែទំហំឥណទានជា មធ្យមរបស់ស្ត្រីមានកម្រិតទាបប្រមាណ ៥.១០០ដុល្លារអាមេរិក បើធៀបនឹងចំនួនឥណទាន ជាមធ្យមរបស់បុរសប្រមាណ ៦.៣០០ដុល្លារអាមេរិក ។
លើសពីនេះ ស្ត្រីដែលជាសហគ្រិនតែងតែប្រឈមនឹងបញ្ហាជាច្រើនពាក់ព័ន្ធនឹងលទ្ធ ភាពទទួលបាន ហិរញ្ញប្បទានសម្រាប់អាជីវកម្មរបស់ខ្លួន ដូចជាបញ្ហាផ្នត់គំនិតបែបប្រពៃណី កង្វះព័ត៌មានអំ ពីសេវា និងផលិតផលហិរញ្ញវត្ថុ មិនមានលទ្ធភាពក្នុងការបំពេញតាមលក្ខ ខណ្ឌតម្រូវនានា និងខ្វះការយល់ដឹងផ្នែកហិរញ្ញវត្ថុ ។
ឯកឧត្តមគូសបញ្ជាក់ថា ដើម្បីជំរុញបរិយាបន្នហិរញ្ញវត្ថុ រាជរដ្ឋាភិបាលកម្ពុជាបានដាក់
ចេញនូវយុទ្ធសាស្ត្រជាតិស្តីពី «បរិយាបន្នហិរញ្ញវត្ថុ ឆ្នាំ ២០១៩-២០២៥» កាលពីថ្ងៃទី ១២ ខែកក្កដា ឆ្នាំ ២០១៩ ដោយបានកំណត់គោលដៅ «ការបង្កើនលទ្ធភាពទទួលបានសេវាហិរញ្ញ វត្ថុផ្លូវការដែលមានគុណភាព កាត់បន្ថយអត្រាស្ត្រីដែលមិនទាន់ទទួលបានសេវាហិរញ្ញវត្ថុឲ្យ បានពាក់កណ្តាលពី ២៧% មក ១៣% និងពង្រីកការប្រើប្រាស់សេវាហិរញ្ញវត្ថុផ្លូវការពី ៥៩% ទៅ ៧០% ត្រឹមឆ្នាំ ២០២៥ ព្រមទាំងធ្វើឲ្យប្រសើរឡើងនូវសុខុមាលភាពគ្រួសារ និងគាំទ្រកំ ណើនសេដ្ឋកិច្ច» ។
ដើម្បីសម្រេចបានគោលដៅនេះ ការជំរុញនវានុវត្តន៍សេវាឥណទានសម្រាប់សហគ្រា សធុនតូច និងមធ្យម ការលើកកម្ពស់សិទ្ធិនិងបង្កើនកិច្ចការពារអតិថិជន ព្រមទាំងបង្កើនតម្លា ភាពក្នុងវិស័យហិរញ្ញវត្ថុ ត្រូវបានកំណត់ជាសកម្មភាពអាទិភាព ។ ទន្ទឹមនេះធនាគារជាតិនៃ កម្ពុជា ទទួលស្គាល់ថា ការជំរុញលទ្ធភាពទទួលបានសេវាហិរញ្ញវត្ថុផ្លូវការ និងមានតម្លៃសម រម្យរបស់ស្ត្រី និងស្ត្រីជាសហគ្រិន ដើរតួនាទីយ៉ាងសំខាន់ក្នុងការលើកកម្ពស់វិបុលភាពសង្គម និងជំរុញកំណើនប្រកបដោយបរិយាបន្ន» ៕
ចែករំលែកព័តមាននេះ