ជនសង្ស័យ វ៉ិត ធារិទ្ធ អនុប្រធានមន្ទីរកសិកម្មខេត្ត ត្រូវតុលាការកោះហៅលើកទី៣
- កណ្តាល
ខេត្តកណ្តាល៖ លោក សូ សុវិទ្យា ព្រះរាជអាជ្ញារងអមសាលាដំបូងខេត្តកណ្តាល បានចេញដីកាកោះហៅលើកទី៣ លើជនសង្ស័យ វ៉ិត ធារិទ្ធ អនុប្រធានមន្ទីរកសិកម្ម…
ខេត្តកណ្តាល៖ លោក សូ សុវិទ្យា ព្រះរាជអាជ្ញារងអមសាលាដំបូងខេត្តកណ្តាល បានចេញដីកាកោះហៅលើកទី៣ លើជនសង្ស័យ វ៉ិត ធារិទ្ធ អនុប្រធានមន្ទីរកសិកម្ម…
ខេត្តកណ្តាល៖ លោក សូ សុវិទ្យា ព្រះរាជអាជ្ញារងអមសាលាដំបូងខេត្តកណ្តាល បានចេញដីកាកោះហៅលើកទី៣ លើជនសង្ស័យ វ៉ិត ធារិទ្ធ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកណ្តាល មានទីលំនៅភូមិព្រែកខ្សេវ សង្កាត់រកាខ្ពស់ ក្រុងតាខ្មៅ ខេត្តកណ្តាល ពាក់ព័ន្ធបទល្មើស ឆបោកលុយកន្លះលានដុល្លារ។ ក្នុងដីកាកោះហៅនេះ លោកព្រះរាជអាជ្ញារង សូ សុវិទ្យា សង្កត់ធ្ងន់ថា «ក្នុងករណីជនសង្ស័យ វ៉ិត ធារិទ្ធ មិនចូលតាមការកំណត់ក្នុងដីកាកោះនេះ យើងនឹងចេញដីកាបញ្ជាឲ្យចូលខ្លួនអនុញ្ញាតឲ្យមន្ត្រីនគរបាលយុត្តិធម៌ប្រើប្រាស់កម្លាំងសាធារណៈ ដើម្បីបង្ខំបុគ្គលនោះឲ្យចូលបង្ហាញខ្លួន»។
ដើមបណ្តឹងក្នុងសំណុំរឿងនេះ គឺ លោក លី វុទ្ធី ដែលមានងារជាឧកញ៉ា ផងដែរ។ លោក ទិន សុចិត្រា អ្នកនាំពាក្យអយ្យការអមសាលាដំបូងខេត្តកណ្តាល ថ្លែងប្រាប់ នាល្ងាចថ្ងៃទី៥ ខែកុម្ភៈ ឆ្នាំ២០២១ នេះថា ជនសង្ស័យ វ៉ិត ធារិទ្ធ បានដាក់ពាក្យសុំពន្យាពេលចូលបំភ្លឺ ហើយ។ គួររំលឹកថា លោក គង់ សោភ័ណ្ឌ អភិបាលខេត្តកណ្តាល កាលពីខែមីនា ឆ្នាំ២០២០ ទើបបានតែងតាំងលោក វ៉ិត ធារិទ្ធ មន្ត្រីបច្ចេកទេសជាន់ខ្ពស់ ដើមខ្សែពិសេសថ្នាក់លេខ៦ (ក.១.៦) ជាអនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកណ្តាល។ ដោយឡែកលោក ហេង សុភារិទ្ធិ ត្រូវបានតែងតាំងជានាយខណ្ឌរដ្ឋបាលជលផលខេត្តកណ្តាលជំនួសលោក វ៉ិត ធារិទ្ធ៕ ដោយ ៖ ប៉ឹង ឆដា
ចែករំលែកព័តមាននេះ