រាជធានីភ្នំពេញ ៖ បុរសជាជនជាតិបរទេសម្នាក់ស្រវឹងស្រា រួចក៏ដើរចាប់គូទស្រីៗពេញក្នុងក្លឹប លុះសន្តិសុខឃាត់មិនព្រមស្តាប់ ក៏បង្កហិង្សាបណ្តាលឱ្យរងរបួសបែកមុខបែកមាត់ ទើបបង្កឱ្យការភ្ញាក់ផ្អើលកាលពីវេលាម៉ោង៥និង១៥នាទីទៀបភ្លឺ ថ្ងៃទី៥ ខែកុម្ភៈ ឆ្នាំ២០២១…
រាជធានីភ្នំពេញ ៖ បុរសជាជនជាតិបរទេសម្នាក់ស្រវឹងស្រា រួចក៏ដើរចាប់គូទស្រីៗពេញក្នុងក្លឹប លុះសន្តិសុខឃាត់មិនព្រមស្តាប់ ក៏បង្កហិង្សាបណ្តាលឱ្យរងរបួសបែកមុខបែកមាត់ ទើបបង្កឱ្យការភ្ញាក់ផ្អើលកាលពីវេលាម៉ោង៥និង១៥នាទីទៀបភ្លឺ ថ្ងៃទី៥ ខែកុម្ភៈ ឆ្នាំ២០២១ តាមបណ្តោយផ្លូវ51 នៅបារបារាំងយីហោ «ជីផាប» ម្តុំផ្សារសូរិយាម៉ល ស្ថិតនៅក្នុងសង្កាត់ផ្សារថ្មី3 ខណ្ឌដូនពេញ ។
បើតាមសាក្សីឃើញហេតុការណ៍បានឱ្យដឹងថា មុនពេលកើតហេតុខាងលើនេះ គេបានឃើញបុរសម្នាក់ជាជនជាតិបរទេសមិនស្គាល់អត្តសញ្ញាណនោះទេ ហើយក៏មិនដឹងថាគាត់ស្នាក់នៅសណ្ឋាគារម្តុំណានោះដែរ បានមកអង្គុយផឹកស៊ីនៅក្នុងបារបារាំងមួយកន្លែងដែលមានយីហោ «ជីផាប» ។
សាក្សីខាងលើបន្តថា លុះពេលដែលស្រវឹងស្រា ស្រាប់តែដើរចាប់គូទស្រីៗនៅក្នុងបារតែម្តង ដោយឃើញបែបនេះ សន្តិសុខដែលមើលការខុសត្រូវក្នុងហាងបានដើរទៅប្រាប់មិនឲ្យធ្វើបែបនេះទៀត ស្រាប់តែត្រូវជនជាតិបរទេសរូបនោះវាយទៅលើសន្តិសុខ បណ្តាលឱ្យរងរបួសស្រាល ធ្វើឲ្យសន្តិសុខខឹងក៏បានវាយតបទៅវិញចំនួន៧ដៃ ធ្វើឱ្យជនជាតិបរទេសរូបនេះរងរបួសបែកមុខបែកមាត់ បង្កឱ្យមានការភ្ញាក់ផ្អើលទៅដល់បងប្អូនប្រជាពលរដ្ឋនាំគ្នាចោមរោមមើល ហើយក៏ត្រូវបានឃាត់ខ្លួនជនជាតិបរទេសរូបនោះយកទៅការិយាល័យសន្តិសុខផ្សារសូរិយាម៉ល ដើម្បីសួរនាំ ។ ចំណែកស្ត្រីៗដែលត្រូវបុរសជនជាតិបរទេសបំពាននោះ មិនបានទៅដាក់ពាក្យបណ្តឹងទេ។
ក្រោយពេលកើតហេតុខាងលើនេះ សន្តិសុខបានដាក់ពាក្យបណ្តឹង ដើម្បីប្តឹងអ្នកបង្កទៅលើខ្លួន ដើម្បីឱ្យសមត្ថកិច្ចធ្វើទៅតាមផ្លូវច្បាប់ ៕
ចែករំលែកព័តមាននេះ