រាជធានីភ្នំពេញ ៖ រថយន្ត ford បើកកៀរម៉ូតូហុងដាឌ្រីមបណ្តាលឲ្យដួលរងរបួសតិចតួច មិនព្រមឈប់ ព្យាយាមបើករត់ក៏ត្រូវម្ចាស់ម៉ូតូដេញតាម រួចកាក់ពីមុខរថយន្ត តែក៏ត្រូវរថយន្តនោះបុកពីក្រោយទៀត បណ្តាលឱ្យម៉ូតូខ្ទាតទៅចូលក្រោមរថយន្តតូយ៉ូតាព្រុសមួយគ្រឿងដែលចតស្ងៀមធ្វើឱ្យរងការខូចខាតយ៉ាងដំណំ…
រាជធានីភ្នំពេញ ៖ រថយន្ត ford បើកកៀរម៉ូតូហុងដាឌ្រីមបណ្តាលឲ្យដួលរងរបួសតិចតួច មិនព្រមឈប់ ព្យាយាមបើករត់ក៏ត្រូវម្ចាស់ម៉ូតូដេញតាម រួចកាក់ពីមុខរថយន្ត តែក៏ត្រូវរថយន្តនោះបុកពីក្រោយទៀត បណ្តាលឱ្យម៉ូតូខ្ទាតទៅចូលក្រោមរថយន្តតូយ៉ូតាព្រុសមួយគ្រឿងដែលចតស្ងៀមធ្វើឱ្យរងការខូចខាតយ៉ាងដំណំ ក្រោយមកភាគីទាំងសងខាងផ្ទុះទៅជារឿងហិង្សាដាក់គ្នាវិញបង្កឱ្យមានការភ្ញាក់ផ្អើលកាលពីម៉ោង៧និង៣០នាទីយប់ ថ្ងៃទី៤ ខែកុម្ភៈ ឆ្នាំ២០២១ នៅចំណុចផ្លូវ៩៥ កែងផ្លូវ៣៩៦ ស្ថិតក្នុងសង្កាត់បឹងកេងកង៣ ខណ្ឌបឹងកេងកង ។
តាមសម្ដីអ្នកជិះម៉ូតូបានឱ្យដឹងថា មុនពេលកើតហេតុ ពួកគាត់មានគ្នា២នាក់ជិះម៉ូតូម៉ាកហុងដាឌ្រីម សេរីឆ្នាំ២០២០ ពាក់ស្លាកលេខ កំពង់ឆ្នាំង 1R 1770 បានធ្វើដំណើរតាមផ្លូវ១១៣ ពីជើងទៅត្បូងក្នុងខណ្ឌបឹងកេងកង លុះមកដល់ផ្លូវកែងមិនចាំលេខ ក៏ស្រាប់តែមានបុរសម្នាក់បើករថយន្តម៉ាក ford ពណ៌ស ពាក់ស្លាកលេខ ភ្នំពេញ 2BD 0601 បានបើកជ្រុលទៅកៀរម៉ូតូរបស់ពួកគាត់ បណ្តាលឲ្យដួលរងរបួសជើងបន្តិចបន្តួច។
អ្នកជិះម៉ូតូខាងលើបន្តថា គ្រានោះ រថយន្ត ford មិនព្រមឈប់ទទួលខុសត្រូវនោះទេ ក៏ព្យាយាមបើករថយន្តរត់គេច តែត្រូវបានពួកគាត់ជិះម៉ូតូដេញតាមមកដល់ផ្លូវ៩៥កែងផ្លូវ៣៩៦ រួចក៏បានជិះម៉ូតូមកកាក់ពីមុខ ក៏ត្រូវអ្នកបើករថយន្តនោះបានបើកមកបំបុកម៉ូតូពួកគាត់ពីក្រោយ បណ្ដាលឲ្យដួលខ្ទាតចូលទៅក្រោមរថយន្ដតូយូតាព្រុស ពណ៌ក្រហមមួយគ្រឿង ទៀត ដែលចតស្ងៀមនៅផ្លូវកែង បណ្តាលឱ្យរងការខូចខាតម៉ូតូមួយចំហៀងខាងឆ្វេង និងគូថក្រោយយ៉ាងដំណំតែម្តង ដោយឡែករថយន្តបង្កខាងលើរងការខូចខាតផែ្នកខាងមុខចំហៀងខាងស្ដាំ ភ្លាមៗនោះពួកគាត់ក៏បានចុះទៅឃាត់អ្នកបើករថយន្ត ក៏មានការប្រទាញប្រទង់គ្នាបន្តិចទៅ ។
ដោយឡែកខាងរថយន្តវិញបានឱ្យដឹងថា មុនពេលកើតហេតុ គាត់បើករថយន្តធ្វើដំណើរតាមផ្លូវ ក៏ត្រូវបុរស២នាក់បានជិះម៉ូតូដេញតាមរថយន្តគាត់ រួចក៏កាក់ម៉ូតូពីមុខរថយន្តរបស់គាត់តែម្តង។ ណាមួយយប់ព្រលប់ផង គាត់ភ័យក៏បានបើកបំបុកម៉ូតូរបស់ពួកគេតែម្តងទៅ លុះនៅពេលដែលបុកម៉ូតូហើយ ក៏ស្រាប់តែភាគីខាងម៉ូតូបានមកក្របួច.កអាវរបស់គាត់ ព្រមទាំងដកកាំភ្លើងគំរាមគាត់ថែមទៀតផង ។
ដោយឡែកខាងម៉ូតូវិញក៏បានប្រកែកវិញថា កាំភ្លើងរបស់ពួកគាត់មាន ព្រោះពួកគាត់ក៏ជាកងកម្លាំងមួយរូបដែរ តែមិនបានដកកាំភ្លើងគំរាមដូចខាងរថយន្តនិយាយនោះទេ ។
លុះបន្តិចក្រោយមកក៏មានការភ្ញាក់ផ្អើលទៅដល់សមត្ថកិច្ចមូលដ្ឋាន ក៏ដូចជាកម្លាំងកងរាជអាវុធហត្ថខណ្ឌបឹងកេងកង បានចុះទៅកន្លែងកើតហេតុ និងបានសាកសួរពីដំណើររឿង ព្រមទាំងបានឱ្យភាគីទាំងសងខាងសម្របសម្រួលតាមសន្តិវិធីវិញ ដោយបញ្ចប់កុំឱ្យនិយាយរឿងហោង្សា ហើយមកនិយាយគ្នារឿងគ្រោះថា្នក់ចរាចរណ៍វិញ ។
ក្រោយពេលកើតហេតុ ក៏មានតំណាងភាគីទាំងសងខាងបានមកសម្របសម្រួលគ្នាដោយខាងរថយន្ត ford បានសងសំណងថ្លៃការខូចខាតទៅឱ្យខាងម៉ូតូចំនួន៧០០ដុល្លារ ដើម្បីបញ្ចប់រឿង ចំណែកខាងរថយន្តតូយ៉ូតាព្រុស ដែលរងការខូចខាតបន្តិចបន្តួច មិនបានទាមទារសំណងនោះទេ ៕
ចែករំលែកព័តមាននេះ