ខេត្តកណ្តាល ៖ ជនសង្សយ័ម្នាក់បានធ្វើសកម្មភាពលួចដែករបស់បុរសម្នាក់យកទៅលក់ ហើយត្រូវបានសមត្ថកិច្ចក្រុងតាខ្មៅធ្វើការឃាត់ខ្លួន ដែលហេតុការណ៌នេះបានកើតឡើងកាលពីវេលាម៉ោង១២និង៣០នាទីថ្ងៃទី៣ ខែកុម្ភៈ ឆ្នាំ២០២១ នៅចំណុចភូមិព្រែកសំរោង៣ សង្កាត់តាខ្មៅ ក្រុងតាខ្មៅ…
ខេត្តកណ្តាល ៖ ជនសង្សយ័ម្នាក់បានធ្វើសកម្មភាពលួចដែករបស់បុរសម្នាក់យកទៅលក់ ហើយត្រូវបានសមត្ថកិច្ចក្រុងតាខ្មៅធ្វើការឃាត់ខ្លួន ដែលហេតុការណ៌នេះបានកើតឡើងកាលពីវេលាម៉ោង១២និង៣០នាទីថ្ងៃទី៣ ខែកុម្ភៈ ឆ្នាំ២០២១ នៅចំណុចភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល។
ជនរងគ្រោះឈ្មោះ ឡាយ វឿន ភេទប្រុស អាយុ២៦ឆ្នាំ មុខរបរកម្មករសំណង់ មានទីលំនៅភូមិសំរោងអណ្តែត សង្កាត់ ភ្នំពេញថ្មី សែនសុខ ភ្នំពេញ ។ ជនសង្ស័យឈ្មោះ ហ៊ីង សំណាង ភេទប្រស អាយុ៣៥ឆ្នាំ មុខរបរកម្មករសំណង់ មានទីលំនៅភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្តាល ។
នគរបាលក្រុងតាខ្មៅបានអោយដឹងថា នៅវេលាម៉ោងកើតហេតុខាងលើ ជនសង្ស័យបានជិះម៉ូតូមកលួចដែកអេតចាយរបស់ជនរងគ្រោះ ហើយយកទៅលក់អោយអ្នកទិញអេតចាយបានលុយចំនួន២ម៉ឺនរៀល ។ លុះក្រោយមកទៀត ជនសង្ស័យក៏បានមកធ្វើសកម្មភាពម្តងទៀត ក៏ត្រូវជនរងគ្រោះមកទាន់ប្តឹងសមត្ថកិច្ចមកចាប់ឃាត់ខ្លួនតែម្តង។
នៅចំពោះមុខសមត្ថកិច្ចនគរបាល ជនសង្ស័យខាងលើបានសារភាពថា ខ្លួនពិតជាបានធ្វើសកម្មភាពលួចដែករបស់ជនរងគ្រោះបានសម្រេចប្រាកដមែន។
បច្ចុប្បន្ន ជនសង្ស័យរួមនិងវត្ថុតាង កំពុងឃាត់ខ្លួននៅអធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធី៕
ចែករំលែកព័តមាននេះ